Revelation 18:19 - Bible Ni Thothup

¹⁹ Miyad wereg e ab nga fithik’ i lolugrad, miyad yor ma yad be dololoy’ ni be lungurad, “Kari gafgow fare binaw nib gilbuguwan! Yi ir fare binaw ni urngin e girdi’ ni bay e barkow rorad ni be yan u maday e yo’or ban’en rorad ko fel’ rogon rok! Ma ke mul urngin ban’en u pa’ u lan ta’reb e awa!”

Revelation 18:19 Referans Kwoze

Revelation 18:10

Bay ra sak’iygad u orel rok, ni bochan e yad be tamdag ko re gafgow nem nike yib ngak, me lungurad, “Kari gafgow i gafgow e re binaw ney nu Babylon nib gilbuguwan ma ba gel! Ri ta’reb e awa ma ka ni mu’ i gechig nigem!”

Joshua 7:6

Me Joshua nge pi’in yad ma yog e thin u Israel e go’ ra guchthiyed e mad rorad u fithik’ e kireban’, miyad pagrad nga but’ u mit fare Kahol ko M’ag rok SOMOL, miyad par u rom u but’ nge mada’ ko blayal’, ni kar afed e ab nga daken lolgurad ni yad be dag gel’ngin e tagnan’ rorad.

Ezekiel 27:30

Ur yor niged gur nib gel, Miyad be yon’ e fiyath nga daken lolugrad ngu’ur leplepgad u fithik’ e awat.

Revelation 18:3

Ya ke pi’ e wayin rok ngak urngin e girdi’ ko pi nam kar unumed, ni fare wayin ko darngal rok nib gel. Pi pilung nu fayleng e kar uned ngak kar ngongliyed e ngongol ko darngal. Ma girdi’en e tafolchuway’ e yo’or salpiyrad ko darngal rok ndabiyag ni nge gafaliy ir riy.”

BABYOR NI JOB 2:12

Ka yad mmal’af miyad guy Job, ma de pow rorad. Ma nap’an ni pow rorad, miyad yor ni kar paged lamrad ngalang. Miyad guchthuy e mad rorad ya kari kireban’rad, miyad gogoy e fiyath ngu u ron’ed ngalang ngi i wear nga fithik’ i lolugenrad.

Revelation 18:8

Urngin e gafgow ma bayi yib ngak u lan ta’reb e rran ni bochan e ren’ey, ni aram e liliy, nge kireban’, nge uyongol; ma bay ni urfiy ko nifiy, yi Somol ni Got, ni ir e ke turguy e gechig rok e ir e ba th’abi gel gelngin.”

1 Samuel 4:12

Be’ nib mo’on ni yib ko ganong rok Benjamin e mil ko gin ba’aram ni un mael riy nge yib nga Shiloh, me yib i taw ngaram ni ka rofen nem. Ma ke guchthuy e mad rok ke tay e fiyath nga fithik’ i piyan lolugen ni nge dag gelngin e kireban’ nike tay.

Nehemiah 9:1

Rofen ni reliw’ nge aningeg fen ko re pul i n’em, me mu’ulung yu Israel ngar paged e abich ni aram e yad be dag gelngin e kireban’ rorad ko denen rorad, ni kar chuwgad ko mad ni tutuw ma kar ted e fiyath nga fithik’ i lolugrad ni pow nike kolngan’rad.

2 Samuel 13:19

Me wereg e awat nga daken lolgen, me guchthuy fare mad rok, me upunguy owchen nga rifrifen pa’ nruw raba’ me yan ni be yor.

Revelation 17:16

Ma fa ragag i gagey ni kam guy nge fare gamanman e bay ra fanenikayed fare pin nma chuway’ ngak; bay ra feked urngin ban’en rok miyad pag ndakuriy e mad u daken; ma bay ra longuyed e ufin u downgin miyad li’ ko nifiy ngem’.

Isaiah 13:19

U Babylonia e th’abi fel’usun u fithik’ e pi gagiyeg ni bay ufan u daken e pi girdi’ rok. Machane, I Gag SOMOL, e gu ra gathay yu Babylon ni bod ni gu rin’ nga Sodom ngu Gomorrah!

Lamentations 2:10

Pi pumo’on ni pilibthir nu Jerusalem e kar pired nga but’ nike math gulungrad, Ni go’ fiyath daken lolugrad ma mad u dakenrad e tutuw. Ma pi’in rugod e kar’aned lolugrad nga daken e but’.