Revelation 13:16 - Bible Ni Thothup

¹⁶ Me gelnag fare gamanman ir ngak urngin e girdi’ ni pi’in yad ba sobut’ nge pi’in yad ba tolang, nge pi’in ni bo’or ban’en rorad nge pi’in yad ba gafgow, nge pi’in yad e sib nge pi’in ni gathi yad e sib ni ngan tay ba pow nga daken e rifrif u ba’ ni mat’aw i pa’rad nge nga daken peri’rad,

Revelation 13:16 Referans Kwoze

Revelation 20:4

Ma aram mu gguy tagil’iy nge pi’in ni kar pired nga daken ni ka ni pi’ mat’awrad ni ngar pufthingad. Ma ku gguy e pi’in nli’rad ngarm’ad ni bochan e ur weliyed fapi thin nib riyul’ ni yib i yog Jesus ngan nang nge fare thin rok Got. Ma dar ted fan ma dar meybilgad ngak fare gamanman ara nga ya’an nni ngongliy ni liyos, fa reb e ntay e pow ko fare gamanman nga daken peri’rad ara rifrif u pa’rad. Ra fosgad mu ur pired rok Kristus ni kar manged pilung ma yad be gagiyeg ni reb e biyu’ e duw.

Revelation 19:20

Min kol fare gamanman ngan fek, nge fare profet ni yugu ban’en ni ir e i ngongliy e maang’ang u p’eowchen. (Pi maang’ang nem e ir e bannag e pi’in ni bay e pow ko fare gamanman u dowrad, nge pi’in ni ur ted fan ma yad be meybil ko fare liyos nni ngongliy ni ya’an fare gamanman.) Ma fare gamanman nge fare profet ni go’ ban’en e yow l’agruw nnin’row ni ka yow ba fos ngalan fare lipath i nifiy ni sulfur e be urfiy.

Revelation 7:3

Me ga’ar fare engel, “Dab mu tagannag e binaw, nge day, ara gek’iy nge yan i mada’ ko ngiyal’ ni bay gu mu’gad i tay e pow nga peri’ e pi tapigpig rok e Got rodad.”

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Revelation 19:18

Mired ngam longuyed e ufin u downgin e pi pilung, nge pi’in nth’abi tolang ko salthaw, nge pi salthaw, nge ufin ko os nge pi’in nra afgad nga daken, nge ufin rok urngin e girdi’, ni pi’in yad e sib nge pi’in ni gathi yad e sib, nge pi’in nib tolang nge pi’in nib sobut’!”

Deuteronomy 6:8

M’aged nga daken pa’med nge nga daken peri’med nge par ni be puguran ngomed.

Deuteronomy 11:18

“Nge par u wun’med me fel’ u wun’med e pi motochiyel n’ey. M’aged nga pa’med nge nga peri’med nib puguran ngomed.

Exodus 13:9

Ran’ey nru’um rin’ed e bod ban’en ni kam m’agged nga pa’med fa nga peri’med ni ngi i puguran ngomed ndab mtalgad i weliy murung’agen ngak boch e girdi’, ma gimed be fil e Motochiyal rok SOMOL, ni bochan gelngin SOMOL nib gel e fekmed riy nga wuru’ yu Egypt.

Revelation 19:5

Ma aram me yib ba lam u tagil’ Got ni be ga’ar, “Gimed urngin e pi tapigpig rok Got, nge urngin e girdi’ ni pi’in yad ba tolang nge pi’in yad ba sobut’, ni bay madgun Got u wun’med e ngam pininged e sorok ngak e Got rodad!”

Revelation 20:12

Ma aram mu gguy e pi’in ni karm’ad, ni pi’in nib tolang nge pi’in nib sobut’ ni kar sak’iygad u m’on u tagil’ Got. Min pithig e babyor, mu kun pithig ba kaen, ni fare ke babyor ni babyoren e pi’in ni kar fosgad. Ma pi’in ni karm’ad e ni pufthinnagrad ni be yan u rogon e n’en ni ur ngongliyed, ni bod rogon ni kan yoloy ngalan fa yu ke babyor.

Revelation 6:15

Ma aram e pi pilung nu fayleng, nge pi’in yad be gagiyeg nge pi tolang ko salthaw, nge pi’in ni bo’or ban’en rorad nge pi’in ni ba ga’ lungurad, nge tin ni kabay e girdi’, ni pi’in yad e sib nge pi’in ni gathi yad e sib ko girdi’ e ra mithgad ngalan e yiy nge nga tan e war u daken e burey.

Acts 26:22

Machane ke yib i mada’ ko bin daba’ e rran ni i ayuwegneg Got, ere kug sak’iy u roy ni gu be weliy e pin’ey ngomed ni gimed gubin, ni ta’reb rogon e pi’in nsobut’ nge pi’in nib tolang. N’en ni gu be yog e ireray fare n’en ni yog e pi profet nge Moses ni bay yib i m’ug ni lungurad:

Psalms 115:13

Bayi fal’eg wa’athan urngin e pi’in bay madgun u wun’rad, ni ta’reb rogon e pi’in tolang nge pi’in sobut’.

BABYOR NI JOB 34:19

Der ma mang ko pi’in tagagiyeg ma der ma fol ko pi’in fel’ rogon me pag e gafgow, ya ir e sunmiy gubin e girdi’.

Revelation 15:2

Ma aram mu gguy ban’en ni gowa bangi day nni ngongliy ko thirek ni kan athkuy ko nifiy; ma aram mu ku gguy e pi’in ni kar gelgad ko fare gamanman nge fare liyos ni ya’an nni ngongliy, nge ngak fa’anem nni pi’ fithingan nib namba; ni kar sak’iygad u to’oben fare gi day ni thirek, ni bay talin e musik u pa’rad ni harp nike pi’ Got ngorad,

Revelation 11:18

Pi nam e kari gel e damumuw rorad, ya ke taw nga nap’an ni nge taw e damumuw rom, nge nga nap’an ni ngam pufthinnag e pi’in ni karm’ad; nge nga nap’an e ngiyal’ ni ngam pi’ puluwon e tapigpig rom ni fapi profet, nge urngin e tirom e girdi’, ni pi’in yad ba tolang nge pi’in yad ba sobut’, ni urngin e pi’in ni bay madgum u wun’rad. Ke taw nga nap’an ni ngan kirebnag e pi’in ni kar kireb niged e fayleng!”

Kolose 3:11

Ma wenegan e ren’ey e gadad gubin nta’reb rogodad ndariy ban’en nib thil u thilin e pi’in gathi yad piyu Israel nge piyu Israel, nge pi’in kan maad’ad ngorad nge pi’in ndawor ni maad’ad ngorad, nge pi’in gathi yad yu Greece, nge pi nam ni dawori ga’ e llowan’ rorad, nge girdi’ ni yad e sib ara girdi’ ni gathi yad e sib, ya Kristus e ir e urngin, mi Kristus e bay u fithik’ urngin e girdi’ ni kar yodoro’gad.

Efesus 6:8

Dab mpaged talin ni Somol e ra pi’ puluwon urngin e girdi’, nra be’ ma puluwon ko maruwel ni bfel’ ni be rin’, ndemturug ko be’ nib sib ara dangay.

Galatia 6:17

Ere chiney e gu be wenig ngomed ndab ki lulu’ag bigimed e thin ngog u murung’agen e pin’ey; ya yungi fath ni bay u dowag e be dag ni gag e sib rok Jesus.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

1 Korinth 12:13

Ere aram rogodad ni gadad gubin, ni piyu Israel nge pi’in gathi yad piyu Israel, nge pi sib nge pi’in yad e mmil farad ngorad ni kan tawfe nagdad kadmanged ta’ab dowef u daken ta’ab Kan ni Thothup, ma gadad gubin ni ta’ab Kan ni Thothup e kan pi’ ngodad.

Psalms 49:2

pi tolang nge pi sobut’, nge pi fel’ rogon nge pi gafgow.

2 Kronicles 15:13

Ma demturug be’, bbitir, pilbithir, pumo’on fa be’ ni bpin ni fa’anra dabi liyor ngak SOMOL ma yira thang e pogofan rok.

2 Timothy 3:8

Ni bod rogon Jannes nge Jambres nra togopluwgow ngak Moses, ere ku errogon e pi girdi’ ney ni ku yad be togopluw ko tin riyul’ e thin ni girdi’ nike balyang lanin’rad ma kar mulgad u rogon ni ngan par nib mich Kristus u wun’uy.

Zekariah 13:6

Ma fa’anra fith be’ ngak ni ga’ar, ‘Mang e tin be’er e maad’ad u daken ngarngorrem?’ Ma ra fulweg ni ga’ar, ‘Ma’ad’ad ni gu tay u tabnaw rok e tafger rog.’”