Revelation 13:8 - Bible Ni Thothup

⁸ Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.

Revelation 13:8 Referans Kwoze

Efesus 1:4

Dawor ni sunumiy e fayleng, ma ke mu’ Got i mel’egdad rok ni ngad manged girdi’en u fithik’ Kristus, ni fan e nge yag nda thothupgad ma dariy thibngidad u p’eowchen. Bochan e gadad ba t’uf rok

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

Revelation 17:8

Re gamanman nem ni kam guy e immoy ba ngiyal’ nib fos, machane dakir par e chiney nib fos; ma ke chugur ni nge yib ngalang u lan fare abyss me yan ngan kirebnag. Ma fapi girdi’ ni yad be par u fayleng nda ni yoloy fithingrad ko ngiyal’ ndawori sum e fayleng riy, ngalan babyoren e pi’in ni kar fosgad e yad gubin ni bay ra gin gad ko ngiyal’ ni bay ra guyed e re gamanman nem! Ya immoy ba ngiyal’ nib fos, machane me yim’, ma bay ki m’ug bayay.

Revelation 3:5

Pi’in yad ra gel ndar paged yad ko kireb e yira yin’ e mad nib wechwech nga dakenrad ni aray rogon, ma dab gu chuweg fithingrad u lan babyoren e pi’in kar fosgad. Ma bay gog u p’eowchen e Chitamag nge pi engel rok ni yad e girdi’ rog.

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Revelation 5:12

miyad tang ni ba ga’ lamrad ni be lungurad: “Fare Fak e Saf nli’ ngem’ e bay rogon ni nge mil suwon urngin ban’en ngak, min pi’ e fla’ab ngak, nge gonop, nge gelngin, min tayfan, min gilnag buguwan, minog e sorok ngak!”

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

Daniel 12:1

Me ga’ar fare engel ni bay ba mad nib wech u daken, “Re ngiyal’ i n’em e Maikal, ni pilungen e pi engel, ni ir e ma matanagiy e girdi’ rom e bay yibi m’ug. Ma aram e bayi taw nga bangiyal’ ni nge gafgow e girdi’, ni aram e bin th’abi ga’ e gafgow ni ka nap’an ni sum e pi nam. Nap’an nra taw e ngiyal’nem, ma urngin e girdi’ ko nam rom ni ka ni yoloy fithingrad ngalan e babyor rok Got e bay ni chuwegrad u fithik’ e gafgow.

Luke 10:20

Dabi felan’med ni fan e be fol e pi mo’onyan’ romed; machane nge felan’med ni fan e kan yoloy fithingmed nga babyor u tharmiy.”

Filippi 4:3

Ma ku errogon gur e cha’ ni gab yul’yul’ ni gadow ma ayuwegdow ko re gaf i maruwel ney, gub adag ni ngu’um ayuweg e gali ppin ney; ya ba gel e maruwel nra tew nra unew ngog ngu’ug wereged fare Thin Ni Bfel’, ma kur unew ngak Klement nge tin kabay e girdi’ ni ug muruwliyed e re gaf i maruwel ney u ta’bang, ni bay fithingrad u lan e babyor rok Got ni babyoren e pi’in kar fosgad.

Exodus 32:32

Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Isaiah 4:3

Gubin e pi’in nra magachgad u Jerusalem, ni duwgiliy Got ni dab ra m’ad, e yira yog ni yad ba thothup.

Revelation 3:20

Mmotoyil! Kug sak’iy nga langan e mab gu be tugtuguy; ma fa’anra rung’ag be’ lungug me bing e mab, mra gub ngalan e naun rok nggu un ngak ko abich, me un ngog ko abich.

Revelation 3:10

Ya kam fol ko thin ni gog ni ngam par ni gab gumaen’, ere bay gu tem ni dabi buch ban’en rom ko re ngiyal’ i n’en ni ba’aram ni bay yib e gafgow riy nga daken e fayleng ni polo’, ni nge sikengnag urngin e girdi’ nu fayleng.

Revelation 12:15

Ma aram me pag fare porchoyog e ran u l’ugun nge yib nga but’ ni gowa ba lul’ ni be lek fare pin, ni bochan e nge un fare pin ko fare lul’ nge fek.

Genesis 22:7

Me ga’ar Isak, “Chitamag!” Me fulweg ni ga’ar, “Fakag, be mang?” Me fith Isak ni ga’ar, “Kug guy ni bay e kol nge l’ud, machane bu uw e saf ni nge mang maligach?”

Psalms 69:28

Mu thang fithingrad u babyoren e yafos; dab mu unegrad nga babyoren e tirom e girdi’.

Revelation 5:13

Mu gu rung’ag laman urngin e tin nib fos ni sunumiy Got, ntin ni bay u tharmiy, ngu fayleng, nge tin ni bay ko bin nu ar e fayleng, ngu fithik’ e day, ni urngin e tin ni sunumiy Got ni bay u gubin yang nib mu’un e fayleng ngay ni yad be tang ni be lungurad: “En nike par nga tagil’, nge fare Fak e Saf, e nganog e sorok ngorow, min tay farow min gilnag buguwrow ma bay ur pirew nib mil suwon urngin ban’en ngorow ndariy n’umngin nap’an!”

Revelation 6:1

Mu gguy fare Fak e Saf nike th’ab fa bin som’on e hang ko fa medlip i hang, mu gu rung’ag bagayad fa aningeg i n’em ni yad ba fos ni non ni bod mam’ungun lingan e dirra’ ni ga’ar, “Moy!”

Revelation 13:12

Me maruwel nga mat’awun fa bin som’on e gamanman ni ba ga’ lungun u puluwon e girdi’ u p’eowchen e bin som’on e gamanman. Me gelnag e thin rok ngak e girdi’ ni yad be par u fayleng ni ngar ted fan ma yad be meybil ngak fa bin som’on e gamanman, ni ir e ke fos fa gi maad’ad u dow ni susun e ra yim’ riy!