Revelation 14:13 - Bible Ni Thothup

¹³ Mu gu rung’ag ba lam nike yib u tharmiy ni be ga’ar, “Mu yoloy e bin ba’aray: Ra felfelan’ e pi yam’ ni bay ur m’ad e chiney i yan ngaram nib mich Kristus u wun’rad!” Me fulweg fare Kan Nthothup ni ga’ar, “Ri errogon. Ya yad ra felfelan’ ko matal nra yib ngorad ko maruwel nib gel nra ted; ya bay ra feked wenegan e pigpig ni ur ted ngak Somol nge un ngorad.”

Revelation 14:13 Referans Kwoze

Revelation 20:6

Pi’in yad ra fos ko yay nsom’on nra ni faseg e girdi’ ko yam’ e yad ra felfelan’ ma ri ba ga’ e fel’ rogon ni yad ra tay. Ya yay ni migid e yam’ nra yib e dariy ban’en nra ki yag ni nge rin’ ngorad; ya bay ra manged pi prist rok Got nge Kristus, ma bay ra uned ngak ko gagiyeg u lan bbiyu’ e duw.

1 Thessalonika 5:10

ni ir e yim’ ni bochdad ni bochan e nge yag ndarod ngak ngu’ud pired, ndemturug ko ka gadad ba fos ara kadm’ad ko ngiyal’ nra yib riy.

1 Thessalonika 4:16

Bay nrung’ag ba lam ni ba ga’, min rung’ag laman pilungen e engel, min rung’ag laman e rappa rok Got, ma aram me yib Somol u tharmiy nga but’! Ma pi’in karm’ad nib mich Jesus u wun’rad e bay ni fasegrad ko yam’ ni som’on;

1 Korinth 15:58

Ere pi walageg ni girdi’en Kristus, um pired ni gimed bmuduwgil. Gubin ngiyal’ ma ngu’um muruwliyed e maruwel romed ni fan ngak Somol, ya gimed manang ni pigpig ni gimed be tay ngak Somol e gathi ra yan i aw nib m’ayfan.

Revelation 19:9

Ma aram me ga’ar fare engel ngog, “Mu yoloy e bin ba’aray: Ke felfelan’ e pi’in ni kan piningrad ko fare madnom ko mabgol rok fare Fak e Saf.” Me ul ul fare engel ngay me ga’ar, “Pin’ey e ireray fapi thin rok Got nib riyul’.”

Revelation 21:5

Ma fa’anem nike par nga tagil’ e ga’ar, “Chiney e nggu thiliyeg urngin ban’en nge be’ech!” Miki ga’ar ngog, “Mu yoloy e ren’ey, ya pi thin ney e ba riyul’ mrayag ni ngan pagan’uy ngay.”

Revelation 6:11

Ra bagayad min pi’ reb e mad nib wechwech ngak; minog ngorad ni nga yigu ra son gad nge yan i mada’ urngirad ko re matha’eg ni kan finey, ni pi’in ni ka yad be pigpig ngak Got ni ku boch i walagrad ni bay fin nli’rad ngarm’ad ni bod yad e bay ra gamneged e re matha’eg nem.

2 Korinth 5:8

Ere rib pagan’dad, ma kabfel’ u wun’dad ni gadad ra pag tafedad ni re dowef rodad ney ngdarod da pired ngak Somol nga naun rodad.

Revelation 16:17

Me pu’og fa bin medlip e engel e ba’ rok e plet nga fithik’ e nifeng. Me yib ba lam ni ba ga’ u tagil’ Got u lan e Tempel ni be ga’ar, “Ke m’ay!”

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Psalms 19:11

Ma tamilang nigeg, i gag e tapigpig rom; fol ni gu be tay riy e be yib puluwon ngog.

Psalms 85:13

Mat’aw e ra yan nga p’eowchen SOMOL nge fal’eg rogon kanawo’en.

1 Thessalonika 4:14

Mmich u wun’mad ni yim’ Jesus ngki fos ko yam’ bayay; ere bmich u wun’mad ni bayi uneg Got e pi’in karm’ad nib mich Jesus u wun’rad ngak Jesus nge fulwegrad ngak.

1 Korinth 15:18

Ma ku reb i fan nra yan i aw e pi’in karm’ad nib mich Kristus u wun’rad e dar moyed rok Got.

Roma 14:8

fa’anra ud pired ni gadad ba fos ma fan ngak Somol, ma gadad ra yim’ ma ngad m’ad ni fan ngak Somol. Demturug ko gadad ba fos ara gadad ba yam’ machane mmil fadad ngak Somol.

Luke 16:9

Me ul ul Jesus ngay nge ga’ar, “Ere gu be yog ngomed ni ngam maruwelgad ko tin nma fel’ rogoy riy u fayleng ngam m’aged e tafager ngak e girdi’, ya nap’an ni nge m’ay u pa’med ni mmarod ko tabinaw romed ni bay i par ndariy n’umngin nap’an min felfelan’ ngomed ni kam marod.

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 10:4

Ma nap’an nra nonod mu gu wan ni nggu yol. Machane mu gu rung’ag ba lam nike non u tharmiy ni ga’ar, “Mu tay nib mith e tin keyog fa medlip i dirra’; dab mu yoloy!”

Revelation 2:1

“Mu yol ngak fare engel ko galesiya nu Efesus ni nge lungum: “Ba’aray e thin nike pi’ fa’anem ni bay fa medlip i t’uf u lan e ba’ ni mat’aw i pa’, ni be yan u fithik’ fa medlip ley i tagil’ e magal ni gol.

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

Luke 16:25

Machane me ga’ar Abraham, ‘Fakag, ka ga manang faram ni fa ngiyal’nem ni um moy ko fa binem e tamilang e ni pi’ urngin e tin ni bfel’ ban’en ngom, ma aram e urngin e tin kireb ban’en e yag ngak Lazarus; machane chiney e be felfelan’ u roy, me gur e kam par nga fithik’ e amith.

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Daniel 12:13

“Me gur, Daniel, e ngu’um par nib michan’um ma gab yul’yul’ nge mada’ ko tomur. Ma aram e bay mum’, machane bayi taw ko tungun ma ga fos ko yam’ mi ni pi’ puluwom ngom.

1 Korinth 15:20

Machane bin nib riyul’ e ka ni faseg Kristus ko yam’, ni aram e mich riy ni pi’in karm’ad e bay ku ni fasegrad ko yam’.

1 Timothy 5:24

Denen ni be ngongliy boch e girdi’ e mmom ni ngan guy, ni ir e be waliyrad i yan ko gechig; machane denen ni be ngongliy boch e girdi’ e bay fini m’ug ko tomur.

1 Timothy 5:25

Ere ku errogon ni ngongol ni bfel’ e ba tamilang ni yima guy, ni mus ko tin ni bfel’ e ngongol ni gathi rib tamilang ma dabiyag ni ngan mithag.

Revelation 2:7

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Pi’in ni yad ra gel ndar paged yad ko kireb e bay gu pi’ mat’awrad ni ngar ked wom’ngin fare ke gek’iy ko yafos ni bay u Milay’ rok Got!”

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.