Revelation 18:11 - Bible Ni Thothup

¹¹ Ma girdi’en e tafolchuway’ nu fayleng e ku ri yor niged miyad dololoy’nag, ni bochan e dakuriy be’ ni ka be chuw’iy e chugum rorad;

Revelation 18:11 Referans Kwoze

Revelation 18:3

Ya ke pi’ e wayin rok ngak urngin e girdi’ ko pi nam kar unumed, ni fare wayin ko darngal rok nib gel. Pi pilung nu fayleng e kar uned ngak kar ngongliyed e ngongol ko darngal. Ma girdi’en e tafolchuway’ e yo’or salpiyrad ko darngal rok ndabiyag ni nge gafaliy ir riy.”

Revelation 18:23

Ma gathi bay ku ni guy bayay ram’en e magal rom; ma gathi bay kun rung’ag laman e ppin nge pumo’on ni ngan m’ag e mabgol rorad. Ya girdi’ nma folchuway’ rom e ba ga’ buguwrad u fayleng ni polo’, ma kam bannag e girdi’ ko pi nam u fayleng ko pig rom ni yigo’o bogi ban’en!”

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Revelation 18:15

Ma pi’in tafolchuway’ nga ban’en, ni yo’or e win rorad ko chuway’ ni ur ted u lan e re binaw nem, e bay ra sak’iygad u orel rok ya kar tamdaggad ko gafgow nike tay. Ma bay ra yorgad miyad dololoy’,

Zefaniah 1:11

Gimed e pi’in gimed be par ko yungi n’en nib sobut’ e but’ riy ko fare binaw, mu tolul gad mi gimed yor, nnap’an ni gimed ra rung’ag lingan e ren’ey, ma aram e go’ ke yim’ fapi tasiyobay!

Revelation 18:9

Pi pilung nu fayleng ni kar uned ngak i ngongliy e ngongol ko darngal nge ar’ar ko darngal e bay ra dololoy’gad miyad yor ni bochan fare binaw ko ngiyal’ ni yad ra guy e ath rok ni aram e be yik’.

2 Peter 2:3

Pi tamchib nem ni go’ bogi ban’en e yad ba chogow ni salpiy, ma bay yo’or e salpiy rorad ni puluwrad ko machib ni yad be yog ngomed, ni machib ni yad e sum rorad. Machane En ni nge pufthin nagrad e ke fal’eg rogon ke par, ma En ni nge kireb nagrad e be par ni be od!

Zefaniah 1:18

Rofen nem e rra dag SOMOL gelngin e damumuw rok, ni mada’ nga urngin e silber nge gol rorad e dabyag ni nge aywegrad. Ga’ngin e fayleng ni bayi mogothgoth nga nifiyen e damumuw ni talyag rok. Ma bayi museg e yafos rok urngin e girdi’ nu fayleng nrib tomgin.

Isaiah 47:15

Kemus rogon e tin ni bfel’ ni yad ra rin’ ngom fapi girdi’ nma yaliy lanelang ni um de’eriy e fanow rorad u n’umngin nap’an e yafos rom. Go’ bay ra paged gur nge bagyad me yan, ni dabi magach be’ ni nge aywegem.”

Matthew 22:5

Machane fapi cha’ nike taw e pong ngorad ni ngarbad ko madnom e dar motoyilgad ko tin kanog ngorad mra bagayad me par ngi i ngongliy e tirok’: bagayad e yan nga milay’ rok, ma bagayad e yan nga kantin rok,

John 2:16

me ga’ar ngak fapi cha’ ni yad be folchuway’ ko bulogol, “Mfeked e pi bulogol nir ngam chuweged u roy! Dab mu ted tafen e Chitamag nib market!”

Proverbs 3:14

Ya fel’ nma yib riy e bo’or ko fel’ nma yib ko silber; ba ga’ fan ngom ko gol.

Isaiah 13:19

U Babylonia e th’abi fel’usun u fithik’ e pi gagiyeg ni bay ufan u daken e pi girdi’ rok. Machane, I Gag SOMOL, e gu ra gathay yu Babylon ni bod ni gu rin’ nga Sodom ngu Gomorrah!

Ezekiel 27:9

Pi salap ko dumow ban’en ko fare barkow e bogni’ nu Byblos ni bfel’ rogon nni sukul nagrad. Urngin e sala ko barkow e yad be siyobay u lan e kantin rom.