Revelation 15:4 - Bible Ni Thothup

⁴ Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Revelation 15:4 Referans Kwoze

Psalms 86:9

Gubin e nam ni kam sunmeg e bay rabad ngar siro’gad ngom, miyad pining e sorok nga fanam gil.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Jeremiah 10:7

Gur, mini’ e dabi liyor ngom, pilung ko urngin e nam? Bay tapgin ni ngan liyor ngom. Dariy be’ ni bod gur u fithik’ gubin e pumo’on nib gonop ko pi nam fa fithik’ e pi pilung rorad.

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 14:7

Me ga’ar ni ba ga’ laman: “Nge yib madgun Got ngomed, mi gimed tayfan nga feni sorok! Ya ke taw nga nap’an ni nge pufthinnag e girdi’. Ere mu siro’gad mi gimed meybil u p’eowchen Got ni ir e sunumiy e tharmiy, nge but’, nge day, nge pi alublub!”

Zekariah 14:16

Ma aram e gubin e pi’in nra fos gad ko pi nam nu ur chamgad nga Jerusalem e bay ranod ngaram ni yu duw ni ngar liyorgad ngak SOMOL ni Gubin ma Rayag Rok ni ir e pilung miyad madnomnag fare Madnom ko Nochi Naun.

Isaiah 25:3

Girdi’en e pi nam nib gel gelngin e bay ur pininged e sorok ngom; gur e bay un rus ngom u lan e pi binaw ko fapi nam nib kireb e leam rorad.

Isaiah 45:23

Tin gu be yog e ba riyul’, ma dabi thil. Ri gu be micheg nga rarogog: Gubin e girdi’ ni bay rabad ngar ragbuggad u p’eowcheg miyad micheg ni bay ur yul’yul’gad ngog.

Revelation 4:8

Ra bagayad fa aningeg i n’em ni yad ba fos ma nel’ pon, ma kayigi fach lan owcherad u lan porad ngu wuru’ i porad. Darir talgad ko tang ni rran nge neap’ ni be lungurad: “Ba thothup, ba thothup, ba thothup Somol ni Got ni Gubin ma Rayag Rok, ni ir e immoy, me ir e bay, me ir e bay yib.”

1 Peter 1:16

Ya be ga’ar e babyor nib thothup, “Thingar mpired ni gimed ba thothup, ya gub thothup.”

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Revelation 16:7

Mu gu rung’ag ba lam ni yib u altar ni be ga’ar, “Somol ni Got, ni Gubin ma Rayag Rok! Rib riyul’ ma rib mat’aw e gechig ni kam pi’!”

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

Isaiah 26:9

Ra nep’ ma ru gu ma fineyem u polo’ i lanin’ug; ko ngiyal ni ga ra pufthinnag e fayleng nge girdi’ riy, ma yad gubin ma bay fin ra nanged ko mang e ba mat’aw.

Psalms 89:7

Ba ga’ madgum u lan e mu’ulung ko pi thothup, yad gubin ni yad ba sak’iy ni ka ra ngat’gad ngom.

Roma 15:9

ma ku bochan e ngki yag ni pining e pi’in gathi yad piyu Israel e magaer ngak Got ko runguy rok ngorad; ni bod ni be yog e babyor nib thothup ni be ga’ar: “Aram fan ni bay gu pining e magaer ngom u fithik’ e pi’in gathi yad piyu Israel, bay ug tang ni gu be yog e sorok nga fithingam.”

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Psalms 111:9

Got e ke pithig e girdi’ rok, ma ke ngongliy ba m’ag u thilrad ni manemus. Ir e ba thothup ma ba gel gelngin.

Revelation 6:10

Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”

Habakkuk 1:12

SOMOL, ka nap’an ko tabolngin ni ga be par ni gur e Got. Gur e Got rog, ni gab thothup ma bay um par ndariy n’umngin nap’am. SOMOL, ni Got rog nma yoror rog, kam mel’eg yu Babylon ma kam pi’ gelngirad ya nge yag nra gechig niged gamad.

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.

Psalms 105:7

I SOMOL e Got rodad; tin keyog e fan nga ga’ngin e fayleng.

Psalms 99:9

Mu pininged e sorok ngak SOMOL ni Got rodad, mi gimed liyor ngak ko fare burey rok nib thothup! I SOMOL ni Got rodad e ba thothup.

Psalms 22:3

Ga bay u tagil’im, ni gur fa’anem ni gab thothup, ni gur e ma pining piyu Israel e sorok ngom.

1 Samuel 2:2

“Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.

Isaiah 60:5

Bay mu guy ni aray rogon me yib e felfelan’ ngom; Bayi mithmith gumircha’em nib gel ni bochan e felfelan’. Fel’ rogon ko pi nam e bay ni fek i yib ngom; Fel’ rogon rorad e bayi th’ab lan e day nge yib ngom.

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 24:15

ma pi’in yad bay ko ngek e bay ra pininged e sorok ngak. Girdi’ nma par u pel’ay e bay ra pininged e sorok ngak SOMOL, ni Got rok yu Israel.

Psalms 99:5

Ke sorok SOMOL ni Got rodad; mu siro’gad u puluwon tagil’ nib pilung! Ir e ba thothup!

Psalms 97:8

Ke felan’ e girdi’ nu Zion, nge pi binaw nu Judah e yad be felfelan’ ni bochan e tin ka mu tirigiliy, I gur SOMOL.

Psalms 22:23

“Mu pininged e sorok ngak, gimed e pi tapigpig rok SOMOL! Mi gimed gilnag buguwan, gimed e pi’in ni owchen Jakob! Mi gimed liyor ngak, gimed e girdi’ nu Israel!

Jeremiah 5:22

I gag e SOMOL, ere mangfan ni damur rus gad ngog? Mang ni damur t’on gad u p’eowcheg? Gu tay e yan’ ni aram e mathil ko day, ni ba mathil nib muduwgil ni dabi th’ab e day nga barba’. Ra i malach e day, machane dabyag ni nge th’ab nga barba’; ma ra mada’ lingan e n’ew ngalang ma dabyag ni nge pil nga barba.

Revelation 16:5

Mu gu rung’ag fare engel ni ir e bmil fan e ran ngak ni ga’ar, “Gab mat’aw ko pi gechig ney ni kam pi’, i gur e En ni Gab Thothup, ni gur e ga bay e chiney me gur e um moy!

Revelation 19:8

Ya ka ni pi’ mat’awun ni nge yin’ e mad nib be’ech ma ba wechwech ni be galgal ram’en.” (Mad nib wechwech e ireram e ngongol nib mat’aw ni i rin’ e pi’in ni girdi’en Got.)