Psalms 86:9 - Bible Ni Thothup

⁹ Gubin e nam ni kam sunmeg e bay rabad ngar siro’gad ngom, miyad pining e sorok nga fanam gil.

Psalms 86:9 Referans Kwoze

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Isaiah 66:23

Gubin e Madnom ko M’ug e Pul nge gubin e Sabbath e ra yib e girdi’ u gubin e nam ni ngar liyorgad ngog u roy u lan yu Jerusalem,” I SOMOL e be non.

Psalms 66:4

Urngin e girdi’ nu fayleng ni yad be liyor ngom; yad be yon’ tangin e sorok ngom, yad be tangnag e sorok nga fithngam.”

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Psalms 102:15

Bayi rus e pi nam ngak SOMOL; gubin e pilung nu fayleng e bay rrusgad nga gelngin.

Isaiah 43:7

Yad e girdi’ rog, ma gu sunumiyrad ni ngar ted fag.”

Roma 15:9

ma ku bochan e ngki yag ni pining e pi’in gathi yad piyu Israel e magaer ngak Got ko runguy rok ngorad; ni bod ni be yog e babyor nib thothup ni be ga’ar: “Aram fan ni bay gu pining e magaer ngom u fithik’ e pi’in gathi yad piyu Israel, bay ug tang ni gu be yog e sorok nga fithingam.”

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Zekariah 14:9

Ma aram e bayi mang SOMOL e pilung u fayleng ni ga’ngin; gubin e girdi’ e bay ra liyor gad ngak ni ir Got miyad nang ni ku ireram fithingan.

Isaiah 59:19

Fanangmus ko ngak nge mada’ ko ngal ni gubin e girdi’ riy ni bayi rus ngak nga feni gel gelngin. Bay yib ni bod ba lul’ ni be gireng e ran riy, ma bod bang i nifeng nib almarin.

Isaiah 11:9

Zion, burey nib thothup rok Got e ra par ndariy e kireb riy ara ban’en nra maad’ad ngak be’. Ma girdi’ ko nam e ri bayi tamilangan’rad u murung’agen SOMOL ni bod rogon lan e yungi day nib sug ko day.

Psalms 102:18

Mu yoloyed nga but’ nge nang e bin bayib e mfen e n’en ke rin’ SOMOL, ya nge tin e girdi’ ni dawor ni gargalegrad e chiney ma bay ra pining e sorok ngak.

Psalms 72:19

Fithingan nib gilbuguwan e ngu’un pining e sorok ngay ndariy n’umngin nap’an! Maluplup rok e mang e yigi suguy e fayleng. Amen! Amen!

Psalms 67:7

Got e ke fal’eg waathdad; mang e yigi liyor gubin e girdi’ u gubin yang ngak.

Revelation 20:3

Me yin’ fare engel fare mo’onyan’ ngalan fare abyss, me loknag nge mu’ me pag e hang nga daken ni bochan e nge dabkiyag ni nge bannag girdi’en e pi nam nge yan i mada’ ko ngiyal’ nike m’ay fare biyu’ i duw. Ma tomuren e re biyu’ i duw nem e bay kun pag riy nib ngoch nap’an.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Efesus 1:12

Ere gadad e pi’in gadad e som’on nike l’agan’dad ngak Kristus, e ngada pininged e sorok ngak Got nga feni malup’lup’!

Psalms 72:8

Gagiyeg rok e yan u bang e day nga bang e day, me tabab ko lul’ ni Eufrates nge yan i taw nga tungun e fayleng.

2 Kronicles 6:33

ma ga motoyil ko meybil rorad. U tharmiy ko gin ga ma par riy, e ngam motoyil riy ngorad ma ga pi’ ngorad e n’en ni yad be ning ngom’, ya nge yag ni nangem urngin e girdi’ nu fayleng ngar folgad rom, ni bod rogon ni be rin’ e girdi’ rom nu Israel. Ma aram e yad ra nang nre Tempel ney ni ku gu toy e irera’ e gin ngu’un liyor ngom riy.

Zefaniah 3:9

“Ma aram e bay gu pingeg girdi’en e pi nam, ni kemus ni go’ gag e bay ur meybilgad ngog ma dakriy yug reb e got ngabang ni yad ra meybil ngay. Yad gubin ni bay urfol gad rog.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!