Psalms 98:9 - Bible Ni Thothup

⁹ ni bochan e yib ni nge gagiyegnag e fayleng. Ir e nge gagiyegnag e girdi’ u fayleng nib mat’aw ma ba yal’uw.

Psalms 98:9 Referans Kwoze

Psalms 96:13

nap’an ni bayi yib SOMOL ni nge gagiyegnag e fayleng. Bayi gagiyegnag girdi’en e fayleng nib mat’aw rogon, ma dabi laniyan’.

Psalms 96:10

Mogned ngak urngin e nam ni nge lungumed, “I SOMOL e ir e pilung! Fayleng e kan tay nga tagil’ ndabiyag ni ngan mithmitheg; rib yal’uw rogon ni bayi pufthinnag e girdi’.”

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Acts 24:25

Machane nap’an ni ul ul Paul ngay nge weliy murung’agen rogon ni ngan par ni yi ba mat’aw, nge rogon ni ngan t’ar lanin’uy ko tin nde mat’aw, nge murung’agen e Chirofen ni ba’aram ni bayi pufthinnag Got e girdi’ riy, me yib e marus ngak Felix me ga’ar, “Mman e chiney, ma bay puf rogog bangiyal’ mu kugog nga mub.”

Isaiah 5:16

Machane SOMOL ni Gubin ma Rayag Rok e be dag feni sorok ko n’en ni be rin’ nib mat’aw, ma be gagyalnag feni thothup ko pufthin ni be tay ko girdi’ rok.

Psalms 72:2

ya nge gagiyegnag e tirom e girdi’ nib yal’uw, mi i rin’ e tin nib mat’aw ngak e pi’in gafgow.

Psalms 67:4

Manga yigi felan’ e pi nam ngar tang niged e felfelan’, ni bochan e mmat’aw rogon ni ga ma pufthinnag e girdi’, ma ga ma pow’iy urngin e nam.

Psalms 7:9

Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

Psalms 9:9

SOMOL e manaf rok e pi’in yibe gafgow nagrad, ni aram gil’ e ayuw ko ngal’an e gafgow.