Psalms 96:10 - Bible Ni Thothup

¹⁰ Mogned ngak urngin e nam ni nge lungumed, “I SOMOL e ir e pilung! Fayleng e kan tay nga tagil’ ndabiyag ni ngan mithmitheg; rib yal’uw rogon ni bayi pufthinnag e girdi’.”

Psalms 96:10 Referans Kwoze

Psalms 93:1

I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg.

Psalms 67:4

Manga yigi felan’ e pi nam ngar tang niged e felfelan’, ni bochan e mmat’aw rogon ni ga ma pufthinnag e girdi’, ma ga ma pow’iy urngin e nam.

Psalms 9:8

Be gagiyegnag e fayleng nib yal’uw rogon; ma pufthinnag e pi nam nrogon nib mat’aw.

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

Psalms 98:9

ni bochan e yib ni nge gagiyegnag e fayleng. Ir e nge gagiyegnag e girdi’ u fayleng nib mat’aw ma ba yal’uw.

Revelation 19:11

Ma aram mu gguy e tharmiy nike mab, mu gguy ba os nib wechwech, ni en nike af nga daken e Yul’yul’ nge Riyul’ fithingan; nib mat’aw rogon e gechig nma pi’, ma bmat’aw rogon e mael nma tay.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Revelation 19:6

Ma aram mu gu rung’ag laman e girdi’ ni pire’ ni pire’, ni bod feni ga’ lingan ba lul’ ni ba ga’ ni beb i map’ u taban bangi war nib tolang ngalan e yibu’, ni bod feni ga’ lingan e dirra’. Mu gu rung’ag lamrad ni be lungurad, “Ngan pining e sorok ngak Got! Yi Somol, ni ir e Got rodad ni Gubin ma Rayag Rok e ir e Pilung!

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Galatia 1:16

Nge ngiyal’ ni ba’aram ni turguy riy ni nge dag Fak ngog ni fan e nge yag ni nggu machibnag fare Thin Ni Bfel’ ni murung’agen e en ni Fak ngak e pi’in gathi yad piyu Israel, ma gathi gu wan ngak be’ nge mang ir e yog ngog e tin ni nggu rin’,

Malaki 1:14

Nge kireb wa’athan e en nra sasaliyeb nge li’ ba gamanman ni gathi rib fel’ nge pi’ ngog ni maligach, ma bay reb e gamanman ni bfel’ u fithik’ e gamanman rok nike micheg ngog ni nge pi’ ngog. Ya gag e pilung ni ga’, girdi’ nu gubin e nam e bay madgug u wun’rad.”

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Psalms 126:2

Ya u da garusgad, ma gadad be tangnag e felfelan’! Me yog yugu boch e nam murung’agdad ni lungurad, “I SOMOL e ke ayuwegrad, ma rogon nike rin’ e ka ni ngat ngay!”

Psalms 96:13

nap’an ni bayi yib SOMOL ni nge gagiyegnag e fayleng. Bayi gagiyegnag girdi’en e fayleng nib mat’aw rogon, ma dabi laniyan’.

Psalms 58:11

Bayi ga’ar e girdi’, “Pi’in nib mat’aw e rriyul’ ni kan pi pulworad; rriyul’ ni bay ba Got nma pufthinag e fayleng.”

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Psalms 18:49

Ere gu be pining e sorok ngom u fithik’ e pi nam. Ni gu be tangnag feni sorom.

Kolose 2:7

Mu ted lik’ngimed nib to’ar nga fithik’ Kristus, mu ubunged e ngongol romed nga daken ya ir e def romed, mi i gel i yan e mich romed ngak, ni bod rogon ni kan fil ngomed. Mu um pininged e magaer ngak.

Psalms 59:13

mu thang owcharad u fithik’ e damumuw rom; mu thirifrad u but’. Ma aram me nang gubin e girdi’ ni Got e be gagiyeg u lan yu Israel, ma gagiyeg ni be tay e ke garar u ga’ngin e fayleng.

Matthew 3:2

ni be ga’ar, “Mpi’ed keru’med ko denen ni gimed be rin’, ya gagiyeg nu tharmiy e ke chugur!”

Isaiah 49:8

SOMOL e be ga’ar ngak e girdi’ rok, “Ra taw ko ngiyal’ ni nggu ayuwegmed ma bay gu runguymed, mu gu fulweg lungmed ni gimed be wenig ngog ni nggu ayuwegmed. Bay gu matanagiymed mu gu yoror romed, mu dakenmed e ngu ngongliy ba m’ag riy ngak urngin e girdi’. Bay gu fulwegmed bayay ngalan e nam romed nike par e chiney ni kann’ag.

Psalms 46:6

Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Psalms 7:9

Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

Psalms 9:9

SOMOL e manaf rok e pi’in yibe gafgow nagrad, ni aram gil’ e ayuw ko ngal’an e gafgow.

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”