Revelation 16:21 - Bible Ni Thothup

²¹ Me mul e ayis ni gagang’ yang u lang nga but’ ni bod e n’uw, nra bayang ma bay tomalngin nib man ra’ay e pawn, ni be mul u lang nga daken e girdi’. Me yog e girdi’ e tin nib kireb nib togopluw ngak Got ni bochan e re gafgow nem nike yib ko ayis ni be mul ni bod e n’uw, ya reb e gafgow nri ba ga’.

Revelation 16:21 Referans Kwoze

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Revelation 16:9

Me yik’ e girdi’ nga gowelngin nib gel, miyad yog e thin nib kireb nib togopluw nga fithingan Got, ni ir e be tay murung’agen e pi gafgow ney; machane dar pi’ed keru’rad ko denen ni yad be rin’ ngrogned e sorok ngak Got.

Revelation 16:11

miyad yog e thin nib kireb nib togopluw ngak Got nu tharmiy ni bochan e amith ni yad be tay nge malad nike for u dowrad. Machane dar paged pangirad nib kireb.

Revelation 8:7

Me thoy e bin som’on e engel e rappa rok. Me yib e ayis nike el nge nifiy u lang nga daken e fayleng nike ma’athuk e racha’ ngay. Me yik’ ta’ab guruy ko dalip guruy ko fayleng, ma ku ta’ab guruy ko dalip guruy ko gek’iy nu fayleng e yik’ nge m’ay, ma urngin gaf i yuwan e pan nib galunglung e yik’ nge m’ay.

Joshua 10:11

Nap’an ni yad be mil rok piyu Israel i yib nga p’ening u daken fare pa’ i kanawo’ ni yib u Beth-horon nga Azekah, me yin’ SOMOL e ayis ni gang’ yang u lang nga dakenrad ngarm’ad. Pire’ e tin ni yim’ ko re ayis nem ko tin i li’ piyu Israel.

Ezekiel 13:13

Ere chiney e irera’ e n’en ni be yog SOMOL ni Th’abi Tolang: “U fithik’ e damumuw rog e bay gu pi’ e nifeng nib gel, nge n’uw ni sarbul, nge yung i ayis ni gowa bogi malang ni nge mul u lang nge buthug fare rungrung.

Ezekiel 13:11

Mog ko profet ni rungrung rorad e bayi puth nga but’. Bay gu pi’ e nifeng nib gel, nge n’uw ni sarbul, nge ayis ni nge mul u lang nge buthug fare rungrung.

Isaiah 8:21

Girdi’ e bay uranod u lan e re nam ney nike mulan’rad ma karm’ad ko bilig. Ere bay ra damumuwgad ngu u rogned e thin nib kireb ngak e pilung rorad nge ngak e Got rorad. Yad ra sap ngalang,

Isaiah 30:30

I SOMOL e bayi gagiyegnag nge rung’ag gubin e girdi’ lungun ni yima rus ngay’, miyad thamiy gelngin e damumuw rok. Ra yib e nifiy, nge n’uw nib tomgin nib almarin, nge malang ni bay e nifiy riy ni be mulmul, nge n’uw ni sarbul.

Exodus 9:18

Mu telim, re ngiyal’ i n’ey gabul e nge mul e ayis nike el u lang nib cheag e nifeng ni yoko’ ngay, ndawori guy yu Egypt ni ka nap’an ni mang reb e nam.

Exodus 9:22

Me ga’ar SOMOL ngak Moses, “Mpug pa’am ngalang, me aw e ayis nike el u lang nga daken e girdi’, nge gamanman nge urngin e woldug ni bay u milay’ u daken e nam nu Egypt.”

BABYOR NI JOB 38:22

Ka’a mu’un ko pi singgil ni ku gu cha’riy e ayis nib munguy nge ayis nike el ngay nma mul u lanelang nga but’?

BABYOR NI JOB 38:23

Ku gu tay be par ni fan ko ngiyal’ ni nggu pi’ e gafgow, nge fan ko pi rran ni ngan cham ngan mael.