Psalms 9:6 - Bible Ni Thothup

⁶ Ke math owchen e pi to’ogor rodad ni dariy n’umngin nap’an; ma kam gathay e pi binaw rorad’; dakriy bingyal’ ni ku yad ra yib ngan’uy.

Psalms 9:6 Referans Kwoze

Mikah 7:8

Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Revelation 20:2

Me kol fare dragon, ni ir fare porchoyog nike kakrom, ni aram fare Mo’onyan’, ara Satan, me m’ag nge tay ni aram rogon nib biyu’ e duw.

1 Korinth 15:26

Ma bin th’abi tomur e to’ogor ni nge gel ngak e yam’.

Mikah 7:10

Ma aram e bayi guy e pi to’ogor e ren’ey miyad tamra’, ni fapi to’ogor rodad ni ur moning gad ngodad ni be lungurad, “Bu uw fa’anem i SOMOL ni Got romed?” Bay da guyedrad ni kar waergad, ma yibe yot’rad nga but’ ni yad bod e rungdu’ u lan e kanawo’.

Jeremiah 51:25

Gimed yu Babylon e kam boded bburey ni be kirebnag ga’ngin e fayleng, machane I Gag SOMOL e to’ogor romed. Bay gu malle’ ngomed, nggu ta’reb foyen nagmed ko but’, mu gu pagmed u fithik’ e awat.

Isaiah 37:26

“Amog, dawor mu rung’ag ni gag e gu tanomnag gubin e pin’ey ni kab kakrom? Ma gag e gu gagiyegnag ni nge yodro’ e chiney. I gag e gu pi’ gelngim ni ngam gathay e pi binaw ni kan yororiy ni fan ko mael.

Isaiah 14:17

Irera’ fare mo’on ni gathay e pi binaw me pilyeg e fayleng nge ngal’ ni bang i ted ni desert? Ireray fare mo’on ni dariy bangiyal’ ni pag e pi kalbus rok ngranod nga taferad?”

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Psalms 34:16

machane ma togopluw ngak e pi’in yad be rin’ e kireb, ma nap’an ni yad ra yim’, mi ni pag talinrad.

Psalms 8:2

sorok ni be pining e pi bitir nge pi madway ngom. Ir e mu maruwel ngay nge mang yoror rom ko pi to’ogor rom, ma ir e nge taleg e pi to’ogor rom nge pi’in ke sap lanin’rad ngom.

Psalms 7:5

me’ere mu pag e pi to’ogor rog ngar tulufed gag ngar koled gag, mu pagrad ngar th’ebed gag nga but’ ngum’ ngan digeyeg u but’ ni dakriy e pogofan rog!

2 Kings 19:25

“Dawor mu rung’ag ni gag e kem’ay i leamnag rog urngin e pin’ey ni kab kakrom? Ma ke chiney ma kug rin’ ni bod ni gu leamnag. I gag e gu pi’ gelngim ni ngam kirebnag e pi binaw ni kani yororiy ni fan ko mael nge par ni dakriy wotan u but’.

1 Samuel 31:7

Nap’an ni guy piyu Israel ni yad bay u ba’nem e loway u Jezreel ko ngek ko lul’ ni Jordan nike mil e salthaw nu Israel ma kan li’ Saul nge fapi pumo’on ni pifak, miyad n’ag e pi binaw rorad ngar milgad. Ma aram me yib e pi Filistine ngarbad ra pired ngalan fapi binaw.

1 Samuel 30:1

Me yan l’agruw e rran me taw David nge salthaw rok nga Ziklag. Ma pi Amalekite e karbad ra maelgad nga ley ni yimuch yu Judah ma kar chamgad nga Ziklag. Kar urfiyed fare binaw nga but’

Exodus 15:16

Marus nge magar e mul nga dakenrad; bochan feni gel gelngin pa’am miyad duwgil u luwrad ni gowa ba malang, nge mada’ ko ngiyal’ nike yib e girdi’ rom kar thumurgad a SOMOL, ni fapi girdi’ ni kam pithigrad ko sib ni ur ted.

BABYOR NI JOB 18:17

Ke math murung’agen u gubin yang; ma dakuriy be’ ni ku ra yib ngan’.

Psalms 34:17

Ra non e pi’in nib mat’aw ngak SOMOL me motoyil; me lagrad u fithik’ urngin e oloboch rorad.

Isaiah 26:14

Chiney e karm’ad ma dab kur fosgad bayay; ya’al rorad e dab ku ra fosgad bayay, ni fan e gur e ka mu gechig nagrad ka mu thangrad. Dariy be’ ni ku yad ra yib ngan’ bi’id.