Psalms 8:3 - Bible Ni Thothup

³ Fa’an gu ra yaliy lanelang ni gur e kam sunumiy, nge pul nge pi t’uf riy, ni gur e mu ayliyrad nga tagil’rad,

Psalms 8:3 Referans Kwoze

Genesis 1:1

Aram ko tabolngin ni tabab Got i sunmiy e fayleng nge urngin ban’en ni bay u lanelang,

Psalms 33:6

I SOMOL e non me sum e pi tharmiy, I non me sum e yal’ nge pul nge pi t’uf.

Psalms 111:2

Rib th’ab feni fel’ e tin ma rin’ SOMOL! Gubin e pi’in kar felfelan’gad ngay e yad ba’ adag ni ngar nanged fan.

Psalms 104:19

Mu sunumeg e pul ni nge turguy e yu pul; ma yal’ e manang e ngiyal’ ni nge ling.

Psalms 89:11

Fayleng e mmil suwon ngom, ma ku er rogon e tharmiy; gur e mu sunumiy e fayleng nge urngin ban’en ni bay riy;

Roma 1:20

Ka nap’an ni sunumiy Got e fayleng, ma fel’ngin ndabiyag ni ngan guy, ni aram gelngin ni dabi m’ay bi’id nge rarogon ni ir Got, e kan guy nrib tamilang. Girdi’ e rayag ni nge nang fan e pin’ey u fithik’ e pin’en ni kem’ay i sunumeg rok Got. Ere dakuriy e tawey rorad ngabang!

Luke 11:20

Gelngin Got e gu be tuluf e pi mo’onyan’ ngay, ni aram e ir e be micheg ni gagiyeg rok Got e ke taw ngomed.

Exodus 8:19

Me ga’ar fapi tapig ngak fare pilung, “Pi lal ney e ngongol rok Got.” Machane me gelnag fare pilung laniyan’, nde fol ko thin rok Moses nge Aron, ni bod rogon ni yog SOMOL.

BABYOR NI JOB 22:12

Gathi ma par Got ko thal nth’abi tolang e tharmiy ngi i changar nga daken e pi t’uf nga but’, ni yug aram farad tolang?

Deuteronomy 4:19

Gimed ra sap ngalang ni mu guyed e pin’en nib sug riy, ni aram e yal’ nge pul nge t’uf, ma ngam guyed rogon nge dab mu ted fan ara mu meybilgad ngay. Ya SOMOL ni Got romed e ke pi’ e tiney ngak yugu boch e nam u gubin yang yad be tayfan,

Exodus 31:18

Fa’ani mu’ SOMOL ko welthin ngak Moses u daken e burey ni Sinai, me pi’ ngak fa gal yang i malang ni fa’an ni yoloy Got fapi motochiyel nga daken.

Psalms 148:3

Yal’ nge pul, mu piningew e sorok ngak; gimed e pi t’uf ni be gal rama’med, mpininged e sorok ngak!

Psalms 19:1

Lan e lang e rib gagiyel ni be gilnag buguwan Got! Be m’ug riy e n’en ke rin’!

BABYOR NI JOB 25:5

U owchen e mus ko pul ma de ga’ ra’en riy ma pi t’uf e de matabgol ra’en u owchen.

BABYOR NI JOB 25:3

Gur rayag ni the’eg be’ e pi engel ni yad be pigpig ngak? Gur bay bang ni der taw ra’en Got ngay?

BABYOR NI JOB 36:24

Gubin ngiyal ni yibe pining e sorok ngak ko n’en nma rin’; ma ku arrogon gur ni thingar mu pining e sorok ngak.