Revelation 1:17 - Bible Ni Thothup

¹⁷ Nap’an ni gguy mu gu aw u to’oben ay nga but’ ni gowa be’ nike yim’. Me tay e ba’ ni mat’aw i pa’ nga dakenag me ga’ar, “Dab mu rus! Yi gag fa’anem ni tabolngin nge tungun.

Revelation 1:17 Referans Kwoze

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Revelation 22:13

I gag fare Alfa nge fare Omega, ni en nsom’on nge en ntomur, ni aram e tabolngin nge tungun.”

Isaiah 41:4

I mini’ e ke gagiyegnag ke yodorom? I mini’ e turguy e n’en ni ngi i rin’ e girdi’ nu fayleng ko tabolingin i yib? I Gag SOMOL e ug moy ko tabolngin, mi Gag SOMOL e gu bay ko tungun.

Isaiah 48:12

Be ga’ar SOMOL, “Mmotoyilgad ngog gimed e girdi’ nu Israel ni gag e kug piningmed! I gag Got, ko tobolngin nge tungun, kemus ni gag e Got!

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

Ezekiel 1:28

ni gubin e ra’en ko ragim ma bay riy. Irera’ fare ra’en nib maluplup ni be dag e gin bay SOMOL riy. Nap’an ni gguy e ren’ey, mu gu thig nga but’ ni gu ba palpal. Ma aram mu gu rung’ag ba lam

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Daniel 10:15

Fa’ani yog e ren’ey, mu gu lik’ath nga but’ nda gog ban’en.

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Matthew 28:4

Me yib e tamdag nib gel ngak fapi cha’ ni yad be matnag ngu’ur t’on gad mranod ra pired ni bod rogon e girdi’ ni kem’.

Daniel 10:12

Me ga’ar ngog, “Daniel, dab mu rus. Ya Got e ke rung’ag e meybil rom ko fa rofen ni som’on ni mu duwgiliy u wun’um ni ngam sobut’nag lanin’um nge yag ni tamilangan’um. I gag e kagub ni taban e meybil rom.

Exodus 20:20

Me ga’ar Moses ngak piyu Israel, “Dab mu rusgad; ya kemus ni nge yib Got ni nge sikeng nagmed me tay madgun nga lanin’med, ya nge dab kum denengad.”

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

John 21:20

Me changar Peter nga keru’, me guy fa binem i gachalpen Jesus ni bay u keru’, ni fa’anem nib t’uf rok Jesus — ni fa’anem ni fa’ani pag ir ngari chugur ngak Jesus ko ngiyal’ ni ba’aram ni fa’anra abichgad riy me fith ngak ni ga’ar, “Somol, i mini’ e en ni bayi yag nigem?”

John 13:23

Ma bay bagayad fa picha’, ni gachalpen nrib t’uf rok Jesus, nike par nga but’ ni ir e mmigid ngak Jesus.

Habakkuk 3:16

Gu rung’ag e pin’ey ni gubin, mu gu t’on; me da’da’ dap’il’ugunag ko marus. Me m’ay yileg, me m’ing e bug u eg. Bay gu sonnag u fithik’ e gumaen’ e ngiyal’ ni bayi taw ngay me gechignag Got e pi’in kar maelgad ngomad.

Exodus 3:6

I gag fare Got rok e chitamam, ni fare Got rok Abraham nge Isak nge Jakob.” Me upunguy Moses owchen, ya ke tamdag ni nge changar ngak Got.

Matthew 14:27

Ma ka chingiyal’ nem me non Jesus ngorad ni ga’ar, “Nge pagan’med, ya gag. Dab kum tamdaggad!”

Matthew 28:5

Me ga’ar fare engel ngak fa gali ppin, “Dab mu tamdaggow, gu manang ni kam bow ni ngam guyew Jesus, ni fa’anem nrichibiy ko kuruth.

Revelation 1:4

Re babyor ney e yib rok John ni nge yan ngak fa medlip i galesiya ni bay ko nug nu Asia: I Got ni ir e bay e chiney, me ir e immoy, me ir e bay yib, nge fa medlip i kan ni bay u m’on ko gin ntagil’ Got e ngu’ur ayuweged gimed ma yad be pi’ e gapas nga lanin’med,

Psalms 139:5

Ya ka mon’eg nga longob; ga be yoror rog.

Lamentations 3:57

Ma ga fulweg lamag ngamog ngog ni dab kugrus.