Revelation 11:8 - Bible Ni Thothup

⁸ ma bayi par downgirow u daken e wo’ ko fare binaw nib gilbuguwan, ni aram e gin nrichibiy e Somol rorow riy ko kuruth. Re ngachal nra m’ag ko re binaw nem e Sodom, ara Egypt.

Revelation 11:8 Referans Kwoze

Jeremiah 23:14

Machane pi profet nu Jerusalem e kug guyrad ni ka ba gel e kireb ko tin yad be ngongliy: yad be par e ppin ni gathiyad bmabgol ma yad be lifith l’ugunrad; yad be towaser ko girdi’ ni nge ngongliy e kireb, ya nge dariy be’ ni nge tal i ngongliy e kireb. Rogon ko leam rog e yad gubin ni yad bod yu Sodom, ta’reb farad kireb ngak yu Gomorrah.

Revelation 18:10

Bay ra sak’iygad u orel rok, ni bochan e yad be tamdag ko re gafgow nem nike yib ngak, me lungurad, “Kari gafgow i gafgow e re binaw ney nu Babylon nib gilbuguwan ma ba gel! Ri ta’reb e awa ma ka ni mu’ i gechig nigem!”

Revelation 18:21

Ma aram me fek ba engel nib gel bmalang ni bod ga’ngin fare malang ni ba ga’ ni yima bilig e wheat ngay ngan ngongliy e flowa riy, me yin’ nga daken e day, ni be ga’ar, “Fare binaw nu Babylon nib gilbuguwan e bay ni pag nga but’ nib gel merin ni aray rogon, ma aram e dab ku ni guy bayay.

Hebrews 13:12

Ireray fan ni ki yim’ Jesus u wuru’ e garog ko fare binaw, ni fan e nge maluknag e girdi’ nga racha’en nge chuw e denen rorad ngar be’echgad.

Revelation 18:18

ngu’ur tolulgad ma yad be guy e ath rok ni be yik’ ma be lungurad, “Dariy reb e binaw ni immoy ni bod feni gilbuguwan e re binaw nem!”

Revelation 11:9

Ma gubin mit e girdi’ nrabad, nge tin nrabad u urngin e ganong, nge girdi’ ni yib u urngin e thin nge gubin e nam e bay ur changargad nga downgirow ni dalip nge baley e rran, ma dab ni pithig e thin riy ni ngan k’eyagrow.

Jude 1:7

Mu tafinay niged fare binaw nu Sodom nge binaw nu Gomorrah, nge tin ni bay e binaw u to’oben ni girdi’ riy e i ngongol ni bod e n’en ni rin’ fapi engel nra thum’gad nga wuru’ i mat’wunrad, ya girdi’ riy e ur ngongliyed e ngongol ko darngal, ma i darngalnag e pumo’on e pumo’on: kar gafgowgad ko gechig u fithik’ e nifiy ni dabi math bi’id, ni aram e kar manged puguran ngak urngin e girdi’.

2 Peter 2:6

I Got e gechignag e binaw nu Sodom ngu Gomorrah ya ni urfiy e gali binaw nem, ni aram e ke dag ngak e pi’in kireb e n’en nra rin’ ngorad ni fa’anra ur pired nib kireb e ngongol rorad.

Matthew 10:15

Mu ted fanmediyan ko re bugithin ney! Chirofen nra pufthinnag Got e girdi’ riy e ka ba ga’ e runguy nra tay ngak e girdi’ nu Sodom ngu Gomorrah ko runguy nra tay ngak girdi’en e re binaw nem!”

Amos 4:11

“Gu thang owchen bochi gimed ni bod ni gu thang owchen yu Sodom ngu Gomorrah. Pi aromed ni de yim’ e yad bod ba ley i l’ud ni be yik’ min laeg u mit e nifiy. Machane ku da msulod ngog,” I SOMOL e be non.

Ezekiel 23:27

Bay gu taleg ngonglem ni kireb nge tin golong e gafarig ni mu tabab ngay u lan yu Egypt. Ma dakuriy bangiyal’ ni ga ra sap ngab liyos ara mu leamnag yu Egypt bayay.”

Ezekiel 23:19

Miki almarin boch ni i falchuway’ ngak, ni bod ngonglen ni kabochi rugod, ni ba’aram ni’ i falchuway’ ngak u lan yu Egypt.

Ezekiel 23:8

Miki tabab ko n’en ni ki i rin’ u Egypt ni i falchuway’ ngak, ni aram e gin ni nang e pumo’on riy. Ka nap’an e kabochi rugod, mi i moleg e pi pumo’on ni bod rogon be’ ni bpin nma falchuway’ ngak.

Ezekiel 23:3

Nap’an ni kayow bitir, ni yow ma par u lan yu Egypt, miyow par nga gil’ e pumo’on, ma aram miyow mang l’agruw ni’ ni yow ma falchuway’ ngorow.

Isaiah 3:9

Changar ni fanenikan u owcharad e ke dag e kireb rorad. Denen ni yad be tay e ba gagyal ni bod ni i rin’ e girdi’ nu Sodom. Kar riya’gad, ni yad e kar girngiyed e riya’ nga dakenrad.

Exodus 20:2

“I gag fare SOMOL ni Got romed ni gu fekmed nga wuru’ yu Egypt, ni aram e gin ni um sibgad riy.

Exodus 3:7

Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Genesis 19:24

me pag SOMOL e sulfur ni be yik’ nge mul u lanelang nga daken yu Sodom nge yu Gomorrah.

Genesis 13:13

ma girdi’ ni yad ma par u lan yu Sodom e ba kireb e ngongol rorad, ni aram e yad ma denen nib togopluw ngak SOMOL.

Revelation 18:2

Me non ni ba ga’ laman ni ga’ar, “Ke waer! Fare Babylon nib gilbuguwan e ke waer! Chiney e kemang tafen e mo’onyan’ nge pi kan nib tagan; urngin mit e arche’ nib golong nge pi arche’ ni fanenikay ni be par u lan yu Babylon.

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.

Revelation 14:8

Me lek e bin migid e engel tomuren fa bin som’on ni be ga’ar, “Ke waer! Fare binaw nu Babylon nib gilbuguwan e ke waer! Ke pi’ e wayin rok ngak girdi’en e pi nam ni urngin, ke pi’ ngorad kar unumed, ni fare wayin rok nib gel, ni wayin ko darngal rok!”

Revelation 11:13

Ka chingiyal’ nem me yib ba durru’ nib gel; me kireb ta’ab guruy u ragag i guruy ko fare binaw, ma medlip i biyu’ e girdi’ e yim’ ko re durru’ nem. Ma tin ni magey e girdi’ e ra m’ad ko marus miyad yog nrib sorok Got nu tharmiy.

Hebrews 6:6

Nge mu’ miyad thay! Ri dabkiyag ni ngan fulwegrad ngar kolgad ngan’rad bayay miyad pi’ keru’rad ko denen, ni fan e kar sulod kar richibiyed e en ni Fak Got ko kuruth bayay kar tamra’niged nga fithik’ e girdi’.

Acts 9:4

Me thay nga but’ me rung’ag ba lam ni be ga’ar ngak, “Saul, Saul! Mang ni ga be gafgow nigeg?”

Jeremiah 26:23

Miyad fek Uriah u Egypt ngar fulweged ngak Jehoyakim, me yog Jehoyakim ni ngan thang e fan rok mi ni yan nn’ag ko gin ni baaram ni yima k’eyag e girdi’ riy.)

Revelation 18:24

Ya Babylon e ni gechignag ni bochan e ni pir’eg racha’en e pi profet nge girdi’en Got u lan; errogon, racha’en urngin e pi’in ni kan li’rad u fayleng.

Revelation 17:5

Ma kan yoloy ba ngachal nga daken peri’ ni bay fan nib mith ni ga’ar: “Fare Babylon nib Gilbuguwan, ni ir e chitiningin urngin e ppin ni yad ma chuway’ ngorad nge urngin e kireb nu fayleng.”

Revelation 17:1

Me yib bagayad fa medlip i engel ni bay baraba’ fa medlip i plet rok ngog me ga’ar, “Moy, nggu dag ngom rogon ni ngan gechignag fare pin nib gilbuguwan ko kireb ni be ngongliy ni be chuway’ ngak, ni fare binaw nib gilbuguwan ni kan toy u to’oben e lul’ ni bo’or.

Ezekiel 37:11

Me ga’ar Got ngog, “Fak e girdi’, girdi’ nu Israel e yad bod e pi yil ney. Yad be yog ni kar mlik’gad ndakuriy ban’en ni be l’agan’rad ngay, ma dakuriy farad.

Ezekiel 16:46

“Bin nganni’ e bpin ni walagem e Samaria, ni fare binaw ko lel’och rom nge pifak ni ppin ni fa yochi binaw nib chuchugur ngak, ma bin wen i walagem ni bpin e Sodom ni bay ko yimuch rom ni yad pifak ni ppin.

Ezekiel 16:49

Ir nge pifak nib ppin e yad ba ufanthin ni bochan e bo’or garad miyad ma par u fithik’ e gapas nib math gulungrad, machane darir ayweged e pi’in gafgow nge pi’in ba t’uf e ayuw rorad.

Revelation 14:20

Ma fapi grape e yibe uduy u lan e n’en ni yima uduy e grape riy ni bay u wuru’ fare binaw, me yib e racha’ u lan fare n’en ni yima uduy e grape riy nga but’ nlul’ ni l’agruw mir’ay e mayel n’umngin ma gonap’an lal e fit tom’arngin.

Revelation 17:18

“Fare pin ni kam guy e ireram fare binaw nib gilbuguwan ni ir e be gagiyegnag e pi pilung nu fayleng.”