Revelation 13:10 - Bible Ni Thothup

¹⁰ En ni kan finey ni ngan kol e ri bay ni kol; ma en ni kan finey ni ngan li’ ko saydon ngem’ e bmuduwgil ni bay nli’ ko saydon ngem’. Ireray e ngiyal’ ni nge k’adan’ me pagan’ girdi’en Got ngak Got.”

Revelation 13:10 Referans Kwoze

Jeremiah 15:2

Nap’an ni yad ra fithem ko gin ngar sorgad ngay, ma ga weliy ngorad nike lungug: Boch i yad e liliy e nge thang owcharad ireram e gin bay ranod ngay! Ma boch i yad e kug duwgiliy ni ngarm’ad u fithik’ e mael ireram e gin bay ranod ngay! Ma boch i yad e kug duwgiliy ni ngarm’ad ko uyongol ireram e gin bay ranod ngay! Ma boch i yad e kug duwgiliy ni ngan kolrad ngan fakrad ni ka ra manged kalbus, ireram e gin bay ranod ngay!

Revelation 14:12

Bochan e ren’ey ma aram fan ni nge k’adan’ e girdi’ rok Got, ni pi’in yad be fol ko tin keyog Got ma yad ba yul’yul’ ngak Jesus.

Revelation 3:10

Ya kam fol ko thin ni gog ni ngam par ni gab gumaen’, ere bay gu tem ni dabi buch ban’en rom ko re ngiyal’ i n’en ni ba’aram ni bay yib e gafgow riy nga daken e fayleng ni polo’, ni nge sikengnag urngin e girdi’ nu fayleng.

Luke 21:19

Ere mpired ni gimed bmuduwgil, ya ireray rogon me yag e yafos ngomed.”

Isaiah 33:1

Pi to’ogor rodad e kar riya’ gad! Kar moro’ro’gad u fithik’ e yargel ma yad be yagnag e girdi’, ni yug aram rogon ni dariy be’ nike mororo’ ngorad ara yag nagrad nga pa’ e pi to’ogor. Machane re ngiyal’ ni yad be rin’ e pin’em riy e bayi mus, ma aram yad e bay un rin’ e pin’em ngorad.

Hebrews 6:12

Dabumad ni ngam malmalgad, machane ngam pired ni gimed bod e pi’in nib mich Kristus u wun’rad ma ba gum’an’rad, ma aram fan nike yag ngorad e tin ni yog Got nra pi’.

Revelation 2:2

Gu manang e tin ni kam rin’; gu manang gelngin e maruwel ni kam tay nge rogon e gumaen’ ni kam tay. Gu manang ndabiyag ni ngam k’adan’um rok e girdi’ nib kireb, ma kam sikengnag e pi’in ni be lungurad e yad e apostel machane gathi yad, ma kam pir’eg ni yad be lifith l’ugunrad.

Matthew 26:52

Me ga’ar Jesus ngak, “Mu sulweg e saydon rom nga tafen ya urngin e pi’in yad ra girengiy e saydon e yira li’rad ko saydon ngarm’ad.

Jeremiah 43:11

Bayib Nebukadnezzar nge gel ngak yu Egypt. Girdi’ ni kan bucheg wa’athan ni ngarmad’ ko liliy e ireram e n’en ni yad ra yim’ riy, pi’in ni kan turguy ni ngan fekrad nga bang ni kalbus e yira fekrad, ma pi’in ni kan turguy ni ngarmad’ u fithik’ e mael e yira li’rad u fithik’ e mael.

Revelation 16:6

Kar pu’oged racha’en e girdi’ rok Got nge racha’en e pi profet, me ere kam pi’ e racha’ ni ngar unumed. Ya ke yag ngorad puluwon e ngongol rorad!”

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Lamentations 3:26

Ere rib fel’ ngodad ni ngu’ud son gad u fithik’ e gumaen’, ni ngad son niged ni nge mat’aw nagdad ngak.

Revelation 3:3

Mu tafinaynag e n’en nni fil ngom nge rogon ni mu rung’ag; ere mu fol riy ma ga pi’ keruum ko denen ni ga be rin’. Ya fa’anra dab mu od ma bay gub ngom ni bod be’ nib moro’ro’, ya dab mu nang e re awa ni gu ra taw riy.

Revelation 2:19

Gu manang e n’en ni ga be rin’. Gu manang rogon nib t’uf Got rom nge girdi’, nge fanam yul’yul’, nge pigpig ni ga be tay, nge fanam gumaen’. Gu manang nike gel e maruwel ni ga be tay e chiney ko som’on.

Kolose 1:11

Nge gel nagmed Got nga polo’ i gelngin nma yib u gelngin ni dabi m’ay, nge yag ni mu athamgiliyed urngin ban’en u fithik’ e gumaen’.

Isaiah 14:2

Pire’ e nam ni bayi ayweg e girdi’ nu Israel ngar sulod ko fare nam ni pi’ SOMOL ngorad, mu rom e bayi pigpig e pi nam riy ngak piyu Israel ni bod e sib. Pi’in nra koled piyu Israel e bayi mang yu Israel e kolrad e chiney, ni girdi’ nu Israel e bay ur gagiyeg niged e pi’in ur gafgow niged yad.

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Revelation 11:18

Pi nam e kari gel e damumuw rorad, ya ke taw nga nap’an ni nge taw e damumuw rom, nge nga nap’an ni ngam pufthinnag e pi’in ni karm’ad; nge nga nap’an e ngiyal’ ni ngam pi’ puluwon e tapigpig rom ni fapi profet, nge urngin e tirom e girdi’, ni pi’in yad ba tolang nge pi’in yad ba sobut’, ni urngin e pi’in ni bay madgum u wun’rad. Ke taw nga nap’an ni ngan kirebnag e pi’in ni kar kireb niged e fayleng!”

Revelation 17:8

Re gamanman nem ni kam guy e immoy ba ngiyal’ nib fos, machane dakir par e chiney nib fos; ma ke chugur ni nge yib ngalang u lan fare abyss me yan ngan kirebnag. Ma fapi girdi’ ni yad be par u fayleng nda ni yoloy fithingrad ko ngiyal’ ndawori sum e fayleng riy, ngalan babyoren e pi’in ni kar fosgad e yad gubin ni bay ra gin gad ko ngiyal’ ni bay ra guyed e re gamanman nem! Ya immoy ba ngiyal’ nib fos, machane me yim’, ma bay ki m’ug bayay.

Revelation 17:11

Ma fare gamanman ni immoy ba ngiyal’ nib fos machane ke yim’, e ir e bin meruk e pilung ni ir bagayad fa medlip nem nsom’on me yan ni ngan li’ ngem’.