Revelation 21:10 - Bible Ni Thothup

¹⁰ Me ying fare Kan Nthothup ngog, me fekeg fare engel nga daken p’ebugul bburey nrib tolang. Me dag ngog yu Jerusalem, ni fare Binaw nib Thothup ni be yib u lan e tharmiy nga but’ nike yib rok Got,

Revelation 21:10 Referans Kwoze

Revelation 21:2

Mu gguy fare Binaw nib Thothup, ni aram fa bin nib be’ech e Jerusalem ni be yib u tharmiy nga but’ nike yib rok Got, nike fal’eg rogon ni bod be’ ni bpin ni nge mabgol nike yin’ e mad rok ni bfel’ ni nge yan ngar mada’gow e pumo’on rok.

Ezekiel 11:24

U lan fare changar rog ni kan pilyeg e kan nthothup rok Got e chibiyeg ngalang nge fulwegeg ko fapi kalbus ni yad bay u Babylon. Ma aram me m’ay ngabang fare changar ni ug tay,

Revelation 17:3

Me ying fare Kan Nthothup ngog, me fekeg fare engel nga daken bangi ted. Mu gguy be’ ni bpin u rom nike par nga daken ba gamanman nib row ni bay e ngachal nib kireb nib togopluw ngak Got ni kan yoloy nga daken downgin ni gubin yang; ma re gamanman nem e medlip lolugen ni bay ma ragag e gagey rok.

Revelation 1:10

Chirofen ni rran rok Somol me yib fare Kan Nthothup i ying ngog, mu gu rung’ag ba lam ni ba ga’ ni bod laman ba rappa ni be non u keru’ug.

Acts 8:39

Ma fa’an rbow u maran nga talang me fek fare Kan Nthothup rok Somol Filip ngranow. Ma daki guy fa’anem nib tolang Filip bayay, machane me yan ko gin ni be sor ngay ni kari felfelan’.

Ezekiel 11:1

Kan nthothup rok Got e chibiyeg nge fekeg nga ba’ ni ngek e garog ko Tempel. Nu rom u charen e garog e gguy rliw’ nge lal e pumo’on riy, ni bay Jaazaniah nib mo’on ni fak Azzur nge Pelatiah nib mo’on ni fak Benayah rorad, ni yow l’agruw i tayugang’ ko fare nam.

Ezekiel 8:3

Me k’iyag ban’en ngog ni bod rifrifen pa’ be’ nge malle’ nga piyen lolugeg. Kab pig owcheg me chibiyeg e kan nthothup rok Got nib tolang nge fekeg nga Jerusalem. I fekeg ko bin lel’och e garog ko Tempel nga langgin e yoror ko gin bay ba liyos riy ni rib tharthar nga mit Got.

Revelation 4:2

Ka chingiyal’ nem me ying fare Kan Nthothup ngog. Mu gguy tagil’ be’ u rom u tharmiy ni bay be’ nike par ngay.

Ezekiel 3:14

Fa’ani yib gelngin SOMOL nga dakenag nib elmirin, me fekeg fare kan thothup rok Got, me yib e kireban’ ngog nge damumuw.

1 Kings 18:12

Fa’anra gu wan me yib SOMOL nge fekem ngabang ndariy be’ ni manang, me di’in? Fa gu wan gog ngak Ahab ni ga bay u roy me yib ma de piri’egem, ma nge thang e pogofan rog. Dab mpag talin ni ug par ni bay madgun SOMOL u wun’ug ma gub yul’yul’ ngak ni ka nap’an ni gub bitir ke mada’ ko chiney.

2 Kings 2:16

me lungurad, “Gamad wugem e pumo’on ni gamad ba’aray, ni go’ gamad ba gel. Ere dab gu warod nggu gayed e masta rom? Ya sana fare kan nthothup rok SOMOL e ke fek ke yan i pag nga daken reb e burey fa ngalan reb e loway.” Me ga’ar Elisa, “Dangay, dab marod.”

Galatia 4:26

Machane bin bay u tharmiy e Jerusalem e gathi ir reb e sib, me ir e chitiningdad.

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.

Revelation 11:2

Machane dab mu foleg lan e yoror ko Tempel. Dab mu foleg, ya kan pi’ ngak e pi’in ni gathi yad piyu Israel, ni yad e bay uryot’ed daken fare Binaw nib Thothup ni aningeg i ragag nge l’agruw e pul.