Revelation 20:8 - Bible Ni Thothup

⁸ ma bayi yan ngi i bannag e pi nam nib wear u daken e fayleng ni polo’, ni aram yu Gog nge yu Magog. Ma bayi kunuyrad Satan nga ta’bang ni fan ko mael, ni yad bod urngin e yan’ ni bay u dap’e l’ay.

Revelation 20:8 Referans Kwoze

Revelation 16:14

Yad e kan ni mo’onyan’ ni yad ma ngongliy e maang’ang. Dalip i kan ney e ka ranod ngak e pi pilung u fayleng ni polo’ ni ngar kunuyed yad nga ta’bang ni fan ko mael ni fan ko fare rran ni ba ga’ fan, ni Rran rok Got ni Gubin ma Rayag Rok.

Ezekiel 38:1

I SOMOL e ga’ar ngog.

Revelation 20:10

Ma fare Mo’onyan’ ni ban nagrad e nin’ ngalan fare lipath i nifiy nge sulfur, ni ir e ka nin’ fare gamanman ngay nge fare profet ni yugu ban’en; ma aram e bay ni gafgow nagrad ni rran nge neap’ ndariy n’umngin nap’an.

Revelation 20:3

Me yin’ fare engel fare mo’onyan’ ngalan fare abyss, me loknag nge mu’ me pag e hang nga daken ni bochan e nge dabkiyag ni nge bannag girdi’en e pi nam nge yan i mada’ ko ngiyal’ nike m’ay fare biyu’ i duw. Ma tomuren e re biyu’ i duw nem e bay kun pag riy nib ngoch nap’an.

Hebrews 11:12

Yugu aram rogon ndabkiyag ni nge fakay e bitir ni fan e ke pilibthir, machane ireray e re mo’on ni yib owchey ni pire’ ni bod rogon feni yo’or e t’uf u lanelang, ni bod feni yo’or e yan’ ni da nnang urngin.

Jeremiah 33:22

Bay gu yo’ornag owchen David nge pi prist ni yib ko ganong rok Levi, ni aram e dabkiyag i the’egrad ni bod e t’uf u lanelang fa yan’ u dape’l’ay.”

Isaiah 10:22

Ni yug aram rogon ni chiney ni gathi blich e girdi’ nu Israel ni bod e yan’ u pe’lay, ma buchu’uw i yad e bayi sul. Riya’ e kan ayuweg ni fan ko girdi’, nri bay tapgin ni nge aw ngorad.

1 Samuel 13:5

Me mu’ulung e pi Filistine ni ngar chamgad ngak piyu Israel; ma 30,000 e chariot ni fan ko mael ni bay rorad, ma 6,000 girdi’en e yan u os, nge salthaw ni pire’ ni bod urngin e yan’ ni bay u dap’el’ay. Miyad yan nga Mikmash ni bay ko ngek u Bethaven, mranod ra pired ngaram.

Judges 7:12

Piyu Midian, nge piyu Amalek, nge bogi pumo’on ni yad ma par u daken e ted e karweargad u lan e re loway nem ni bod e asmen’ing ni pire’ ni pire’, ma bay e kamel rorad ni pire’ ni bod feni yo’or e yan’ u dap’el’ay.

1 Kings 4:20

Girdi’ nu Judah ngu Israel e yad ba yo’or ni bod urngin e yan’ nu dep’el’ay; ur abichgad ma yad be garbad, mu ur pired ni yad bfelfelan’.

Ezekiel 7:2

Ni ga’ar, “Fak e girdi’, irera’ e n’en ni gu be yog I Gag fare SOMOL ni Th’abi Tolang ko nam nu Israel: Irera’ e tungun ko fare nam ni polo’!

Ezekiel 38:2

“Fak e girdi’, mup nga owchen Gog e kireb rok, ni ir e tolang ko gagiyeg ko pi nam nu Meshek ngu Tubal u daken e but’ nu Magog. Mu togopluw ngak

Ezekiel 39:1

I SOMOL ni Th’abi Tolang e ga’ar, “Fak e girdi’, mu non nib togopluw ngak Gog, ni ir e ga’ ko gagiyeg ko fagal nam nu Meshek ngu Tubal, ni ngamog ngak ni gag e to’ogor rok.

Ezekiel 39:6

I gag e bay gup’ e nifiy u daken e but’ nu Magog nge ga’ngin dap’el’ay ni gin ma par e girdi’ riy ni dariy ban’en nma magawon nagrad, ma urngin e girdi’ ni bayi nang ni Gag fare SOMOL.

Revelation 7:1

Ma fa’ani mu’ e biney mu gguy aningeg i engel ni yad ba sak’iy ko fa aningeg i tabthung nu fayleng, ni kar taleged fa aningeg i nifeng nu fayleng, ni bochan e nge dabki thow e nifeng u daken e fayleng, ara u daken e day, ara nga daken ba ke gek’iy.

Revelation 12:9

Mi nin’ fare dragon nri ba ga’ nga wuru’ e tharmiy! I ir fare porchoyog nike kakrom, ni kan tunguy fithingan ni Mo’onyan’, ara Satan, ni ir fa’anem ni bannag e girdi’ nu fayleng ni polo’. Mi nin’ u lang nga daken e fayleng, nib mu’un urngin e pi engel rok ngak.

2 Kronicles 18:21

Me fulweg fare kan ni ga’ar, ‘Bay gu wan nggu gagiyegnag gubin fapi profet rok Ahab ngar bangad.’ Me ga’ar SOMOL, ‘Mman ngam bannag. Ya rayag rom.’”