Revelation 10:1 - Bible Ni Thothup

¹ Ma aram mu ku gguy reb e engel nib gel nike yib u tharmiy nga but’, ni bangi manileng e mad rok, ni ba longob ba ragim nga lolugen; ma owchen e bod lan mit e yal’, ma ay e bod ruw pa’ i nifiy.

Revelation 10:1 Referans Kwoze

Matthew 17:2

Ma nap’an ni yad be changar ngak me thil ya’an: me galgal owchen ni bod feni galgal mit e yal’, me wechwech e mad rok ni bod ram’en e yal’.

Ezekiel 1:28

ni gubin e ra’en ko ragim ma bay riy. Irera’ fare ra’en nib maluplup ni be dag e gin bay SOMOL riy. Nap’an ni gguy e ren’ey, mu gu thig nga but’ ni gu ba palpal. Ma aram mu gu rung’ag ba lam

Revelation 5:2

Mu gguy ba engel nib gel ni non ni ba ga’ lungun ni ga’ar, “Mini’ e bay rogon ni nge guchthuy e pi hang nem nge pithig e re gi babyor nem ni kan bachiy?”

Daniel 10:6

Ma downgin e be galgal ram’en ni bod ba churwo’. Ma owchen e be galgal ram’en ni bod e uluch ni be mat, ma lan mit e bod ba nifiy ni be daramram. Ma pa’ nge ay e be galgal ram’en ni bod e bronze ni kan gichiy, ma laman e bod e girdi’ ni pire’ ni pire’ ni tolul.

Revelation 4:3

Ma be gal ram’en owchen ni bod e malang ni jasper nge karnelian; ma bay ba ragim nike liyeg tagil’ fa’anem ni bod ra’en ba malang ni emerald.

Revelation 8:13

Mu gu sap mu gu rung’ag laman ba arche’ ni eagle ni be changeg nib tolang ni be yog ni ba ga’ laman ni be ga’ar, “Gafgow! Gafgow! Ri bayi gafgow urngin e girdi’ ni be par u fayleng ko ngiyal’ nra thoy fa dalip ni kabay e engel e rappa rorad!”

Psalms 104:3

ma kam tay e naun rom nga daken e ran u lang. Pi manileng e ke mang chariot rom, ma ga be yan u daken pon e nifeng.

Psalms 97:2

Manileng nge lumor nib dub’ag e ba liyeg; be gagiyeg nib mat’aw ma ba yal’uw.

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Acts 26:13

Pilung, gu bay u kanawo’ nike yan i misiw’ mu gguy ram’en ban’en ni kab gel ram’en nga ram’en e yal’ ni mat ram’en u lanelang nga dakenag nge pi pumo’on ni gamad be milekag.

Luke 21:27

Ma aram me yib i m’ug e en ni Fak e Girdi’, ni be yib nga but’ u fithik’ bangi manileng ni bay gelngin nib gel ma be galgal ram’en.

Daniel 7:13

Nap’an ni gu be guy e pin’ey u malik’ay rog ni nep’, mu gguy be’ ni bod ya’an ba girdi’, nike yib e manileng i ing, ma be chugur i yib min fek i yan ngak fa’anem ni kab kakrom i yib ni immoy.

Lamentations 3:44

Nga fon bang i manilang ko dumumuw ni kay gi dubu’ag ni dabiyag ni nge bugor e meybil romad nga barba’.

Isaiah 54:9

“Nap’an Noah mu gu micheg ndab kug tharey e fayleng ko ran. Ma chiney e kug micheg ngom ndab kug damumuw ngom bayay; dab kug puwan’ ngom ara ggechig nigem.

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Tang Ko Pitang 5:15

L’agruw raba’ i ay ni duga’ ni marble u daken rifrifen ay ni gol. Feni picho’ay e bod e burey nu Lebanon nge gek’iy riy ni cedar nib mal’eg.

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

Exodus 16:10

Ma nap’an ni be non Aron ngak e girdi’ nu Israel ni gubin, miyad changar nga daken e ted ni desert miyad guy ram’en e muluplup’ rok SOMOL nike m’ug u fithik’ bangi manileng.

Revelation 18:1

Ma fa’ani mu’ e biney mu gguy yugu reb e engel ni be yib u tharmiy nga but’; ni bay mat’awun ni ba ga’ ni kan pi’ ngak, ma ram’en e gal’ daken e fayleng ni polo’.

Revelation 18:21

Ma aram me fek ba engel nib gel bmalang ni bod ga’ngin fare malang ni ba ga’ ni yima bilig e wheat ngay ngan ngongliy e flowa riy, me yin’ nga daken e day, ni be ga’ar, “Fare binaw nu Babylon nib gilbuguwan e bay ni pag nga but’ nib gel merin ni aray rogon, ma aram e dab ku ni guy bayay.

Revelation 20:1

Ma aram mu gguy ba engel ni be yib u tharmiy nga but’, ni bay e kiy ko fare abyss u pa’ nge ba chen nib n’uw nib tomal.