Revelation 2:20 - Bible Ni Thothup

²⁰ Machane ba’aray e n’en ndabug rom: ga be k’adan’um rok fare pin ni Jezebel, ni be yog ni ir reb e girdi’ ni Got e l’oeg. Be fil ngak e pi tapigpig rog ma be ban nagrad ngu’ur ngongliyed ngongolen e darngal ma yad be kay e ggan ni kan pi’ ni maligach ngak e liyos nma meybil boch e girdi’ ngay.

Revelation 2:20 Referans Kwoze

Revelation 2:14

Machane ba’aray in i ban’en ndabug rom: bay boch e girdi’ rom u wur ni yad be fol ko tin ni be fil Balaam ko girdi’, ni ir e fil ngak Balak rogon ni nge waliy e girdi’ nu Israel ngar denengad ni ngar ked e ggan ni kan pi’ ni maligach ngak e liyos nma meybil boch e girdi’ ngay, ma yad be ngongliy ngongolen e darngal.

1 Kings 16:31

Gathi kemus ni i rin’ e kireb ni i rin’ Jeroboam ni Pilung; ya ki leay Jezebel, ni fak Ethbaal ni Pilung nu Sidon, me un i tay fan Baal.

Acts 15:29

ni aram e dab mu ked e ggan ni kan pi’ ni maligach ko liyos nma meybil boch e girdi’ ngay; ma dab mu ked e racha’; ma dab mu longuyed e gamanman nni uchuluy k’angan nge yim’; mi gimed ayuwegmed ndab mu pired be’ ni gathi mabgol romed. Gimed ra rin’ e tin nib mat’aw ni fa’an gimed ra par ni dab mu rin’ed e pin’ey. Ere kefel’.”

2 Kings 9:7

Gur e ngam li’ nge yim’ fare masta rom ni fare pilung, fare mo’on ni fak Ahab, ya nggu gechignag Jezebel ni bochan e ke thang e fan rok e pi profet rog nge ku boch e pi tapigpig rog.

Acts 15:20

Machane ngad pi’ed e babyor nge yan ngorad, ni nga dogned ngorad ndab ra ked e ggan nde klin ni fan e kan pi’ ni maligach ko liyos nma meybil boch e girdi’ ngay; ma ngar ayuweged yad nge dab ra pired be’ ni gathi mabgol rorad; ma dab ra longuyed e gamanman nni uchuluy k’angan nge yim’, ara ra ked e racha’.

Revelation 2:4

Machane ba’aray e n’en ndabug rom: da kug t’uf rom e chiney ni bod fenag t’uf rom ko som’on.

Exodus 34:15

Dab mu ngongliy reb e tha’ u thilmed girdi’en e re nam nem, ya nap’an ni yad ra tayfan e tirorad e got ma yad be pi’ e maligach ngorad, ma bay ra pininged gur ni ngam un ngorad, ma bay ur guyed rogon ni ngam koy e pi ggan ni kar og niged ko tirorad e got.

1 Korinth 10:28

Machane fa’anra ga’ar be’ ngomed, “Pi ggan ney e ggan nni pi’ ni maligach ngak e liyos nma meybil boch e girdi’ ngay,” me siy mu ked e re ggan nem, ni fan ngak e cha’ ni ir e keyog ngomed ni aram rogon, nge fan nga lanin’uy —

1 Kings 17:4

Ran ni ngam unum e bay um fek ko re lul’ nem, ma kugog ngak e arche’ ni gapl’uw ni ngu’ur feked e ggan i yib ngom.”

1 Kings 17:13

Me ga’ar Elijah ngak, “Dab mu rus, mman ngam ngongliy e ggan romew, machane som’on e ngam fek e chu’uw i flowa ni bay rom ngam ngongliy ba flowa riy nib achig ma ga fek i yib ngog, ma tin ke magey riy e ngam ngongliy rogon ngam kew fakam.

2 Kings 9:22

Me fith Joram i Jehu ni ga’ar, “Mog, ga be yib u fithik’ e gapas?” Me fulweg Jehu ni ga’ar, “Bu uw rogon me aw e gapas, ni go’ kabay rodad gubin e pig nge meybil ngak yug boch e got ni tababnag e chitinam i Jezebel?”

Ezekiel 13:17

SOMOL e ga’ar, “Fak e girdi’, mu yaliy e ppin u fithik’ e girdi’ rom ni yad be tunguy boch ban’en ni bayi buch. Mu gechig nagrad