Revelation 1:7 - Bible Ni Thothup

⁷ Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Revelation 1:7 Referans Kwoze

Matthew 24:30

Ma aram e bayi m’ug e pow ko en ni Fak e Girdi’ u lanelang; ma aram e urngin e ganong nu fayleng ni bay ra yorgad, ma bay ra guyed e en ni Fak e Girdi’ ni be yib nga but’ u daken e manileng ni bay gelngin ma rib galgal ram’en.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Daniel 7:13

Nap’an ni gu be guy e pin’ey u malik’ay rog ni nep’, mu gguy be’ ni bod ya’an ba girdi’, nike yib e manileng i ing, ma be chugur i yib min fek i yan ngak fa’anem ni kab kakrom i yib ni immoy.

John 19:37

Ma ku bay ni kan yoloy u lan e babyor nib thothup ni ga’ar, “Bay i changar e girdi’ ngak e en ni kar kurufed.”

Mark 14:62

Me fulweg Jesus ni ga’ar, “I gag; ma gimed gubin ni bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok ni be yib u lanelang i yib nga but’ ni yow e manileng!”

Luke 21:27

Ma aram me yib i m’ug e en ni Fak e Girdi’, ni be yib nga but’ u fithik’ bangi manileng ni bay gelngin nib gel ma be galgal ram’en.

1 Thessalonika 4:17

ma gadad e pi’in kagadad ba fos ko ngiyal’ i n’em e bay ni kunuydad ngorad nga fithik’ e manileng ngad mada’gad Somol u fithik’ e nifeng. Ma aram e gubin ngiyal’ ni bay ud pired rok Somol.

1 Thessalonika 1:10

ma gimed be sonnag Fak ni nge sul u tharmiy — ni Fak ni Jesus, ni Got e faseg ko yam’, me ir e ke chuwegdad ko damumuw rok Got ni bay fini yib.

Mark 13:26

Ma aram e bayi m’ug e en ni Fak e Girdi’ ni be yib nga but’ u fithik’ e manileng ni bay gelngin nib gel ma be galgal ram’en.

Jude 1:14

I Enok e ir e man e bin medlip e mfen ngak ko girdi’ ni yib rok Adam, kab kakrom me yi’iynag murung’agrad ni gaar, “Mu sapgad! I Somol e bay yib nike un bo’or e biyu’ e engel rok nib thothup ngak,

Matthew 26:64

Me fulweg Jesus ngak ni ga’ar, “Bod rogon ni kamog. Machane nggog ngomed ni gimed gubin ni nge lungug: chiney i yan ngam’on e bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok, ni be yib u lang nga but’ ni bay u daken e manileng!”

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!

Psalms 22:16

Baraba’ i girdi’ ni yad ba kireb e kar longobiyed gag; ni bod ba ran’ i pilis, ni yad be chugur i yib ngog; yad be girengiy pa’ag nge eg.

1 John 3:2

Pi tafager rog ni gimed ba t’uf rog, chiney e gadad pifak Got, machane dawori tamilangan’dad u rogodad ni bay darod da pired. Machane ba’aray e tin gadad manang: nap’an nra yib i m’ug Kristus ma gadad ra bod ir, ya bay da guyed ir nrogon.

Psalms 97:2

Manileng nge lumor nib dub’ag e ba liyeg; be gagiyeg nib mat’aw ma ba yal’uw.

Hebrews 10:29

Ere ra yan i di’in e en ni be darifannag e en ni Fak Got ni be dag ko ngongol rok ndariyfan u wan’ e racha’ ko m’ag rok Got ni ir e machalbognag fa’anem, ni en ni ir e ke tagannag laniyan’ fare Kan Nthothup nma ayuwegdad? Mu tafinay niged feni gel e gechig ni bay tapgin ni ngan pi’ ngak!

BABYOR NI JOB 33:26

ma nap’an e ra meybil, me fulweg Got taban e meybil rok; bay i liyor ngak Got u fithik’ e felfelan’; me ayliy Got urngin ban’en u puluwon nge fel’ bayay.

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

John 19:34

Machane me rugoy bagayad fapi salthaw e sarey rok nga p’eyon Jesus, ma ka chingiyal’ nem me map’ e racha’ nge ran riy nga but’. (

Numbers 24:17

Kug guy e tin bay nga m’on e rran, ma kug guy yu Israel. Ba’ ba pilung ni bod ba t’uf ni ba ga’ ram’en ni bayi sum rorad. Rogon ba t’uf ni ba ga’ ram’en e aram rogon ni bayi yib rok yu Israel. Bayi li’ e pi’in yad ma yog e thin rok yu Moab, me thirif u but’ urngin e pi’in yad ba uf ma yad ma togopluw.

Psalms 68:1

Got e sak’iy me wereg e pi to’ogor rok. Pi’in yad be fanenikan e ra milgad ni kar waergad.

Judges 5:31

SOMOL, mange yigi yim’ urngin e pi to’ogor rom ni aram rogon, machane pi’in gab t’uf rorad e nge gal rama’erad ni bod e yal’ ni be yib ngalang! Ma aram me yib e gapas nga daken e nam ni aningeg i ragag e duw.

Revelation 22:4

Ma bay ur guyed owchen, ma bay ni yoloy fithingan nga peri’rad.

Hebrews 6:6

Nge mu’ miyad thay! Ri dabkiyag ni ngan fulwegrad ngar kolgad ngan’rad bayay miyad pi’ keru’rad ko denen, ni fan e kar sulod kar richibiyed e en ni Fak Got ko kuruth bayay kar tamra’niged nga fithik’ e girdi’.

Zekariah 12:11

Rofen nem e yira yor u Jerusalem nrib gel ni bod nni yornag Hadad Rimmon u daken fagi tafelfel’ nu Megiddo.

Matthew 16:27

Ya en ni Fak e Girdi’ e bay yib ni yad e pi engel rok ni be galgal ram’en ni bod e Chitamngin, me pi’ puluwon urngin e girdi’ nra be’ ma rogon puluwon ko tin ni rin’.

Matthew 16:28

Mu ted fanmediyan ko re bugithin ni ba’aray! Bay boch e girdi’ u roy ndab ra m’ad me yan i taw ko ngiyal’ ni bay ra guyed e en ni Fak e Girdi’ nike yib ni ir e pilung.”

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,