Revelation 18:22 - Bible Ni Thothup

²² Musik rok girdi’en e harp nge pi girdi’en e musik, nge girdi’en e methow ngal nge rappa e gathi bay kun rung’ag rom bayay! Ma dakuriy be’ u yugu bmit e maruwel ni bay kun pir’eg rom bayay; ma lingan e malang ni be bilig e wheat ni yima ngongliy e flowa riy e gathi bay kun rung’ag lingan!

Revelation 18:22 Referans Kwoze

Ezekiel 26:13

Ma bay gu taleg e pi tang ni gimed ma yin’, mu gu m’aynag lingan e musik romed ni harp.

Jeremiah 25:10

Bay gu thang gulngan e uf uf nge felfelan’ nge lingan e garus ko madnom ko mabgol. Ma bayi m’ay e gapgep ko magal rorad, ma ku bay i m’ay e grain.

Jeremiah 16:9

Mmotoyil ko mang e nggu weliy, I Gag fare SOMOL ni Gubin ma Rayag Rok, ni fare Got nu Israel. Bay ggapaseg lungun e uf uf nge felfelan’ ko madnom ko mabgol. Girdi’ u roy e yad ra par ni yad bafos ngar guyed e ran’ey ni nge yodro’.

Jeremiah 7:34

Re gi but’ nem e bayi ngal’ ni bangi ted dar tugul ban’en riy, mu lan e pi binaw nu Judah ngu lan e yu pa’ i kanawo’ nu Jerusalem e bay gu gagiyegnag nge dabki yan laman e girdi’ riy ni yad be felfelan’, ma ku er i tay laman e ppin nge pumo’on ni kafni mabgol ni yibe madnomnag e mabgol rorad.

Eklesiastes 12:4

Mayngar u daken e kanawo’ e ke achig lingan u lim. Bayi chugur ni dab ku mu rung’ag lingan e bil flowa ara musik ni yibe chubeg, ma yugu ra non e bin som’on e arche’ ma ga od.

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Isaiah 23:12

Binaw nu Sidon, felfelan’ romed e kemus, ma girdi’ romed e nge gafgow. Ni dariy fan ni yad ra mil nga Cyprus, ya ku dariy ba ayuw nra yib ngorad.

Matthew 9:23

Ma aram me yan Jesus ngalan e naun rok fa’anem nib tolang. Ma fa’ani guy girdi’en e musik ni fan ko mo’od nge gum’eyag, nge girdi’ nike mada’ lamrad ngalang,

BABYOR NI JOB 3:7

mu tay nreb e nep’ ni dariy ban’en riy ni felan’uy ngay.