Psalms 89:35 - Bible Ni Thothup

³⁵ “Ri ta’ab yay ni kug micheg nga fithingag nib thothup ma bay i par riy ni aram rogon, ya ri dab gu lifith l’ugunag ngak David bi’id!

Psalms 89:35 Referans Kwoze

Psalms 132:11

Ri mmicheg bbugithin ngak David, ma dab mu thiliyeg, ya lungum: “Bay gu gagiyegnag reb i pifakam nge mang pilung, me ir e bayi gagiyeg u tomrem.

Hebrews 6:13

Fa’ani yog Got ngak Abraham e tin ni bayi pi’ ngak, me micheg ngak Abraham nra rin’ e tin keyog ni nge rin’. Ma dariy be’ ni kabay ngabang nib tolang ngak, me mang fithingan e ir e mow nge micheg ngay ko ngiyal’ ni yog e tin nra rin’.

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

Hebrews 6:17

Ba’adag Got ni nge tamilangnag e pi’in ni nge yag ngorad e tin keyog nra pi’ ngorad ni dabi thiliyeg e tin ke turguy; ma aram fan ni mow nibe micheg nga fithingan e tin keyog ni ra rin’.

Amos 4:2

Rogon nib thothup SOMOL ni Th’abi Tolang e ke micheg nike ga’ar, “Bay boch e rran ni bay yib ni bay ni the’ e lam ngomed ngu’un girngiymed ni gimed gubin; nra bigimed ma bayi bod ba nig u taban e lam.

Psalms 110:4

I SOMOL e kari micheg e re bugithin ni ba’aray, ma dabi thiliyeg. Ke ga’ar, “Bay mmang ba prist ndariy n’umngin nap’an, ni bod rogon Melkizedek ni prist.”

Amos 8:7

I SOMOL ni Got rok piyu Israel e ke micheg nike ga’ar, “Ri dab gu pag talin e pi ngongol rorad nib kireb.

2 Thessalonika 2:13

Pi walagmad ni girdi’en Kristus, thingar gu pininged e magaer ngak Got ni gubin ngiyal’ ni bochmed, ni gimed e pi cha’nir ni gimed ba t’uf rok Somol. Ya Got e mel’egmed ni gimed e som’on ni ngam thapgad ngak Got u gelngin fare Kan ni Thothup ngu daken e michan’ romed ko tin nib riyul’, me ngongliymed ngam manged girdi’en nib thothup.

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.