Psalms 89:27 - Bible Ni Thothup

²⁷ Bay gu tay ni ir e bin nganni’ i fakag, me ir e th’abi ga’ u fithik’ urngin e pilung.

Psalms 89:27 Referans Kwoze

Kolose 1:18

I Kristus e llug u downgin, ni aram girdi’en e galesiya; ni ir e be tay e re dowef nem nib fos; ir e bin ni m’on i Fak Got ni Got e faseg ko yam’ ndabki yim’, ni bochan e kemus ni ir e nge par nib m’on u gubin ban’en.

Kolose 1:15

Kristus e ta’reb rogon ya’an ngak Got, ni Got ndanir guy. I ir e bin ni m’on i Fak, ni ir e ba tolang ngak urngin ban’en ni sunumiy Got.

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”

Psalms 2:7

Me ga’ar fare pilung, “Nggu weliy ngan nang e tin keyog SOMOL. Ke ga’ar SOMOL ngog, ‘I gur fakag, daba’ e kug mang chitamam.

Roma 8:29

Pi’in ke mu’ i mel’egrad rok Got e ku errogon nike falrad ngabang ni ngar boded e cha’ ni Fak, ya nge par ni en ni Fak e ir e ba ilal u fithik’ e pi walag nem ni yad bpire’.

Psalms 72:11

Urngin e pilung e bay ur siro’gad ngak; urngin e pi nam ni bay ur pigpiggad ngak!

Numbers 24:7

Pire’ e n’uw nra aw ko nam rorad, miyad yung awochngin e woldug rorad ko milay’ nike aw e n’uw ngay. Pilung rorad e ra ga’ buguwan ngak Agag, ma gagiyeg ni ngi i tay e bay i ga’ i yan.

Isaiah 49:7

Got rok yu Israel nib thothup ni ir e ke biyuliyrad e be ga’ar ngak fa’anem nri yibe darifannag, ma be fanenikay e pi nam daken, me ir e tapigpig rok e pi pilung: “Pi pilung e bay ra guyed gur ndakuriy be’ ni ga bay u tan pa’ miyad yib ngar ted fam; ku er rogon e pi’in yad ma gagiyeg ni bay ra guyed miyad paraw nga but’ ngar ted fam.” Bayi yodoro’ ya SOMOL e ke mel’eg fare tapigpig rok; ma Got rok yu Israel nib thothup e ma tay e thin rok u gil’.

Exodus 4:22

Ma aram e thingar mog ngak ni Gag, fare SOMOL, e gu be ga’ar, ‘Israel e bin nganni’ i fakag ni pumo’on.

Revelation 21:24

Ma girdi’ ko pi nam nu fayleng e bay uranod u tarama’en, ma pi pilung nu fayleng e bay ra feked e fel’ rogon rorad i yib ngalan.

2 Kronicles 1:12

Bay gu pi’ e gonop nge tamilangan’ ngom. Ma bay kug puthuy ngay e fla’ab, nge tin ba tolang pulwon, me gil bugwam ndariy reb e tin kakrom e pilung nge tin chiney i yan ngaram nra ta’reb rogon ngom.”

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

2 Samuel 7:14

Bay gu par ni gag e chitamngin, me par ni ir fakag. Ra ngongliy e kireb, mu gu gechignag ni bod ba matam ni gechignag be’ nib mo’on ni fak.

2 Samuel 22:47

I SOMOL e be par nib fos! Nga ni pining e sorok ngak e en ni be yoror rog! Got e be’ nib gel ni be ayuweg e pogofan rog! Nga ni weliy ngak e girdi’ feni sorok!

Psalms 71:3

Gur e ngam mang manaf rog nib gel nge ba yoror nib gel nma yororiyeg; gur e war rog ma gur e ga ma n’ufegeg.