Psalms 84:9 - Bible Ni Thothup

⁹ A Got, mu ayuweg e pilung romad, ni fare pilung ni gur e mturguy ni nge pilung!

Psalms 84:9 Referans Kwoze

Psalms 2:2

Pi pilung rorad e kar togopluwgad, ma pi’in yad be gagiyeg nagrad e kar mu’ulunggad yad be makath nib togopluw ngak SOMOL nge fare pilung ni Got e mel’eg.

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Psalms 132:17

U roy e bay gu gagiyegnag reb i owchen David riy nge mang reb e pilung ni ba ga’; u roy e bay gu tay riy nge par nib mudugil e gagiyeg ni nge tay e en ni kug turguy ni nge mang pilung.

Psalms 98:1

Nga nin’ ba tang nib be’ech ngak SOMOL; ya tin ke rin’ e rib th’abi fel’! Ba’ ni mat’aw i pa nge pa’ nib thothup e ke gelnag.

Psalms 89:20

Ku gu pilungnag David ni tapigpig rog ku gu gapgepnag ko gapgep ni thothup.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Psalms 59:11

Got, dab mu li’rad, ya ri pag e girdi’ rog talin. Mu weregrad u gelngim ma ga waer nagrad, A Somol, ni tayoror romad.

Psalms 3:3

Machane gur SOMOL, e rungrung rog ko riya’ ni gubin ngiyal’; ga ma gel nigeg ma ga ma fulweg e athamgil nga lanin’ug.

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

2 Kronicles 6:42

SOMOL ni Got, dab mu faluwosnag e re pilung ni gur e mmel’eg. Mu tay u lanin’um rogon feni ba t’uf rom i David ni tapigpig rom.”

2 Samuel 23:1

I David nib mo’on ni fak Jesse e ireram fare mo’on ni Got e gagiyegnag nge yan i par nib gilbuguwan, ma fare Got rok Jakob e ir e turguy David ni nge mang pilung, me ir e i tunguy fapi tang rok piyu Israel. Ba’aray e tin tomur e thin ni yog David ni ga’ar:

1 Samuel 16:6

Fa’anra tawgad, me guy Samuel Eliab ni ba pagel ni fak Jesse me ga’ar u wan’, “Re mo’on ney nib sak’iy u roy u p’eowchen SOMOL e mmudugil ni irera’ e cha’ nike duwgiliy.”

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”

Deuteronomy 33:29

Israel, rib fel’ wa’atham! Dariy be’ ni bod gur, ni ba nam ni SOMOL e ke ayuweg. I SOMOL e ir e shield rom me ir e saydon rom, ni nge ayuwegnem rok e to’ogor rom me gagiyeg nigem ngam gel ngorad. Pi to’ogor rom e bay ra bad ni yad be wenig ngom ni ngam runguyrad, ma bay mu yot’yot’rad nga but’.

Psalms 17:1

A SOMOL, mmotoyil ko wenig rog ni gu be ning e tin nib mat’aw; mu telim ngog ko man’ ayuw ni gu be tay! Motoyil ko meybil rog nri gub yul’yul’ ngay.