Revelation 14:15 - Bible Ni Thothup

¹⁵ Me yan reb e engel nga wuru’ e Tempel me tolul ni ba ga’ laman ngak fa’anem nike par nga daken fa gi manileng ni be ga’ar, “Kama rom e ngam t’ar wom’ngin e woldug ngay, ya ke taw nga nap’an ni ngan t’ar wom’ngin e woldug u fayleng!”

Revelation 14:15 Referans Kwoze

Joel 3:13

Ri yad ba kireb; mu th’abedrad nga but’ ni bod e grain ko ngiyal’ nike el ni ngan th’ab; mu pirdi’iyed yad ni bod rogon e grape ni yima pirdi’iy ko gin yima udiy e grape riy kan uduy ke map’ e wayin riy nga but’.”

Mark 4:29

Ma nap’an ni el fapi wom’ngin ma aram me fek fa’anem e kama rok nge tabab ko maruwel, ya ke taw ngal’an ni ngan th’ab e woldug ngan fek wom’ngin.”

Matthew 13:39

Ma en nto’ogor ni ir e wereg awochngin e pan e eram pilungen e mo’onyan’. Ma ngiyal’ ni ngan kunuy fare woldug riy ngan tay nga naun e ireram tomuren e fayleng, ma pi’in girdi’en e maruwel ni ngar kunuyed e re woldug nem ngar ted nga naun e eram e pi engel.

Jeremiah 51:33

Dabki n’uw nap’an ma pi to’ogor e bayi th’abmed nga but’ nge yot’yot’med ni bod e grain u daken e gin yima pirdi’iy riy. I Gag fare SOMOL ni Gubin ma Rayag Rok, ni fare Got nu Israel, e kugog e pi thin ney.”

Revelation 14:18

Miki yib yugu reb e engel u altar, ni ir e bmil fan fare nifiy ngak. Me non ni ba ga’ laman ngak fare engel ni bay fare gi kama nib m’uth u pa’ ni ga’ar, “Kama rom e ngam t’ar wom’ngin e woldug ngay ni grape nu fayleng, ya wom’ngin ni grape e ke lol!”

Matthew 13:30

Ere mpaged e woldug nge pan nge ga’ u ta’bang nge mada’ ko ngiyal’ ni ngan kunuy e re woldug nem ngan tay nga naun, ma aram e bay gog ko pi’in ngar muruwliyed ni som’on e ngar puged e pan u fithik’ e gi woldug nem ngar m’aged thuman ni nganin’ nga mit e nifiy, miyad kunuy e re woldug nem ngar ted nga naun rog.’

Revelation 16:17

Me pu’og fa bin medlip e engel e ba’ rok e plet nga fithik’ e nifeng. Me yib ba lam ni ba ga’ u tagil’ Got u lan e Tempel ni be ga’ar, “Ke m’ay!”

Matthew 23:32

Ere mmu’ niged e n’en ni tababnag e pi chitamangimed kakrom!

Revelation 15:6

Ma fa medlip i engel ni bay fa medlip i gafgow rorad e rabad u lan fare Tempel nga wuru’; ni ka ron’ed e mad nib klin ma ba wechwech, ma bay e le’ed nib gol ni kan m’ag nga daken ngorongorrad.

Revelation 14:14

Mu gu sap mu gguy bangi manileng nib wechwech, nike par be’ nga daken ni bod ya’an be’ nib mo’on, ni bay e te’eliyaw u lolugen nib gol ma bay bangi kama u pa’ nib m’uth.

Revelation 6:10

Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”

1 Thessalonika 2:16

Ra guyed rogon ni ngar taleged gamad ni nge dab gu machib niged e thin rok Got ngak e pi’in gathi yad piyu Israel, ni ir e ra thapegrad ngak Got. Denen ni yad be ngongliy ni gubin ngiyal’ e ireray e re fol nike yan i mada’ ngay. Ere fini aray e ke taw e damumuw rok Got ngorad!

Revelation 13:12

Me maruwel nga mat’awun fa bin som’on e gamanman ni ba ga’ lungun u puluwon e girdi’ u p’eowchen e bin som’on e gamanman. Me gelnag e thin rok ngak e girdi’ ni yad be par u fayleng ni ngar ted fan ma yad be meybil ngak fa bin som’on e gamanman, ni ir e ke fos fa gi maad’ad u dow ni susun e ra yim’ riy!

Isaiah 62:1

Bay gu welthin ni nggu pi’ e athamgil nga Jerusalem; dab gu th’ab gulngag nge mada’ ko ngiyal nike thap, ma gel nike tay e ra gal ra’en ni bod ba mol’ nnep’.

Genesis 15:6

Me pagan’ Abram ko tin nike yog SOMOL, ma aram me mathe’eg SOMOL ngak Abram ni be’ nike mat’aw ni bochan e ke pagan’ ko tin keyog ngak.

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Revelation 14:16

Ma fa’anem nike par nga daken e manileng e toy e kama rok nga daken e fayleng, me t’ar wom’ngin e woldug nu fayleng.

Revelation 14:17

Ma aram mu ku gguy yugu reb e engel nike yib nga wuru’ e Tempel u tharmiy, ni ku bay bayang e kama nib m’uth u pa’.