Psalms 80:9 - Bible Ni Thothup

⁹ Kam tamilangnag mit ni nge tugul; ke yan lik’ngin nib to’ar’, ke fana’ daken e fare nam.

Psalms 80:9 Referans Kwoze

Joshua 24:12

Mu gu gagiyegnag ngar rusgad u nap’an ni gimed be yan i yan nga m’on ni bochan e nge mil fa gal pilung ko pi Amorite ngar chuwgow ko nam rorow. Saydon romed nge gat’ing romed e gathi ir e gagiyegnag nge yodrom.

Isaiah 27:6

Lan e pi rran nem ni bayib e girdi’ nu Israel, ni owchen Jakob e bayib lik’ingirad ni bod ba ke gek’iy, nge puf e floras riy nge yib wom’ngin. Fayleng e ra sug daken u wom’ngin ni be k’uf.

Jeremiah 12:2

Mu yungrad, me yib liknginrad; miyad tugul nge yib wom’ngirad. Gubin ngiyal’ ma yad ma yognem nga fel’, ma dam t’uf u lanin’rad.

Isaiah 37:31

Pi’in nu Judah nra fosgad e bay ra dammalgad ni bod e gek’iy ni kan yung nra pi’ likngin nga’ar me yib wom’ngin.

Psalms 105:44

Me pi’ boch e nam ngar tafned, ni tafen yugu boch e girdi’, me gagiyeg nagrad ngar fi’iyed e woldug rorad,

1 Kronicles 21:5

Me yib i yog ngak David ni Pilung urngin u gubin e pumo’on nrayag ni ngar uned ko salthaw: 1,100,000 u lan yu Israel ma 470,000 u lan yu Judah.

1 Kings 4:25

Ma n’umngin nap’an ni i par nib fos, ma girdi’ u ga’ngin yang u lan yu Judah ngu Israel e ra pired nde buch ban’en rorad, ra reb e tabnaw ma bay e grape nge gek’iy ni fig ni fi’in.

1 Kings 4:20

Girdi’ nu Judah ngu Israel e yad ba yo’or ni bod urngin e yan’ nu dep’el’ay; ur abichgad ma yad be garbad, mu ur pired ni yad bfelfelan’.

2 Samuel 7:10

Bay gu duwgiliy bang ni nge par piyu Israel ni girdi’ rog riy, mu gu tayrad ngu’ur pired riy ndakuriy be’ nra pigi cham ngorad. Nap’an nrabad ngalan e re nam ney ma be yib e girdi’ ni kireb i cham ngorad, machane biney e pa’ e bayi tal. Bay gu yororiyem rok urngin e pi to’ogor rom, mug gagiyegnag nge yib e pi’in owchem.

Psalms 44:3

Pi girdi’ rom e dar gelgad ko fare nam ni bochan e saydon rorad; ma ku gathi gelngirad e ra gelgad riy; ya ra gelgad u daken gelngim nge fenam gel, ya ga bay rorad, ni aram e be dag ni yad ba t’uf rom.

Isaiah 5:2

I gi’ e but’ riy nge chuweg e malang u fithik’; me yung e tin th’abi fel’ e woldug ni grape ngay. Me toy ba tafen e damit riy ni fan e ngu’un matanagiy, me ker ba low ni aram tagil’ wom’ngin e grape rok ni ngu’un udiy riy. I sonnag wom’ngin e grape ni nge lol, machane gubin fapi grape ma ba mugnin.

Isaiah 27:2

Rofen nem e bayi yog SOMOL fare milay’ rok ni grape nib felan’ ngay ni nge ga’ar,

Jeremiah 2:21

Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.