Psalms 75:1 - Bible Ni Thothup

¹ A Got, gamad be pining e magaer ngom, gamad be og e magaer ngom! Gamad be weliy i yan feni sorom ma gamad be yog e pi maang’ang ni kam rin’.

Psalms 75:1 Referans Kwoze

Psalms 145:18

Ma ba chugur ngak urngin e pi’in yad ma non ngak, ni yad be non ngak u fithik’ e yul’yul’.

Psalms 138:2

Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Psalms 76:1

Got e go’ yim nang u Judah; ma yima mathangeluwolnag fithngan u Israel.

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

Deuteronomy 4:7

“Dariy reb e nam ngabang, ndemturug feni sorok nma chichir e birok e kan ngak ni bod rogon SOMOL ni Got rodad nma chichir ngodad ko ngiyal’ ni gadad ra wenig ngak ni nge ayuwegdad.

Exodus 23:21

Mmotoyilgad ngak mi gimed fol rok. Dab mu togopluwgad ngak, ya dabi kadan’ romed; ma be un ngomed ni aram gag.

Psalms 44:1

A Got, ku gu rung’aged nga telmad, pi chitamangimad kakrom e kar weliyed ngomad murung’agen, feni sorom ko pin’en ni um rin’ u nap’rad, ko fapi rran ni kakrom:

Psalms 58:1

Gimed e pi tagagiyeg, kay gu mu turguyed ban’en nib mat’aw? Ba mat’aw rogon ni gimed be pithig e oloboch rok e girdi’?

Psalms 50:1

SOMOL ni fare Got ni Gubin ma Rayag Rok e be non; be pining e fayleng ni ga’ngin ni tabab ko ngek nge yan i mada’ ko ngal.