Psalms 89:48 - Bible Ni Thothup

⁴⁸ I mini’ e ra par ndabi yim’? Uw rogon ni nge ayuweg e girdi’ ir ni nge dabki yan nga low?

Psalms 89:48 Referans Kwoze

Psalms 49:15

Machane Got e ra ayuwegneg; bayi chuwegeg u gelngin e yam’.

Hebrews 11:5

Michan’ rok Enok ngak Got e ir e tay Enok nde yim’. Ma aram min fek ngalang ngak Got, ndakuriy be’ ni ki pir’eg, ni fan e Got e ke fek ngalang. Be yog e babyor nib thothup nu m’on riy ndawor ni fek ngalang ma bfel’ Enok u wan’ Got.

Eklesiastes 12:7

Dowef rodad e bayi sul ko but’, ma lanin’dad ni Got e pi’ ngodad e bayi sul ngak.

Eklesiastes 9:5

Arrogon, pi’in bfos e yad manang ni bay ram’ad, machane pi’in nib yam’ e dariy ban’en ni yad manang. Yad e dakriy e tow’ath rorad; ya kanpag talinrad.

John 8:51

Nggog e tin riyul’ ngomed: en nra fol ko thin ni pi’ Got ngog ni ir e gu be yog ngomed e dabki yim’ bi’id.”

Eklesiastes 8:8

Dariy be’ nrayag ni nge siyeg e yam’ u puluwon ara yin’ yaran e rofen ni nge yim’. Ireram ba mael ndabyag ni ngad thaygad riy; dariy liben magad liyeg riy.

BABYOR NI JOB 30:23

Gu manang ni ga be fekeg i yan ko yam’, ko gin gubin e girdi’ nra yan ngay.

Acts 2:27

ya dabiyag ni ngam nigeg nggu par u tafen e yam’; ya dabiyag ni ga ra pag e tapigpig rom nib yul’yul’ nge mel.

Psalms 22:29

Urngin e girdi’ nib tolangan’rad e yad ra siro’ ngak, ma gubin e pi’in yad ra yim’ ni bay ra siro’gad u p’eowchen,

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

2 Korinth 4:14

Ya gamad manang ni Got ni ir e faseg Somol Jesus ko yam’, e ku ra fasegdad ko yam’ ni bod Jesus, me chagiydad nga ta’bang u p’eowchen.

Psalms 39:6

ni bod fon ban’en ni pel u owchey. Gubin e n’en ni yima rin’ ma dariyfan; gadad be kunuy e machaf, machane dad nanged ko mini’ e ra fla’ab riy.

Psalms 119:84

Uw n’umngin nap’an ni thingar kug son? Mingyal’ e bay mu gechignag e pi’in yad be gafgow nigeg?