Psalms 89:24 - Bible Ni Thothup

²⁴ Bay gu t’ufeg mu gu yul’yul’ ngak; bay gu tay ngi i gel ni gubin ngiyal’.

Psalms 89:24 Referans Kwoze

2 Korinth 1:20

ya ir e aram e “Kefel’ ” rok Got ngak urngin ban’en ni yog Got ni bay rin’ ngak e girdi’. Ireray fan nu daken Jesus Kristus e ka dogned e “Amen” rodad riy, ni aram e gadad be tayfan Got.

Psalms 91:14

Be ga’ar Got, “Bay gu ayuweg e pi’in gub t’uf rorad, mu gu yoror rok e pi’in yad manangeg.

John 17:11

Ere chiney e bay gub ngom; ni aram e kug chuw u fayleng, machane yad e ka yad bay u fayleng. Chitamag ni gab thothup! Mu yororiyrad nga gelngin fithingam, ni fare ngachal ni kam tunguy ngog, nge yag nra pired ni kar ta’rebgad ni bod rogon gur nge gag ni gadow ba ta’reb.

John 17:6

“Kug weliy murung’agem ngak e pi’in kam pi’rad ngog u fayleng ni yad e ur pired nib mil farad ngom, me gur e kam pi’rad ngog. Ma kar folgad ko thin rom,

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

Psalms 89:33

Machane David e bay i par nib t’uf rog, dariy bangiyal’ ni gu ra pag e tin ku gu micheg ngak.

Psalms 89:28

Gubin ngiyal’ ni bay gu tay u gil’ e n’en kug micheg ngak, ma m’ag ni kug ngongliy u thilmow e bayi par ni dariy n’umngin nap’an.

Psalms 20:5

Ma aram e bay da garus niged e felfelan’ ni fan e gel ni kam tay ma gadad madnomnag ni kam gel ni gadad be pining e sorok ngak Got. Mang e yigi fulweg SOMOL taban gubin e tin ga ma ning.

Psalms 20:1

Mang e yigi fulweg SOMOL lungum ko ngiyal’ nike yib e oloboch ngom! Mang e yigi yororiyem e Got rok Jakob!

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.

Psalms 61:7

A Got, mang e yigi gagiyeg u p’eowchem ndariy n’umngin nap’an, mu yororiy ko fare t’ufeg rom ni dabimus nge fenam yul’yul’.

John 17:26

Kug weliy murung’agem ngorad kar nanged gur, ma bay kug rin’ i yan ni aray rogon, ni bochan e rogon ni gub t’uf rom e ngki yag ngorad, me yag ni gu par u fithik’rad.”

Deuteronomy 33:7

Me yog murung’agen e ganong rok Judah ni ga’ar: “SOMOL, mu telim ngorad ni yad be wenig ngom ni ngam ayuwegrad, mu fulwegrad bayay ko pi ganong nu Israel. SOMOL, mu cham ni pa’rad, ma ga ayuwegrad u pa’ e pi to’ogor rorad.”