Psalms 93:5 - Bible Ni Thothup

⁵ SOMOL, pi motochiyel e dariy n’umngin nap’an, ma Tempel rom e rriyul’ ni ba thothup, ni manechibog ko pichibog.

Psalms 93:5 Referans Kwoze

Psalms 119:111

Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Psalms 119:129

Pin’en ni ga be machibnag e ir e ba th’abi fel’; gu be fol riy u polo’ i lanin’ug.

Psalms 29:2

Ngan pining e sorok nga fithingan SOMOL nib th’abi fel’; ngan siro’ ngak en nib Thothup u nap’an nra m’ug.

Levitikus 19:2

ni nge ga’ar ngak e girdi’ nu Israel, “Ngam pired ni gimed ba thothup, ya Gag SOMOL ni Got romed e gu ba thothup.

Psalms 119:144

Fonow rom e bayi par ni gubin ngiyal’ nib mat’aw; mu tamilang nigeg, mu gu par ni gubfos.

Psalms 119:138

Tin ni kam duwgiliy u lan e motochiyel rom ni ngan rin’ e rib yal’uw ma ba mat’aw.

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Psalms 99:9

Mu pininged e sorok ngak SOMOL ni Got rodad, mi gimed liyor ngak ko fare burey rok nib thothup! I SOMOL ni Got rodad e ba thothup.

Psalms 99:5

Ke sorok SOMOL ni Got rodad; mu siro’gad u puluwon tagil’ nib pilung! Ir e ba thothup!

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Levitikus 10:3

Me ga’ar Moses ngak Aron, “Irera’ e n’en ni yog SOMOL murung’agen ni fa’an ni ga’ar, ‘Gubin e pi tapigpig rog e thingar ra tedfag nga fenag thothup, ma bay gu dag feni gilbugwag ko girdi’ rog.’” Me par Aron nde non.

John 4:24

Ya Got e Kan, ma pi’in ni ngar meybilgad ngak e thingar ra meybilgad ngak u daken e ayuw ko Kan ni Thothup ngu fithik’ e yul’yul’.”

Isaiah 52:11

Gimed urngin e pi’in gimed be fek mam’en e Tempel, mu chuwgad u Babylon ni ka chingiyal’ ney! Dab mmathgad nga ban’en nike yog e motochiyel ndab mmathgad ngay; mu ted gimed ni gimed ba thothup mi gimed chuw u lan e re binaw nir.

Exodus 28:36

“Mu ngongliy bochi madeliya ko gol ni go’ gol min ker e yu bug i thin ni ba’aray nga daken, ‘Kan ognag ngak SOMOL.’

2 Kronicles 29:5

me non ngorad u rom. I ga’ar ngorad, “Gimed e pi Levite e ngam be’ech niged gimed nrogon ko motochiyel miki gimed be’echnag fare Tempel rok SOMOL ni Got rok e pi chitamngimed. Mu chuweged u lan fare Tempel urngin e tin be alit nag.

Ezekiel 43:12

Irera’ yalen fare Tempel: Gubin yang nib liyeg charen u daken p’ebgul fare burey e ba tabgul mab thothup.”