Revelation 21:27 - Bible Ni Thothup

²⁷ Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Revelation 21:27 Referans Kwoze

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.

Revelation 3:5

Pi’in yad ra gel ndar paged yad ko kireb e yira yin’ e mad nib wechwech nga dakenrad ni aray rogon, ma dab gu chuweg fithingrad u lan babyoren e pi’in kar fosgad. Ma bay gog u p’eowchen e Chitamag nge pi engel rok ni yad e girdi’ rog.

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Matthew 13:41

en ni Fak e Girdi’ e bayi l’oeg e pi engel rok ngar kunuyed urngin e pi’in yad be waliy e girdi’ ngar denengad, nge urngin e pi’in yad be ngongliy e kireb ni kar maathukgad nga fithik’ e pi’in Got e be gagiyeg nagrad,

Joel 3:17

“Gimed piyu Israel, e aram e bay mu nanged ni Gag e SOMOL ni Got romed. Gu be par u Zion, u daken e burey rog nib thothup. Jerusalem e bayi par nib binaw nib thothup; ma girdi’ nu bang e dabkiyag ni ngar koled yu Jerusalem bayay.

Ezekiel 44:9

“I Gag SOMOL ni Th’abi Tolang e gu be tamilngeg ni dakriy reb e girdi’ nu bang ni dawor ni maad’adnag ni bod ni yog e motochiyel rok Moses, ara be’ ni dar ma fol rog ni ku ra thum’ ngalan e Tempel rog, ni mus ko girdi’ nu bang ni yad ma par u fithik’ e girdi’ nu Israel.”

Efesus 5:5

Ngar mu nanged e re bugithin ni ba’aray: dariy be’ nib darngal, ara ma puwlag, ara ba chogow nrayag e birok’ e f’oth ngak ko fla’ab u lan suwon Kristus nge Got (ya chogow e bmit e tayfan nge, meybil ngak e liyos).

Psalms 101:8

Gubin e rran ni bay gu thirif u but’ e pi’in kireb u daken e but’ rodad; bay gu thurbeg urngin e pi’in kireb e leam rorad ngar chuwgad ko fare binaw rok SOMOL.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

Revelation 20:12

Ma aram mu gguy e pi’in ni karm’ad, ni pi’in nib tolang nge pi’in nib sobut’ ni kar sak’iygad u m’on u tagil’ Got. Min pithig e babyor, mu kun pithig ba kaen, ni fare ke babyor ni babyoren e pi’in ni kar fosgad. Ma pi’in ni karm’ad e ni pufthinnagrad ni be yan u rogon e n’en ni ur ngongliyed, ni bod rogon ni kan yoloy ngalan fa yu ke babyor.

Isaiah 60:21

Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Filippi 4:3

Ma ku errogon gur e cha’ ni gab yul’yul’ ni gadow ma ayuwegdow ko re gaf i maruwel ney, gub adag ni ngu’um ayuweg e gali ppin ney; ya ba gel e maruwel nra tew nra unew ngog ngu’ug wereged fare Thin Ni Bfel’, ma kur unew ngak Klement nge tin kabay e girdi’ ni ug muruwliyed e re gaf i maruwel ney u ta’bang, ni bay fithingrad u lan e babyor rok Got ni babyoren e pi’in kar fosgad.

Zekariah 14:21

Gubin e pi th’ib u lan yu Jerusalem ngu Judah ni ga’ngin yang e ngan fael nga bang ni ngan fanay ko bangbengen e liyor ngak SOMOL ni Gubin ma Rayag Rok. Girdi’ ni yad ma pi’ e maligach e yad ma lum ko pi th’ib nem ngu’ur lith’ed e ufin ni maligach riy. Ra taw ko ngiyal’nem, ma dakriy reb e pi tafalchuway’ u lan e Tempel rok SOMOL ni Gubin ma Rayag Rok.

Numbers 12:15

Ma aram min tay Miriam ni medlip e rran nga wuru’ fa gin kar n’ufed e Tent riy. Miyad par ni da kur milekaggad nge mada’ ko ngiyal’ ni kan fulweg Miriam ngalan e gin ni yad be par riy.

Numbers 5:3

Miyad chuweg urngin pi girdi’ ney ni yad ba ta’ay, ya nge dab ra ta’ay niged e gin ni yibe par riy, ni gin’en ni gu ma par riy u fithik’ pi girdi’eg.”

Levitikus 13:46

Me par nib ta’ay u n’umngin nap’an ni bay fare m’ar rok, ma thingri par u wuru’ e gin ma par e girdi’ riy, nib orel rok e girdi’.

Exodus 32:32

Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Mark 7:2

Miyad guy boch pi gachalpen Jesus ni yad be abich nde be’ech pa’rad, ni fan e ren’em e bochan e dar luk niged pa’rad nrogon nike yog e pi Farise ni nge rin’ e girdi’.

Luke 10:20

Dabi felan’med ni fan e be fol e pi mo’onyan’ romed; machane nge felan’med ni fan e kan yoloy fithingmed nga babyor u tharmiy.”

1 Timothy 1:10

ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

2 Peter 3:13

Machane ke yog Got ni bay sum e bin nib be’ech e lanelang nge bin nib be’ech e fayleng, ni aram e tin nib mat’aw e ngongol e bay i par riy, ni ireray e pin’en ni gadad be sonnag.