Revelation 17:5 - Bible Ni Thothup

⁵ Ma kan yoloy ba ngachal nga daken peri’ ni bay fan nib mith ni ga’ar: “Fare Babylon nib Gilbuguwan, ni ir e chitiningin urngin e ppin ni yad ma chuway’ ngorad nge urngin e kireb nu fayleng.”

Revelation 17:5 Referans Kwoze

Revelation 14:8

Me lek e bin migid e engel tomuren fa bin som’on ni be ga’ar, “Ke waer! Fare binaw nu Babylon nib gilbuguwan e ke waer! Ke pi’ e wayin rok ngak girdi’en e pi nam ni urngin, ke pi’ ngorad kar unumed, ni fare wayin rok nib gel, ni wayin ko darngal rok!”

Revelation 18:2

Me non ni ba ga’ laman ni ga’ar, “Ke waer! Fare Babylon nib gilbuguwan e ke waer! Chiney e kemang tafen e mo’onyan’ nge pi kan nib tagan; urngin mit e arche’ nib golong nge pi arche’ ni fanenikay ni be par u lan yu Babylon.

Revelation 17:7

Me fitheg fare engel ni ga’ar, “Mang ni kam gin? Bay gog ngom e n’en nib mith ni ir e be yip’ fan e re pin nem nge re gamanman nem nike af e re pin nem nga daken, ni fare gamanman ni medlip lolugen ma ragag e gagey rok.

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.

2 Thessalonika 2:7

Ma gelngin e N’en nib Kireb nib mith e ke tabab ko maruwel, machane n’en ni bayi buch e dabi buch nge yan i mada’ ko ngiyal’ ni yira chuweg u kanawo’ rok e en ni ir e be taleg.

Isaiah 3:9

Changar ni fanenikan u owcharad e ke dag e kireb rorad. Denen ni yad be tay e ba gagyal ni bod ni i rin’ e girdi’ nu Sodom. Kar riya’gad, ni yad e kar girngiyed e riya’ nga dakenrad.

Revelation 18:21

Ma aram me fek ba engel nib gel bmalang ni bod ga’ngin fare malang ni ba ga’ ni yima bilig e wheat ngay ngan ngongliy e flowa riy, me yin’ nga daken e day, ni be ga’ar, “Fare binaw nu Babylon nib gilbuguwan e bay ni pag nga but’ nib gel merin ni aray rogon, ma aram e dab ku ni guy bayay.

Revelation 11:8

ma bayi par downgirow u daken e wo’ ko fare binaw nib gilbuguwan, ni aram e gin nrichibiy e Somol rorow riy ko kuruth. Re ngachal nra m’ag ko re binaw nem e Sodom, ara Egypt.

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

Revelation 7:3

Me ga’ar fare engel, “Dab mu tagannag e binaw, nge day, ara gek’iy nge yan i mada’ ko ngiyal’ ni bay gu mu’gad i tay e pow nga peri’ e pi tapigpig rok e Got rodad.”

Revelation 1:20

Ba’aray e n’en nda nnang fan mi murung’agen fa medlip i t’uf ni ba’aray ni ga be guy u lan e ba’ ni mat’aw i pa’ag, nge fa medlip ley i tagil’ e magal ni ba’aray ni kan ngongliy ko gol: re medlip i t’uf ney e ireray fa medlip i engel ko fa medlip i galesiya, ma medlip ley i tagil’ e magal ney e fa medlip i galesiya.”

Revelation 17:1

Me yib bagayad fa medlip i engel ni bay baraba’ fa medlip i plet rok ngog me ga’ar, “Moy, nggu dag ngom rogon ni ngan gechignag fare pin nib gilbuguwan ko kireb ni be ngongliy ni be chuway’ ngak, ni fare binaw nib gilbuguwan ni kan toy u to’oben e lul’ ni bo’or.

Revelation 17:2

Fapi pilung nu fayleng e kar cheaggad ko fare pin nib gilbuguwan nma chuway’ ngak yad be ngongliy e ngongol ko darngal, ma girdi’ nu fayleng e kar balyanggad ni bochan e kar unumed e wayin ko darngal rok.”

Ezekiel 16:35

Jerusalem, i gur e re gathar! Mu telim ko tin be yog SOMOL.