Revelation 18:23 - Bible Ni Thothup

²³ Ma gathi bay ku ni guy bayay ram’en e magal rom; ma gathi bay kun rung’ag laman e ppin nge pumo’on ni ngan m’ag e mabgol rorad. Ya girdi’ nma folchuway’ rom e ba ga’ buguwrad u fayleng ni polo’, ma kam bannag e girdi’ ko pi nam u fayleng ko pig rom ni yigo’o bogi ban’en!”

Revelation 18:23 Referans Kwoze

Revelation 18:3

Ya ke pi’ e wayin rok ngak urngin e girdi’ ko pi nam kar unumed, ni fare wayin ko darngal rok nib gel. Pi pilung nu fayleng e kar uned ngak kar ngongliyed e ngongol ko darngal. Ma girdi’en e tafolchuway’ e yo’or salpiyrad ko darngal rok ndabiyag ni nge gafaliy ir riy.”

Isaiah 23:8

Mini’ e tanomnag nge girengiy gubin e pin’ey nga daken yu Tyre, ni fare binaw nib sorok, ni pi siyobay riy e bogi fak e pilung ni yad e picha’ nth’abi gilbugwarad u fayleng?

Nahum 3:4

Nineveh ni fare gathar ni yibe gechignag. Nib gamog ma fel’ngin e ba sug ko yub, ma pingeg lanyan’ e pi nam nge m’agan’rad ngak miyad sib.

Jeremiah 7:34

Re gi but’ nem e bayi ngal’ ni bangi ted dar tugul ban’en riy, mu lan e pi binaw nu Judah ngu lan e yu pa’ i kanawo’ nu Jerusalem e bay gu gagiyegnag nge dabki yan laman e girdi’ riy ni yad be felfelan’, ma ku er i tay laman e ppin nge pumo’on ni kafni mabgol ni yibe madnomnag e mabgol rorad.

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Jeremiah 16:9

Mmotoyil ko mang e nggu weliy, I Gag fare SOMOL ni Gubin ma Rayag Rok, ni fare Got nu Israel. Bay ggapaseg lungun e uf uf nge felfelan’ ko madnom ko mabgol. Girdi’ u roy e yad ra par ni yad bafos ngar guyed e ran’ey ni nge yodro’.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Revelation 18:22

Musik rok girdi’en e harp nge pi girdi’en e musik, nge girdi’en e methow ngal nge rappa e gathi bay kun rung’ag rom bayay! Ma dakuriy be’ u yugu bmit e maruwel ni bay kun pir’eg rom bayay; ma lingan e malang ni be bilig e wheat ni yima ngongliy e flowa riy e gathi bay kun rung’ag lingan!

Revelation 18:9

Pi pilung nu fayleng ni kar uned ngak i ngongliy e ngongol ko darngal nge ar’ar ko darngal e bay ra dololoy’gad miyad yor ni bochan fare binaw ko ngiyal’ ni yad ra guy e ath rok ni aram e be yik’.

Revelation 17:5

Ma kan yoloy ba ngachal nga daken peri’ ni bay fan nib mith ni ga’ar: “Fare Babylon nib Gilbuguwan, ni ir e chitiningin urngin e ppin ni yad ma chuway’ ngorad nge urngin e kireb nu fayleng.”

Revelation 17:2

Fapi pilung nu fayleng e kar cheaggad ko fare pin nib gilbuguwan nma chuway’ ngak yad be ngongliy e ngongol ko darngal, ma girdi’ nu fayleng e kar balyanggad ni bochan e kar unumed e wayin ko darngal rok.”

Proverbs 24:20

Be’ nib kireb e dariy rogon nga bang, dariy ban’en nike par ni be lagan’ ngay.

BABYOR NI JOB 21:17

Mog ka’an thang bi’id e magal rok be’ nib kireb? Ma gur ba’ bagyad ni mada’nag e riya’? Gur ka’a gechignag Got e pi’in kireb u fithik’ e damumuw

2 Kings 9:22

Me fith Joram i Jehu ni ga’ar, “Mog, ga be yib u fithik’ e gapas?” Me fulweg Jehu ni ga’ar, “Bu uw rogon me aw e gapas, ni go’ kabay rodad gubin e pig nge meybil ngak yug boch e got ni tababnag e chitinam i Jezebel?”

Revelation 22:5

Ma dakuriy e neap’, ma bayi par ndakuriy fan e magal ngorad ara ra’en e yal’, ni bochan e Somol ni Got e bayi mang tamilang ngorad, ma aram e bay ra pired ni kar manged pilung ngu’ur gagiyeggad ndariy n’umngin nap’an.

Revelation 12:9

Mi nin’ fare dragon nri ba ga’ nga wuru’ e tharmiy! I ir fare porchoyog nike kakrom, ni kan tunguy fithingan ni Mo’onyan’, ara Satan, ni ir fa’anem ni bannag e girdi’ nu fayleng ni polo’. Mi nin’ u lang nga daken e fayleng, nib mu’un urngin e pi engel rok ngak.

Acts 8:11

Ke n’uw nap’an ni kar ngatgad ngak ko pig ni i tay, ni aram fan ni kar pired ni kar uthmed telrad ko tin be yog.

Isaiah 47:9

Machane u lan ta’boch ngiyal’, u ta’abo rran, ma l’agruw e galin’ey nra buch. Dariyfan urngin e pig ni um tay, ma figirngim nge pifakam e bay ra mulgad u pa’am.

Jeremiah 25:10

Bay gu thang gulngan e uf uf nge felfelan’ nge lingan e garus ko madnom ko mabgol. Ma bayi m’ay e gapgep ko magal rorad, ma ku bay i m’ay e grain.

Revelation 6:15

Ma aram e pi pilung nu fayleng, nge pi’in yad be gagiyeg nge pi tolang ko salthaw, nge pi’in ni bo’or ban’en rorad nge pi’in ni ba ga’ lungurad, nge tin ni kabay e girdi’, ni pi’in yad e sib nge pi’in ni gathi yad e sib ko girdi’ e ra mithgad ngalan e yiy nge nga tan e war u daken e burey.

Revelation 9:21

Ma ku de kolngan’ e pi girdi’ nem ngar pi’ed keru’rad ko cham ni yad be tay ni yad be thang e pogofan, nge pig ni yad be tay, nge ngongolen e darngal, nge moro’ro’ ni yad be ngongliy.