Revelation 2:17 - Bible Ni Thothup

¹⁷ “Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”

Revelation 2:17 Referans Kwoze

Isaiah 62:2

Jerusalem, pi nam e bay ra guyed e pi gel ni ka mu tay! Gubin e pilung ko pi nam nem ma bay ra guyed fel’ngim. Bay ni pining reb e ngachal ngom nib be’ech, ni ba ngachal ni SOMOL e pi’.

Isaiah 65:15

Ma girdi’ rog ni kug mel’eg e bay u rogned fithngamed nib yabo’. I Gag, fare SOMOL ni Th’abi Tolang, e bay gu thang e pogofan romed. Machane bay gu pi’ reb e ngachal nib be’ech ngak e pi’in yad ma fol rog.

Revelation 2:11

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Ya pi’in yad ra gel ndar paged yad ko kireb e dabki buch ban’en rorad ko yay ni migid e yam’ ni yira tay.”

Revelation 2:7

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Pi’in ni yad ra gel ndar paged yad ko kireb e bay gu pi’ mat’awrad ni ngar ked wom’ngin fare ke gek’iy ko yafos ni bay u Milay’ rok Got!”

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Revelation 3:22

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”

Revelation 3:6

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya!”

Kolose 3:3

Ya kam m’ad, ma yafos romed e kan uneg ngak Kristus kan mithag nga fithik’ Got.

1 Korinth 2:14

Machane cha’ ndariy fare Kan ni Thothup rok e dabiyag ni nge yag ngak e pi tow’ath nma yib rok e Kan ni Thothup rok Got. Ya ri der nang fan, ma thin ko balyang u wan’, ya fan e yira nang ni kemus ni Kan ni Thothup e ra dag.

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

Isaiah 65:13

Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Proverbs 3:32

ya SOMOL e ba fananikan e girdi’ nma rin’ e kireb, machane ma fek e girdi’ nib mat’aw ngar manged tafger rok.

Psalms 36:8

Gamad be mur ko ggan ni yo’or ni ga be pi’; ka mu pagmad gamad be garbad ko fare lul’ ni aram fel’ngim ni be map’.

Psalms 25:14

SOMOL e tafager rok e pi’in yad be fol rok, ma micheg ngorad e m’ag u thilrad.

John 4:32

Machane me fulweg ni ga’ar, “Bay e ggan ni nggu way nda mu nanged bochu’uw i murung’agen.”

Isaiah 56:4

I SOMOL e ga’ar ko mitnef e girdi’, “Fa’anra ga be liyor ngog ga be un i tay fan e Sabbath ma ga be rin’ e tin nib magan’ug ngay ma gab yul’yul’ ko fare m’ag rog,

Proverbs 14:10

Felfelan’ rom e fanam; kirban’ rom e fanam. Dariy be’ nra fana’ boch.

Exodus 16:33

Me ga’ar Moses ngak Aron, “Mfek ba rume’ ngam tay l’agruw e quart e manna ngalan, ngam tay nga p’eowchen SOMOL ngan cha’riy u rom ni fan ngak e pi’in bay rabad ni owchadad.”

Isaiah 56:5

ma aram e fithingam e ra magach u wun’uy u lan e Tempel rog ngu fithik’ e girdi’ rog nib n’uw nap’an ko bitir ni ngam fakay. Ma gur e dab ni pag talinnem bi’id.”

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”

Mark 7:16