Revelation 14:8 - Bible Ni Thothup

⁸ Me lek e bin migid e engel tomuren fa bin som’on ni be ga’ar, “Ke waer! Fare binaw nu Babylon nib gilbuguwan e ke waer! Ke pi’ e wayin rok ngak girdi’en e pi nam ni urngin, ke pi’ ngorad kar unumed, ni fare wayin rok nib gel, ni wayin ko darngal rok!”

Revelation 14:8 Referans Kwoze

Isaiah 21:9

Aray e karbad! Ni girdi’ ni be yan u daken e os ni kar fochgad ni lal’agruw. Me pi’ fare matnag e thin nge yib, “Ke mul yu Babylon! Gubin e liyos ni yad ma tayfan e ke wagay u but’.”

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.

Revelation 11:8

ma bayi par downgirow u daken e wo’ ko fare binaw nib gilbuguwan, ni aram e gin nrichibiy e Somol rorow riy ko kuruth. Re ngachal nra m’ag ko re binaw nem e Sodom, ara Egypt.

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”

Revelation 17:18

“Fare pin ni kam guy e ireram fare binaw nib gilbuguwan ni ir e be gagiyegnag e pi pilung nu fayleng.”

Nahum 3:19

Dariy falayin e pi maad’ad rom, ma pi maad’ad rom e dabi fos. Gubin e pi’in yad ra rung’ag murung’agen e gafgow ni kam tay mar waywaygad ko fel’felan’. I mini’ e yag rok ni thay u tan pa’am ni dariy tungun e kireb ni um rin’ ngak?

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Jeremiah 51:64

ma gog ni ngam ga’ar, ‘Irera’ e n’en ni bayi buch rok yu Babylon — bayi ligil ni dakriy e ngiyal’ nra for ngalang ni bochan fare riya’ ni nge pag SOMOL nga daken.’” Aray e gin ni mus e thin rok Jeremiah riy.

Isaiah 13:1

Irera’ e thin ni murung’agen yu Babylon, ni pi’ Got ngak Isaiah ni fak Amoz.

Jeremiah 50:1

Irera’ e thin ni yog’ SOMOL ngog u murung’agen fare binaw nu Babylon nge girdi’ riy: