Revelation 12:12 - Bible Ni Thothup

¹² Ere mu felfelan’gad e pi tharmiy, ni gimed urngin e pi’in ni gimed be par u wur! Machane ri bayi gafgow e fayleng nge day! Ya ke yib fare Mo’onyan’ ngomed ni kari damumuw, ya manang ndaki n’uw nap’an ni nge par.”

Revelation 12:12 Referans Kwoze

Revelation 8:13

Mu gu sap mu gu rung’ag laman ba arche’ ni eagle ni be changeg nib tolang ni be yog ni ba ga’ laman ni be ga’ar, “Gafgow! Gafgow! Ri bayi gafgow urngin e girdi’ ni be par u fayleng ko ngiyal’ nra thoy fa dalip ni kabay e engel e rappa rorad!”

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

Revelation 10:6

me micheg bbugithin nga fithingan Got nma par nib fos ndariy n’umngin nap’an, ni ir e sunumiy e tharmiy nge urngin ban’en ni bay riy, nge fayleng nge urngin ban’en ni bay riy, nge day nge urngin ban’en ni bay u fithik’. Me ga’ar fare engel, “Dab kun sowath!

Revelation 11:10

Ma girdi’ nu fayleng e bay ra felfelan’gad nike yim’ e gali cha’nem. Bay ra madnomgad ngar tow’ath niged yad, ni bochan e gali profet nem e ba ga’ e gafgow nra tiyew ngak e girdi’ nu fayleng.

Revelation 9:12

Me yan i m’ay e bin som’on e gafgow; ma tomuren e biney e kabay l’agruw e gafgow nra yib.

Luke 15:10

Ere nggog ngomed ni ku ireray rogon e pi engel rok Got ni yad ra felfelan’, ni bochan ta’reb e tadenen ni pi’ keru’ ko kireb ni be ngongliy.”

Revelation 11:14

Me m’ay e bin l’agruw e gafgow; machane mu sap! Dabki n’uw nap’an me yib e bin dalip e gafgow.

2 Peter 3:8

Machane pi tafager rog ni gimed ba t’uf rog, dab mpaged talin e re bugithin ni ba’aray: rogon ko changar rok Somol e dariy ban’en nib thil u thilin ta’reb e rran nge bbiyu’ e duw, ya l’agruw ni ta’reb rogon u wan’.

Hebrews 10:37

Ni bod rogon ni keyog e babyor nib thothup ni be ga’ar: “Dabki n’uw nap’an ma en ni nge yib e bay yib, ni dabi sowath.

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Revelation 12:9

Mi nin’ fare dragon nri ba ga’ nga wuru’ e tharmiy! I ir fare porchoyog nike kakrom, ni kan tunguy fithingan ni Mo’onyan’, ara Satan, ni ir fa’anem ni bannag e girdi’ nu fayleng ni polo’. Mi nin’ u lang nga daken e fayleng, nib mu’un urngin e pi engel rok ngak.

Revelation 13:6

Me tabab i darifannag Got, nge fithingan Got, nge gin ni be par Got riy, nib mu’un urngin e pi’in yad be par u tharmiy ngay.