Revelation 21:24 - Bible Ni Thothup

²⁴ Ma girdi’ ko pi nam nu fayleng e bay uranod u tarama’en, ma pi pilung nu fayleng e bay ra feked e fel’ rogon rorad i yib ngalan.

Revelation 21:24 Referans Kwoze

Revelation 22:2

nge yan u lulukngun e kanawo’ ko fare binaw. Ma ra baraba’ fare lul’ ma bay e gek’iy ko yafos riy, ni ragag nge l’agruw yay nma k’uf u reb e duw, nra reb e pul ma ta’ab yay; ma yuwan e ma chuweg e liliy rok e pi nam.

Revelation 21:26

Ma gilbuguwan nge fel’ rogon rok urngin e pi nam e bay ni fek i yib ngalan e re binaw nem.

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Isaiah 66:18

Gu manang e leam rorad nge ngongolrad. Bay gub nggu kunuy e girdi’ u gubin e nam. Nap’an ni yad ra mokun nga ta’bang ma aram e bay ra guyed e tin nge rin’ gelngig

Isaiah 60:16

Pi nam nge pi pilung e bay ur ayuweged gur Ni bod ba matin ni be tathuthnag fak. Ma bay mu nang ni Gag SOMOL e kug chuwegem u pa’ e to’ogor rom, Fare Got nu Israel nib gel gelngin e ke tem nike puf rogom.

Isaiah 55:5

Bay mu pininged yugu boch e nam ni ngarbad; bay ba ngiyal’ ni ur pired ndar nanged gimed, machane chiney e bay ra milgad i yib ni ngar cheaggad ngomed! I Gag SOMOL ni Got romed, ni fare Got nib thothup nu Israel e bay gu gagiyegnag urngin e pin’ey nge yodoroy; bay gu gagiyeg nagmed ngu’un tay famed me gilbuguwmed.”

Isaiah 52:15

Machane chiney e bpire’ e nam ni bay ra ngatgad ngak, pi pilung e bay ra ngatgad ngak ni ka ra paged langrad. Bay ra guyed miyad nangfan ban’en nda ur nanged.”

Roma 15:16

ni nggu mang ba tapigpig rok Kristus Jesus, ni nggu maruwel ni fan ngak e pi’in gathi yad piyu Israel. Gu be pigpig ni bod rogon ba prist ni gu be machibnag e Thin Ni Bfel’ ni yib rok Got, ni bochan e nge yag ni mang e pi’in gathi yad piyu Israel reb e maligach nib m’agan’ Got ngay, ni fare Kan Nthothup e ke gagiyegnag nge ydorom.

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Roma 15:26

Ya girdi’en e galesiya nu Macedonia ngu Greece e kar turguyed, ni ngar pi’ed e salpiy nge ayuweg e pi’in yad ba gafgow u fithik’ e girdi’ rok Got ni yad bay u Jerusalem.

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Isaiah 2:2

Tin bayib e rran nga m’on e re burey ni bay e Tempel riy e bayi par ni ir e th’abi tolang u fithik’ gubin e burey, nge m’ug ngalang u fithik’ gubin e burey. Pire’ e nam ni bay rabad ngay,

Isaiah 60:13

“Ren ko gek’iy ni pine nge juniper nge cypress, Ni tin th’abi fel’ e ren ni yibe fek ko Loway nu Lebanon, E bay ni fek i yib nga ni fulwegem nga rogom, i gur Jerusalem, Ya nga ni ngongliy e Tempel rog nge fel’ ya’an, Mi ni fal’eg e binaw rog nge maluplup’.

Isaiah 55:10

“Thin rog e bod e ayis nge n’uw nma aw u lang nga but’ ya nge tarannag e but’. Nge ayuweg e woldug nge ga’; me yib awochngin ni ngan yung nge ggan ni ngan kay.

Isaiah 2:5

Ere, gimed e pi’in owchen Jakob, marod ngdarod u tamilangen SOMOL!

Deuteronomy 32:43

“Gimed e pi nam, thingar mpininged e sorok ngak e tirok SOMOL e girdi’, ya SOMOL e ma gechignag urngin e pi’in ra thang e pogofan rorad; me fulweg ngak e pi to’ogor rok taban e kireb rorad, me chuweg e kireb ko nam ko girdi’ rok me machalbog nagrad.”

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”