Revelation 21:21 - Bible Ni Thothup

²¹ Ma fa ragag nge l’agruw i garog e ragag nge l’agruw i churuwo’ nu l’ugun e yar; ra reb e pi garog nem ma ni ngongliy u ta’reb e churuwo’ nu lan l’ugun e yar. Ma kanawo’ ko fare binaw e yigo’o gol, ni ra yan e changar u fithik’ ni bod e thirek.

Revelation 21:21 Referans Kwoze

Revelation 21:18

Ma re yoror nem e ni ngongliy ko malang nib tolang puluwon ni jasper, ma re binaw nem e ni ngongliy ko gol ni yigo’o gol, nra yan e changar u fithik’ ni bod e thirek.

Revelation 17:4

Ma re pin nem e ke yin’ e mad nib ra’en purple nge scarlet ni bmit e row, ma kan nunuwnag ko gol, nge nochi malang nib tolang puluwon, nge churuwo’ ni yib u l’ugun e yar. Ma bay ba kap nib gol u pa’ nike kol, nib sug ko tin ni puwlag nge tin nib golong ban’en, ni aram wenegan e darngal rok.

Revelation 22:2

nge yan u lulukngun e kanawo’ ko fare binaw. Ma ra baraba’ fare lul’ ma bay e gek’iy ko yafos riy, ni ragag nge l’agruw yay nma k’uf u reb e duw, nra reb e pul ma ta’ab yay; ma yuwan e ma chuweg e liliy rok e pi nam.

Revelation 18:16

me lungurad, “Kari gafgow i gafgow fare binaw nib gilbuguwan! I par nma yin’ e mad nib wechwech nge mad nib ra’en purple nge mad nib ra’en scarlet ni bmit e row, ma be upunguy ir ko tin ni bfel’ ya’an ban’en nni ngongliy ko gol, nge nochi malang nib tolang puluwon, nge churuwo’ nu l’ugun e yar!

1 Kings 6:20

Re senggil nem e guyey e fit n’umngin, ma guyey e fit radan, ma guyey e fit tolngin, ni ga’ngin u langgin ni ka ni gabdiy e gol ngay. Ma altar e ka ni gabdiy e ren ni cedar ngay.

Revelation 4:6

Mu m’on u tagil’ Got e bay bangi ban’en riy ni bod bangi day ni gowa ni ngongliy ko thirek, nib machalbog ra’en nra yan e changar u fithik’ ni bod e krystal. Bay aningeg i ban’en ni yad ba fos ni kayigi fach lan owcherad u m’on rorad ngu keru’rad ni kar liyeged tagil’ Got.

Revelation 21:15

Ma fare engel ni fa’ani non ngog e bay ba ley i fol ni gol u pa’ ni nge foleg fare binaw ngay, nge pi garog riy, nge yoror riy.