Revelation 16:6 - Bible Ni Thothup

⁶ Kar pu’oged racha’en e girdi’ rok Got nge racha’en e pi profet, me ere kam pi’ e racha’ ni ngar unumed. Ya ke yag ngorad puluwon e ngongol rorad!”

Revelation 16:6 Referans Kwoze

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Revelation 11:18

Pi nam e kari gel e damumuw rorad, ya ke taw nga nap’an ni nge taw e damumuw rom, nge nga nap’an ni ngam pufthinnag e pi’in ni karm’ad; nge nga nap’an e ngiyal’ ni ngam pi’ puluwon e tapigpig rom ni fapi profet, nge urngin e tirom e girdi’, ni pi’in yad ba tolang nge pi’in yad ba sobut’, ni urngin e pi’in ni bay madgum u wun’rad. Ke taw nga nap’an ni ngan kirebnag e pi’in ni kar kireb niged e fayleng!”

Revelation 18:24

Ya Babylon e ni gechignag ni bochan e ni pir’eg racha’en e pi profet nge girdi’en Got u lan; errogon, racha’en urngin e pi’in ni kan li’rad u fayleng.

Revelation 13:15

Ma fa bin migid e gamanman e ni pag ni nge pag athon l’ugun ni bay e yafos riy nga fithik’ fare liyos ni kan ngongliy ni ya’an fa bin som’on e gamanman, me yog ni nge non fare liyos ma rayag ni nge gagiyeg ngan li’ ngem’ urngin e pi’in ndab ra ted fan ma dab ra meybilgad ngak.

2 Kings 24:4

ma ri bochan urngin e pi girdi’ nde kireb e rorad ni thang e fan rorad. Daki n’ag SOMOL fan u wan’ e ran’ey ni rin’ Manasseh.

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

Revelation 13:10

En ni kan finey ni ngan kol e ri bay ni kol; ma en ni kan finey ni ngan li’ ko saydon ngem’ e bmuduwgil ni bay nli’ ko saydon ngem’. Ireray e ngiyal’ ni nge k’adan’ me pagan’ girdi’en Got ngak Got.”

Lamentations 4:13

Machane me buch ni aram rogon, ni bochan e i denen e pi profet nge pi prist ni aram tapgin e yam’ ngak bokun e girdi’ ni dariy ban’en nra bucheged.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Hebrews 10:29

Ere ra yan i di’in e en ni be darifannag e en ni Fak Got ni be dag ko ngongol rok ndariyfan u wan’ e racha’ ko m’ag rok Got ni ir e machalbognag fa’anem, ni en ni ir e ke tagannag laniyan’ fare Kan Nthothup nma ayuwegdad? Mu tafinay niged feni gel e gechig ni bay tapgin ni ngan pi’ ngak!

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Jeremiah 26:16

Pi’in yad be yog e thin nge girdi’ e lungurad ngak e pi prist nge pi profet, “Re mo’on ney e dab ni duwgiliy ni ngan li’ ngem’, ni bochan e ke welthin ngodad u fithingan SOMOL ni ir e Got rodad.”

Jeremiah 26:11

Me ga’ar e pi prist nge pi profet ngak e pi’in yad be yog e thin nge ngak e girdi’, “Re mo’on ney e bay tapgin ni ngan duwgiliy ni ngan li’ ngem’ ni bochan e ke welthin nib togopluw ko binaw rodad. Ka mu rung’aged nga telmed e tin ke weliy.”

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Luke 12:48

machane re tapigpig nde nang e tin ni ba’adag e masta rok, me rin’ ban’en ni bay tapgin ni nge yan e dimow ngak, e yira gechignag nib waer e dimow ni yira tay ngak. Ya cha’ ni bo’or e tin ni kan pi’ ngak e yibe finey ni ba ga’ labgen ni nge fulweg; ma cha’ ni ka bo’or boch e tin ni kan pi’ ngak e yibe finey ni ka bo’or boch e tin ni nge fulweg ni labgen.”

Exodus 7:17

Are chiney e SOMOL, e be yog ni gur e bay mu nang ko ir mini’ ko n’en ni bay i rin’. Mu sap, bay gu toy e re ley i sog ney nga daken e ran u lan e re lul’ ney, me pig e ran riy nge ngal’ ni racha’.

Exodus 21:24

puluwon reb e lanmit e ku lanmit, ma reb e nguwol e ku reb e nguwol, ma reb e rifrif u pa’ay e ku reb e rifrif u pa’ay, ma reb i rifrifen ey e ku reb i rifrefen ey,

Ezekiel 32:6

Bay gu pu’og racha’em nge garer u daken e pi burey me suguy e pi lul’.