Revelation 14:1 - Bible Ni Thothup

¹ Me ere fa’an gu sap ma bay fare Fak e Saf nib sak’iy nga daken e burey ni Zion; ni yad ra’ay nge aningeg i ragag nge aningeg i biyu’ e girdi’ ni bay fithingan rorad nge fithingan e Chitamngin ni kan yoloy nga peri’rad.

Revelation 14:1 Referans Kwoze

Joel 2:32

Machane urngin e pi’in yad ra wenig ngak SOMOL ni nge ayuwegrad e yad ra fos. Ni bod nike yog SOMOL ni ga’ar, ’Boch e girdi’ u daken e burey ni Zion nge yu yang u Jerusalem e bay ra thaygad. Pi’in kugu mel’egrad e yad ra fos.’ ’

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.

Luke 12:8

“Nggog ngomed ni en nra weliy u fithik’ e girdi’ ni ir reb i girdi’eg e aram rogon e n’en nra rin’ e en ni Fak e girdi’ ngak u p’eowchen e pi engel rok Got;

Mikah 4:7

Kar pired ni kar marwoth gad ma yad ba orel ko nam rorad, machane bay gu tabab i gagiyeg nagrad bayay, ngar manged reb e nam nib gel. Bay gu par u daken e Burey ni Zion ngu’ug gagiyeg nagrad e ngiyal’nem i yan nga m’on ndariy n’umngin nap’an.”

Roma 9:33

ni ir e be weliy e babyor nib thothup murung’agen ni be ga’ar: “Mu guyed, kug tay ngalan yu Zion ba malang ni bay i tun ay e girdi’ ngay, ba war ni ngar dol’gad ngay. Machane en nra michan’ ngak e dabi m’ingan’.”

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

Revelation 14:14

Mu gu sap mu gguy bangi manileng nib wechwech, nike par be’ nga daken ni bod ya’an be’ nib mo’on, ni bay e te’eliyaw u lolugen nib gol ma bay bangi kama u pa’ nib m’uth.

Revelation 15:5

Ma nap’an ni mu’ e biney mu gguy fare Tempel nu tharmiy nike mab, ni bay fare tent u lan nma par Got riy.

Isaiah 49:14

Machane girdi’ nu Jerusalem e lungurad, “I SOMOL e ke n’agdad! Ke pag taldad.”

Revelation 6:8

Mu gu sap, mu gguy ba os nib ol ram’en dow. Ma en ni bay u daken e kan tunguy fithingan ni Yam’, ma be lay Hades u tomur rok nib chugur ngak, ni yow e kan tayrow ni ngrognew e thin u ta’ab guruy ko aningeg guruy e fayleng, ni ngar li’ew e girdi’ riy ko saydon, nge uyongol, nge liliy, nge gamanman ni malboch ni bay u fayleng.

Revelation 4:1

Ma aram min piliyeg e changar rog ngku gguy ba mab nike mab u tharmiy. Ma fare lam ni gowa laman ba rappa ni gu rung’ag laman ni i non ngog ko som’on e ga’ar, “Moy ngaray ngalang, mu gu dag ngom e n’en ni bay yib i m’ug.”

Zekariah 4:2

Me fitheg ni ga’ar, “Ba mang e ga be guy?” Mug fulweg ni lungug, “Ba tagil’ e magal nni ngongliy ko gol, u daken p’ebugul e bay barba’ i dabiy riy ni fen e gapgep. Ma daken tagil’ e magal e medlip lay e magal ni bay riy, ra balay ma medlip yang e wik ni bay riy.

Amos 8:2

Me ga’ar SOMOL, “Amos, mang e ga be guy?” Mug ga’ar, “Ba dug i wom’ngin e gek’iy.” Me ga’ar SOMOL ngog, “Ke anog e tomur ni nge mus e girdi’ rog ni Israel. Dab kug thiliyeg lanin’ug bayay ni nge dab kug gechig nagrad.

Daniel 12:5

Mi gag Daniel e gguy l’agruw e pumo’on ni yow ba sak’iy, nra bagayow ma bay nga baraba’ fare lul’.

Ezekiel 44:4

Ma aram me fekeg fare mo’on ko bin lel’och e garog nggu bow nga mit fare Tempel. Ma nap’an e gu changar, mug guy ni fare Tempel e ke sug nga ra’en SOMOL nib maluplup’. Mug palpal nga daken e but’,

Ezekiel 10:1

Gu sap nga ban’en ni bod ya’an e th’ib u daken lolugen fa pin’en nib fos ma puluwon fa pin’em ngalang e ba’ ban’en riy ni tagil’ be’ nib pilung nni ngongliy u mmit i malang ni sapphire.

Ezekiel 8:7

Me fekeg nga langan e garog ko bin wuru’ e yoror nge dag ngog ba chabal u dow e rungrung.

Ezekiel 2:9

Mu gguy ba pa’ef ni kan k’iyag ngog ni bay bangi babyor riy ni ka ni bachiy.

Ezekiel 1:4

Mu gu sap ngalang, mu gguy bangi lang ni ba ga’ nike yib ko lel’och ni bay e nifeng u fithik’ nib gel. Ma be matmat e uluch u fithik’, ma lanelang u to’oben e be gal ram’en. Me galgal ram’en ban’en ni bod ram’en e bronze ko gin’en ni ba’aram ni be matmat e uluch riy.

Jeremiah 1:11

Me fith SOMOL ngog ni ga’ar, “Jeremiah, mang e ga be guy?” Mu gu fulweg ni lungug, “Ba pa’ i gek’iy ni kel.”

Ezekiel 10:9

Mu kug guy ni aningeg e tayapyap riy e go’ ta’ab rogon, ra reb fa pin’en nib fos ma bay reb e tayapyap riy. Fapi tayapyap e be gal ra’en ni bod e malang nib totolang puluwon, ra reb fapi tayapyap ma keb reb e tayapyap i th’ab lukngun.

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Revelation 22:4

Ma bay ur guyed owchen, ma bay ni yoloy fithingan nga peri’rad.