Revelation 11:12 - Bible Ni Thothup

¹² Ma aram me rung’ag fa gali profet ba lam ni ba ga’ ni be non ngorow u tharmiy ni be ga’ar, “Mirew ngaray ngalang!” Ma nap’an ni be yaliyrow e pi to’ogor rorow miyow yan nga lanelang u fithik’ bangi manileng.

Revelation 11:12 Referans Kwoze

Revelation 4:1

Ma aram min piliyeg e changar rog ngku gguy ba mab nike mab u tharmiy. Ma fare lam ni gowa laman ba rappa ni gu rung’ag laman ni i non ngog ko som’on e ga’ar, “Moy ngaray ngalang, mu gu dag ngom e n’en ni bay yib i m’ug.”

Acts 1:9

Fa’ani mu’ i yog rok e re bugithin ney, mi ni fek ngalang nga tharmiy ni yad be guy, nge yan i chuw nga fithik’ bangi manileng nge dakur guyed.

2 Kings 2:11

Ma nap’an ni yow be yan ni yow be non ma yugu ra gingow ma ke yib ba chariot nib nifiy ni be girengiy bogi os nnifiy, me yib nga thilrow nge weregrow, me fek ba nanyor Elijah nga tharmiy.

1 Thessalonika 4:17

ma gadad e pi’in kagadad ba fos ko ngiyal’ i n’em e bay ni kunuydad ngorad nga fithik’ e manileng ngad mada’gad Somol u fithik’ e nifeng. Ma aram e gubin ngiyal’ ni bay ud pired rok Somol.

Revelation 12:5

Ma aram me gargeleg fare pin bochi pagel, ni ba ley i wasey e bayi gagiyegnag urngin e pi nam ngay. Machane min leag fare tir ngan fek ngak Got nga tagil’ Got.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

Luke 16:23

Me yan i par nga Hades nga fithik’ e amith ni ba ga’; me changar ngalang me guy Abraham nib mal’af, ni bay Lazarus u baraba’ i to’oben.

Isaiah 60:8

Ba mang e pi barkow ni ba’aray ni be yan ni bod e manileng, Ni bod e arche’ ni dove ni yad be sul nga tabinaw rorad?

Isaiah 40:31

Machane pi’in yad be toer ngak SOMOL ni nge ayuwegrad e bay ra pir’eged nike yib gelngirad bayay. Bay ra changeggad ngalang ni bod e arche’ ni eagle; yad ra mil, ma dab ra magaergad; ma yad ra yan, ma dabi m’ay gelngirad.

2 Kings 2:5

Me yib ba ulung i profet ni yad ma par u rom ngak Elisa me lungurad ngak, “Mog, ga manang ni bayi fek SOMOL e masta rom e daba’?” Me ga’ar Elisa, “Gu manang, ere dab kud weliyed murung’agen.”

2 Kings 2:1

Me taw ko ngiyal’ ni nge fek SOMOL Elijah nga tharmiy u fithik’ ba nanyor. Me chuw Elijah nge Elisa u Gilgal,

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”

Isaiah 14:13

Mu turguy ni ngam man ngalang nga tharmiy ngam ngongliy tagil’ e gagiyeg rom nga daken e pi t’uf nth’abi tolang. Um leamnag ni ga ra par nga but’ ni bod be’ nib pilung u daken e burey ko lel’och ko gin ma mu’ulung e pi got ngay.

Psalms 112:10

Pi’in kireb e ra guy ni aray rogon miyad damumuw; yad ra gat’fiy owcharad u fithik’ e fanenikan miyad chuw; tin ur athpeged e ke ma’ ngabang ni manemus.

Psalms 86:17

SOMOL, mu dag ngog e pow u fanam manigil; ma pi’in yad be fanenikayeg e bay ra tamra’gad nap’an ni yad ra guy ni ka mu ayuwegneg ka mu fal’eg lanin’ug.

Psalms 24:3

Mini’ e bay mat’wun ni nge yan nga daken e burey rok SOMOL? I mini’ e ra yag ni nge yan ngalan e Tempel rok nib thothup?

Psalms 15:1

SOMOL, mini’ e rayag ni nge th’um ngalan e Tempel rom? Mini’ e rayag ni nge un ko liyor u Zion, ni fare burey rom nib thothup?

2 Kings 2:7

me lekrow wugem fapi profet nga Jordan. Me tal Elijah nge Elisa u to’oben e lul’ ni Jordan, me sak’iy fapi wugem i profet nib orel boch rorow.

Exodus 14:25

I taleg e tayapyap ko chariot rorad ngi i mo’maw rogon e yan rorad, me ga’ar piyu Egypt, “Ngad milgad rok piyu Israel, ya be cham SOMOL ngodad ni pa’rad.”