Revelation 19:6 - Bible Ni Thothup

⁶ Ma aram mu gu rung’ag laman e girdi’ ni pire’ ni pire’, ni bod feni ga’ lingan ba lul’ ni ba ga’ ni beb i map’ u taban bangi war nib tolang ngalan e yibu’, ni bod feni ga’ lingan e dirra’. Mu gu rung’ag lamrad ni be lungurad, “Ngan pining e sorok ngak Got! Yi Somol, ni ir e Got rodad ni Gubin ma Rayag Rok e ir e Pilung!

Revelation 19:6 Referans Kwoze

Psalms 97:1

I SOMOL e pilung! Fayleng, mu felfelan’! Ngam felfelan’gad e pi donguch u lan e day!

Revelation 14:2

Mu gu rung’ag ba lam ni yib u tharmiy, ni gowa lingan ba lul’ ni ba ga’ ni be yan i map’ e ran riy u taban bangi war nib tolang ngalan e yibu’, ni gowa lingan ba dirra’ ni ba ga’. Re lam nem ni gu rung’ag e gowa laman e musik ni tay e pi’in yad be chubeg e harp rorad,

Revelation 19:1

Gu rung’ag laman e girdi’ ni pire’ u tharmiy ni yad be non ni ba ga’ lamrad ni be lungurad, “Ke sorok Got ma ke magaer! Ya kanawo’en min thap ngak, nge fla’ab, nge gelngiy nib th’abi gel e bmil suwon ngak e Got rodad!

Psalms 99:1

I SOMOL e pilung, ma be t’on e girdi’. Ke par nga tagil’ nib pilung ngalang ko kerubim, me durru’ e fayleng.

Psalms 93:1

I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg.

Revelation 6:1

Mu gguy fare Fak e Saf nike th’ab fa bin som’on e hang ko fa medlip i hang, mu gu rung’ag bagayad fa aningeg i n’em ni yad ba fos ni non ni bod mam’ungun lingan e dirra’ ni ga’ar, “Moy!”

Revelation 1:15

ma rifrif u ay e be galgal ram’en ni gowa wasey ni brass ni kan rannag ko nifiy nge mu’ min gichiy downgin, ma laman e bod lingan ba lul’ ni ba ga’ ni beb i map’ u taban bangi war nib tolang ngalan e yibu’.

Ezekiel 1:24

Mu gu rung’ag lingan porad ni yad ra changeg ma ba’aray rogon, be yan lingan ni bod lingan e day ni cham u regur, ma bod lingan baraba’ i salthaw ni pire’ ni pire’, ma bod laman Got ni Gubin ma Rayag Rok. Ma yad ra tal ko changeg miyad duguy porad,

Revelation 21:22

Ma da gguy ba Tempel u lan e re binaw nem, ya Tempel riy e aram Somol ni Got, ni Gubin ma Rayag Rok, nge fare Fak e Saf.

Revelation 12:10

Mu gu rung’ag ba lam ni ba ga’ u lan e tharmiy ni be ga’ar, “Ke taw ngal’an ni nge thapeg Got e girdi’ ngak! Chiney e ke dag Got gelngin ni ir e Pilung! Chiney e ke dag e Messiah rok gelngin! Ya fa’anem nma egnag pi walagdad nma yib i sak’iy nga p’eowchen Got ngi i thibthibnagrad ni rran nge neap’ e ka nin’ nga wuru’ e tharmiy.

Revelation 8:5

Me fek fare engel fare raba’ i n’en ni yima af fa pin’en ni bfel’ bon ngay nge suguy ko nifiy nu altar, me yin’ nga daken e fayleng. Me chub e dirra’, me yan lingan bogi ban’en, me matmat e uluch, me yib ba durru’.

Revelation 4:5

Me mat e uluch u tagil’ Got, ma be yan lamay, ma be chub e dirra’ riy. Ma bay medlip i mol’ ni kan tay e nifiy ngay ni be yik’ u m’on u tagil’ Got; ni ireram fa medlip i kan rok Got.

Ezekiel 43:2

mu rom e gguy riy fare ra’en e maluplup’ u tagil’ Got rok yu Israel nike yib ko ngek. Ma lungun SOMOL e bod lingan e day ni be chub, ma fayleng e gal ra’en nib maluplup’.

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Psalms 97:12

Gimed urngin e pi’in gimed bmat’aw e nge felanmed ni bochan e n’en nike rin’ SOMOL! Mu leam niged e n’en ke rin’ Got nib thothup, mi gimed pining e magaer ngak.

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

BABYOR NI JOB 40:9

Mog, ta’reb rogon gelngim ngog? Rayag ni nge dirra’ lungum ni bod gag?

Jeremiah 51:48

Gubin e ban’en u daken e fayleng ngu lanelang e bay ra tolul niged e felfelan’ ko ngiyal nra aw yu Babylon nga pa’ e girdi’ ko lel’och ni karbad ni ngar kireb niged.

Psalms 47:7

Got e ir e pilung ko fayleng nib polo’; mu pininged e magaer nge sorok ngak u fithik’ e tang!

Psalms 47:2

I SOMOL, ni ir e ba Th’abi Tolang, e ngan dugow ngak; i ir ba pilung ni th’abi ga’, ni be gagiyegnag e fayleng ni polo’.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Revelation 19:4

Ma fa rliw’ nge aningeg i pi’ilal nge fa aningeg i n’em ni yad ba fos e ra parawgad nga but’ ngar ted fan Got miyad siro’ ngak nike par nga tagil’ me lungurad, “Amen! Ke sorok Got!”