Revelation 18:24 - Bible Ni Thothup

²⁴ Ya Babylon e ni gechignag ni bochan e ni pir’eg racha’en e pi profet nge girdi’en Got u lan; errogon, racha’en urngin e pi’in ni kan li’rad u fayleng.

Revelation 18:24 Referans Kwoze

Revelation 17:6

Mu gguy fare pin nike chingnag nga racha’en pi girdi’en Got, nge racha’en e pi’in nli’rad ngarm’ad ni bochan e ur pired ni yad ba yul’yul’ ngak Jesus. Ma fa’an gguy e re pin nem me ri gu gin ngak.

Revelation 16:6

Kar pu’oged racha’en e girdi’ rok Got nge racha’en e pi profet, me ere kam pi’ e racha’ ni ngar unumed. Ya ke yag ngorad puluwon e ngongol rorad!”

Jeremiah 51:49

Yu Babylon e ir e k’aring e yam’ ngak e girdi’ u ga’ngin e fayleng, ma chiney e nge mul yu Babylon ni bochan e ir e k’aring e yam’ ngak e girdi’ nib yo’or u Israel. I Gag SOMOL e kugog e pi thin ney.”

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Revelation 11:7

Ma nap’an ni bay ra mu’gow i wereg e thin rok Got, me yib fare gamanman ni yib u lan fare abyss i cham ngorow. Ma bayi gel ngorow me li’row ngar m’ow,

Matthew 23:35

Aram fan ni gechig ni bay yib ni bochan urngin e girdi’ ni bfel’ nli’rad ngarm’ad e bay yib ngomed, ni mus ngak Abel nthang e fan rok ni be’ ni bfel’ e rok nge mada’ ngak Zekariah nib mo’on ni fak Barakiah, ni ir e mu li’ed ngem’ u thilin e Tempel nge altar.

Matthew 23:27

“Kari mu gafgowgad e pi’in tamchib ko Motochiyel nge gimed e pi Farise! Ya gimed be dake moding niged gimed! Gimed bod malangen e yam’ ni kan achey wuru’ ko wech, ni bfel’ ya’an u wuru’ ma ba sug lan ko yil nge meal.

Daniel 7:21

Ma nap’an ni ku gu be changar, me m’ag fare gagey e mael ngak e girdi’ rok Got nge gel ngorad.

1 Thessalonika 2:15

ni ireram e picha’ nra li’ed Somol Jesus nge pi profet, miyad gafgow nagmad. Dar fel’gad u wan’ Got! Ma yad be togopluw ngak urngin e girdi’!

Ezekiel 22:27

Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.

Ezekiel 22:12

Boch e girdi’ romed e be fek puluwon ni nge thang e pogofan. Ma boch i yad e be pi’ e salpiy ni ku ran fulweg, me yin’ e pasent ngay nib pag oren nike mangita’ ngorad kefel’ rograd riy. Ma kar paged talig.” I SOMOL ni Th’abi Tolang e be non.

Ezekiel 22:9

Boch e girdi’ romed e be gathibthibnag ma be t’ar e thin nga daken boch e girdi’ ya ngan thang e pogofan rorad. Ma bochi yad e be kay e pin’en ni kanpi’ ni maligach ko liyos. Ma boch i gimed e gubin ngiyal’ ni yad be gay e chum’er, ni nge gamen e tin yad be ar ar nag.

Jeremiah 2:34

Mad rom e ke mada’ e racha’en e pi’in gafgow nge pi’in ndawor ra bucheged ban’en riy, ma gathi racha’en e girdi’ nma sabthiy e naun. “Yugu ara’ rogon e pin’ey ni gubin,

Daniel 7:25

Bayi welthin nib togopluw ku Got ni Ir e Th’abi Tolang me gafgownag e girdi’ rok Got. Ya bayi guy rogon ni nge thiliyeg e pi motochiyel rorad nge pi madnom ni yad ma madnomnag, ma bayi par e girdi’ rok Got u tan gelngin ni dalip nge baley e duw.