Psalms 91:1 - Bible Ni Thothup

¹ En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Psalms 91:1 Referans Kwoze

Psalms 32:7

I gur e gu ma mith nga fom; bay mu chuwegneg u fithik’ e oloboch. Gu be tangnag ni ba ga’ lamag rogon ni ga ma ayuwegney, ni bochan e gur e ka mu yororiyeg.

Psalms 27:5

Ra taw e oloboch ngog ma ir e manaf rog; me teg u lan e Tempel rok ni dabi buch ban’en rog, me teg nga daken ba war nib tolang ko gin ndariy ban’en nra buch rog riy.

Psalms 36:7

A Got, rib th’ab feni fel’ e t’ufeg rom ni dabimus! Gamad be naf e girdi’ nga tan e taglul’ u pom.

Psalms 17:8

Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

Psalms 31:20

Ga ma mithagrad u p’eowchem ndariy ban’en nra buch rorad rok e pi makath ko girdi’; kam mithagrad nga tan ba manaf ndabi buch ban’en rorad ko pi yaba’ ni be tay e pi to’ogor rorad.

Isaiah 25:4

Pi’in gafgow nge pi’in dariy ban’en nrayag rorad e ra milgad ngom made buch ban’en rorad ko ngiyal’ e gafgow. Gur e ga ma pi’ e gin ngar gifgad ngay ko yoko’ nge taglul’ ni nge aywegrad u nifiyen e gowal. Pi to’ogor nib kireb e yad ma cham ni bod e yoko’ u nap’an e ayis.

Psalms 121:5

I SOMOL e bay i matanagiyem; bay u to’obem ni nge ayuwegnem

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Psalms 90:1

Somol, gubin ngiyal’ ni gur e tabnaw ngomad.

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

Lamentations 4:20

Ra koled p’ebugul e yafos romad, fare pilung ni SOMOL e duwgiliy, ni aram e cha’ ni pagan’ romad ni ra lagmad u pa’ gubin e to’ogor.

Psalms 52:8

Me gag e gu bod bake gek’iy ni olive ni galunglung u lane naun rok Got; Ke pagan’ug ko t’ufeg rok ni dabi mus ni manechibog ko pi chibog.

Psalms 25:13

Ma gubin ngiyal’ ni yad ra par ni bfel’ rogorad, ma pifakrad e bay ra tafned e nam.

Tang Ko Pitang 2:3

Bod rogon bake arfath u fithik’ e gek’iy u loway, aram rogon e an gamow ni yira ta’rebnag ko pi pumo’on. Adagen an’ug ni ngu par nga taglul’en, ma wom’ngin e ba athibthib u langag.

Ezekiel 11:16

“Mog e chiney ngak pichongim ni yad ba kalbus e n’en ni gu be yog, I gag e gu pi’rad ko pi nam u palog mu gu weregrad ngalan boch e nam. Ma chiney i yan ngaram e bay ug par rorad ko yungi n’en ni karanod ngay.

Isaiah 8:14

Bochan e ri gu ba thothup ma aram fan ni gu bod ba malang ni nge tun ay e girdi’ ngay; gu bod ba wup ni bayi aw e girdi’ nu Judah ngu Israel ngay nge girdi’ nu Jerusalem.

Judges 9:15

Me fulweg fa chi ke gek’iy ni bay rachangalen ni ga’ar, ‘Fa’anra ri gimed ba’adag ni ngam ted gag ni pilung romed, me ere mbad ngam pired nga tan yuwag nggu mang tagalul’ ngomed. Ma ra dangay, ma ra yib e nifiy u papa’ngig ni makankan nge urfiy fa yu ke cedar ni bay u Lebanon.”