Revelation 18:6 - Bible Ni Thothup

⁶ Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

Revelation 18:6 Referans Kwoze

Jeremiah 50:29

“Mogned ngak e pi’in yad ma mun gat’ing ngar chamgad nga Babylon. Mu l’oeged gubin e pi’in manang rogon e mun gat’ing. Mu thabey niged fare binaw ni dab mu paged be’ nge mil. Mu fulweged taban urngin e tin i rin’, mi gimed rin’ ngak e tin ki i rin ngak boch e girdi’, ni bochan e i ngongol u fithik’ e ufanthin nib togopluw ngog, I Gag fare Thothup nu Israel.

Psalms 137:8

Babylon, bay ni kireb nigem! Ra felfelan’ e en ni ir e bayi fulweg labgen ngom ni bochan e tin kam rin’ ngomad,

Jeremiah 50:15

Mu gafaliyed e mael u wuru’ e re binaw ney ni ga’ngin! Chiney e kan kol yu Babylon. Pi yoror riy e kan buthug nga barba’ ma kan tet’ar nga but. Aram e kug fulweg taban e kireb ngorad. Re mu gafgow nigedyad, ni bod rogon ni ur rin’ed ngak boch e girdi’.

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.

Revelation 14:10

e ir e ra unum e wayin rok Got, ni wayin ko damumuw rok, nike pu’og ngalan e kap ko damumuw rok ke yan i mus nga gelngin! Urngin e girdi’ ni ra rin’ e ren’ey e yira gafgow nagrad u fithik’ e nifiy nge sulfur u p’eowchen fapi engel nib thothup nge fare Fak e Saf.

Jeremiah 51:24

Be ga’ar SOMOL, “Bay mu guyed gag ni nggu sulweg taban’ ngak yu Babylon nge girdi’ riy gubin fapi kireb nrin’ed nga Jerusalem.

Revelation 17:4

Ma re pin nem e ke yin’ e mad nib ra’en purple nge scarlet ni bmit e row, ma kan nunuwnag ko gol, nge nochi malang nib tolang puluwon, nge churuwo’ ni yib u l’ugun e yar. Ma bay ba kap nib gol u pa’ nike kol, nib sug ko tin ni puwlag nge tin nib golong ban’en, ni aram wenegan e darngal rok.

Zekariah 9:12

Mu sulod, e pi kalbus u wuru’ e nam ya chiney e ke yib e l’agan’ romed; mu sulod ko nam romed ndabki buch ban’en romed. Chiney e gu be yog ngomed ni bay gu fulweg ngomed e pi fel’ wa’athan ni l’agruw yay nib yo’or ko pi gafgow ni ku’um ted.

Jeremiah 17:18

Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

Jeremiah 16:18

Bay gu ruw yay nag taban e denen rorad ni nge aw ngorad nge farad kireb, ni bochan e ka ra ta’ay niged e nam rog ko pi liyos ni dariy e yafos riy ni bod e yam’, ni ka ra sugyed ko pi got rorad ni go’ bogi ban’en.”

2 Timothy 4:14

I Alexander nma maruwel ko wasey e ba gel e kireb nike rin’ ngog; mi Somol e bayi pi’ puluwon ngak nrogon e tin ke ngongliy.

Jeremiah 51:49

Yu Babylon e ir e k’aring e yam’ ngak e girdi’ u ga’ngin e fayleng, ma chiney e nge mul yu Babylon ni bochan e ir e k’aring e yam’ ngak e girdi’ nib yo’or u Israel. I Gag SOMOL e kugog e pi thin ney.”

Revelation 17:2

Fapi pilung nu fayleng e kar cheaggad ko fare pin nib gilbuguwan nma chuway’ ngak yad be ngongliy e ngongol ko darngal, ma girdi’ nu fayleng e kar balyanggad ni bochan e kar unumed e wayin ko darngal rok.”

Revelation 13:10

En ni kan finey ni ngan kol e ri bay ni kol; ma en ni kan finey ni ngan li’ ko saydon ngem’ e bmuduwgil ni bay nli’ ko saydon ngem’. Ireray e ngiyal’ ni nge k’adan’ me pagan’ girdi’en Got ngak Got.”

Isaiah 40:2

Mu pi’ed e athamgil nga laniyan’ e girdi’ nu Jerusalem. Mogned ngorad nike gaman n’umngin nap’an ni kar gafgowgad, ma chiney e ken’ag Got fan e denen rorad. Kug gechig nagrad ke yan i mus nga rogon ni bochan urngin e denen rorad.”

Isaiah 61:7

Tamra’ ni um ted nge moning ni un tay ngomed e bayi m’ay. Bay um pired ko nam romed, ma pi machaf romed e bayi mun daken; ma felfelan’ romed e bay i par ndariy n’umngin nap’an.

Psalms 28:4

Mu gechig nagrad ni fan ko n’en karin’ed, ni fapi kireb ni kar ngongoliyed. Mu gechig nagrad ko gubin e ngongol rorad; mu gechig nagrad ni rogon ni nge aw ngorad!

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Lamentations 3:64

“SOMOL, mu gechig nagrad ko tin karrin’ed.