Revelation 11:11 - Bible Ni Thothup

¹¹ Ma fa’ani chuw dalip nge baley e rran me pi’ Got athon l’ugun ngorow nma fasegey, nge yan nga fithik’ i dowrow, miyow sak’iy ngalang; ma urngin e girdi’ nra guyed yow ni kar fosgow e rib gel e tamdag ni yib ngorad.

Revelation 11:11 Referans Kwoze

Genesis 2:7

Ma aram me fek SOMOL ni Got boch e but’ nge ngongliy be’ ni pumo’on riy; me pag athon l’ugun nma pi’ e yafos ngalan p’ethungun, me fos fare pumo’on.

Roma 8:11

Fa’anra be par fare Kan ni Thothup rok Got u fithik’med, ni ir e faseg Jesus ko yam’, me ere en ni ir e faseg Kristus ko yam’ e ku ra pi’ e yafos ko dowef romed nra yim’, nra pi’ u daken fare Kan ni Thothup rok ni bay u fithik’med.

Roma 8:2

Ya motochiyel rok fare Kan ni Thothup ni ir e ma fek e yafos i yib ngodad ko ta’ab girdi’ ni gadad ma tay Kristus Jesus e ke chuwegeg ko gagiyeg nma tay e denen nge yam’.

Revelation 11:9

Ma gubin mit e girdi’ nrabad, nge tin nrabad u urngin e ganong, nge girdi’ ni yib u urngin e thin nge gubin e nam e bay ur changargad nga downgirow ni dalip nge baley e rran, ma dab ni pithig e thin riy ni ngan k’eyagrow.

Acts 5:5

Nap’an ni yigi rung’ag Ananias e re bugithin nem me thig nga but’ nike yim’; ma urngin e pi’in nrung’ag murung’agen e ren’em e yib e marus ngorad.

Acts 5:11

Ma urngin girdi’en e galesiya nge urngin e pi’in nrung’aged murung’agen e re bugithin ney ni yib e marus ngorad nib gel.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Revelation 11:13

Ka chingiyal’ nem me yib ba durru’ nib gel; me kireb ta’ab guruy u ragag i guruy ko fare binaw, ma medlip i biyu’ e girdi’ e yim’ ko re durru’ nem. Ma tin ni magey e girdi’ e ra m’ad ko marus miyad yog nrib sorok Got nu tharmiy.

Joshua 2:9

me ga’ar ngorow, “Gu manang ni SOMOL e ke pi’ ngomed e re nam ney, ma nggog ngomew ni gamad gubin e re nam ney ni kug rusgad ngomed.