Revelation 21:5 - Bible Ni Thothup

⁵ Ma fa’anem nike par nga tagil’ e ga’ar, “Chiney e nggu thiliyeg urngin ban’en nge be’ech!” Miki ga’ar ngog, “Mu yoloy e ren’ey, ya pi thin ney e ba riyul’ mrayag ni ngan pagan’uy ngay.”

Revelation 21:5 Referans Kwoze

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

Isaiah 42:9

Pin’en ni kug yi’iynag e ke yib i m’ug e chiney nib riyul’. Chiney e nggu weliy ngomed boch ban’en nib be’ech u m’on ndawori m’ug.”

Isaiah 43:19

Mu sapgad ko n’en nib be’ech ni nggu ngongliy. Be yib i m’ug e chiney, rayag ni ngam guyed e chiney! Bay gu ngongliy bpa’ i kanawo’ nge yan u daken e ted, mu gu pi’ yu pa’ i lul’ ngomed u rom.

Revelation 19:9

Ma aram me ga’ar fare engel ngog, “Mu yoloy e bin ba’aray: Ke felfelan’ e pi’in ni kan piningrad ko fare madnom ko mabgol rok fare Fak e Saf.” Me ul ul fare engel ngay me ga’ar, “Pin’ey e ireray fapi thin rok Got nib riyul’.”

Revelation 22:6

Ma aram me ga’ar fare engel ngog, “Pi thin ney e ba riyul’ mrayag ni ngan pagan’uy ngay. I Somol ni Got ni pi’ fare Kan Nthothup ngak e pi profet e l’oeg e engel rok ni nge dag ngak e pi tapigpig rok e n’en nthingari m’ug ndab ki n’uw nap’an.”

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Revelation 4:2

Ka chingiyal’ nem me ying fare Kan Nthothup ngog. Mu gguy tagil’ be’ u rom u tharmiy ni bay be’ nike par ngay.

Revelation 4:9

Ma gubin yay nra tang fa aningeg i n’em ni yad ba fos ni yad be pining e sorok ngak ma yad be tayfan, ma yad be pining e magaer ngak fa’anem nike par nga tagil’, ni ir e bay i par nib fos ndariy n’umngin nap’an,

Revelation 1:19

Ere mu yoloy e pin’en ni ga be guy, ni pin’en ni bay e chiney nge pin’en ni bay fini yib i m’ug.

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Revelation 5:1

Mu gguy bangi babyor ni kan bachiy ni bay u lan e ba’ ni mat’aw i pa’ fa’anem nike par nga tagil’; ni l’agruw raba’ ma kan yoloy, ni medlip e hang ni kan pag ngay.

Hebrews 12:27

Re bugithin ney nike ga’ar, “ku bayay” e be dag nib tamilang ni tin ni sunumiy Got ban’en e bayi rurug nge chuweg, ma aram e tin nde rurug ban’en e bayi par.

Revelation 22:19

Ma fa’anra chuweg be’ ban’en ko fapi thin ni be weliy e re ke babyor ney ni tin ni bay fini m’ug ban’en, ma ra chuweg Got rok e birok’ e f’oth u wom’ngin fare ke gek’iy ko yafos, nge f’oth rok ko fare Binaw nib Thothup ni fa’ani kan weliy murung’agen u lan e re ke babyor ney.”

Luke 5:38

Danga’! Wayin nib be’ech e ngan ngal’uweg ngalan e tutuw nib be’ech ni keru’ e gamanman!