Psalms 96:9 - Bible Ni Thothup

⁹ Mu siro’gad u p’eowchen fa’anem nib Thothup ko ngiyal’ nra yib i m’ug riy; fayleng ni polo’, mu t’on u p’eowchen!

Psalms 96:9 Referans Kwoze

Psalms 29:2

Ngan pining e sorok nga fithingan SOMOL nib th’abi fel’; ngan siro’ ngak en nib Thothup u nap’an nra m’ug.

Psalms 114:7

Fayleng mu durru’ ko wub ni ke tay Somol, u p’eowchen fare Got rok Jakob,

Psalms 110:3

Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.

Daniel 11:45

Ma bayi n’uf fapi tent rok ni ba ga’ ni tafen nga bangi n’en ni bay u thilin e day nge fare burey ni bay e Tempel riy. Ma bayi yim’ ndariy be’ u charen ni nge ayuweg.”

Psalms 33:8

Fayleng ni polo’, mu pired ni bay madgun SOMOL u wun’um. Gimed girdi’en urngin e nam nu fayleng, mu ngatgad ngak!

Ezekiel 7:20

Immoy bangiyal’ ni ur ufanthin gad ko churwo’ rorad ni bfel’ ya’an, machane miyad fek ngar ngongliyed e pi liyos ni sonsonogor riy. Aram fan ni SOMOL e ke gagiyegnag e fla’ab rorad ke chuwan’rad riy.

Psalms 76:11

Mu pi’ed ngak SOMOL ni Got romed e tin kam micheged ngak; gimed gubin e pi nam ni gimed ba chugur, mu feked e tow’ath romed i yib ngak. Got e ma gagiyegnag e girdi’ ngar rusgad ngak;

Ezra 7:27

Me ga’ar Ezra, “Ke magaer SOMOL ni fare Got rok pi chitamangidad ni kakrom! Ke gagiyegnag fare pilung ke m’agan’ ngay ni nge tay fan e Tempel rok SOMOL ni bay u lan yu Jerusalem ni aray rogon!

Psalms 76:7

Machane gur SOMOL, e go’ yibe rus ngom. Dariy be’ nrayag ni nge sak’iy u p’eowchem nnap’an ni gab damumuw.

2 Kronicles 29:28

Gubin e girdi’ ni immoy u rom miyad un ko liyor ngak SOMOL, ma de tal e tang nge musik nge mada’ ko ngiyal’ ni kan mu’ i urfiy fapi maligach.

2 Kronicles 29:29

Ma aram me ragbug Hezekiah nge gubin e girdi’ u rom nga but’ ngar liyorgad ngak Got.

2 Kronicles 29:30

En ni pilung nge pi’in yad ma yog e thin ko fare nam e rogned ngak e pi Levite ni ngar tang niged SOMOL ni yad be yin’ tangin e sorok ni yoloy David nge Asaf ni profet. Ma aram me tang gubin e girdi’ nri yad ba felfelan’ ni karragbuggad nga but’ ni yad be liyor ngak.

Psalms 99:1

I SOMOL e pilung, ma be t’on e girdi’. Ke par nga tagil’ nib pilung ngalang ko kerubim, me durru’ e fayleng.