Psalms 74:2 - Bible Ni Thothup

² Mu tay u wun’um e girdi’ rom, ni mu mel’egrad kakrom ni ngar manged girdi’ rom, ni pi’in ni mu chuwegrad ko sib ngar manged birom e ganong. Mu tay’ u wun’um e Burey nu Zion, ni um par riy bingyal’.

Psalms 74:2 Referans Kwoze

Jeremiah 10:16

Fare Got rok Jakob e de bodrad; ya ir e sunmiy urngin ban’en, me ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Deuteronomy 32:9

Ma pi’in owchen Jakob e ir e mel’eg ni ir e nge par rok.

Exodus 15:16

Marus nge magar e mul nga dakenrad; bochan feni gel gelngin pa’am miyad duwgil u luwrad ni gowa ba malang, nge mada’ ko ngiyal’ nike yib e girdi’ rom kar thumurgad a SOMOL, ni fapi girdi’ ni kam pithigrad ko sib ni ur ted.

Exodus 15:13

Mu par ni gab yul’yul’ ko tin ni mmicheg, ya mu gafaliy e pi girdi’ ni mu lagrad ko gafgow; gelngim e mu pow’iyrad ngay nga tafnam nib thothup.

Psalms 135:4

Ir e ke mel’eg Jakob ni nge milfan ngak, nge girdi’ nu Israel.

Deuteronomy 4:20

ma gimed e ke chuwegmed Got u lan yu Egypt ni fare tafen e nifiy nma rannag e wasay, ni fan e ngam manged girdi’en, ni bod rogon e chiney.

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Acts 20:28

Mu ayuweged gimed nge fare ulung i saf ni fare Kan Nthothup e ke taymed ni ngu’um ayuweged. Gimed e ngam pired ko galesiya rok Got ni bod e pi’in nma ayuweg e saf, ya girdi’en e galesiya rok Got e rmanged girdi’en Got u daken e yam’ ni tay Fak.

Jeremiah 51:19

Fare Got rok Jakob e de bodrad; ya ir e sunmiy urngin ban’en, ma ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Isaiah 63:17

Mangfan ni mu pagmad nggu warod nga wuru’ e kanawo’ rom? Mangfan ni mu pagmad nge gelan’mad mu gu pi’ed keru’mad ngom? Mu sul ngomad ni bochan e pi’in yad be pigpig ngom, nge bochan e pi’in ni ur pired ni gubin ngiyal’ ni yad girdi’em.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Isaiah 62:12

Bay ni piningmed ni “Girdi’ Rok Got Ni Thothup,” “Fapi Girdi’ Nike Ayuwegrad SOMOL.” Jerusalem e bay nog ni “Fare Binaw Nib T’uf Rok Got,” “Fare Binaw Ni de Fek Got Owchen Riy.”

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Psalms 106:40

Ma aram me damumuw SOMOL ngak e girdi’ rok; nge sonogor ngorad.

Psalms 77:15

Gelngim nib gel e mu ayweg e girdi’ rom ngay, ni pi’in owchen Jakob nge Josef.

Psalms 68:16

Burey ni yo’or p’ebugul mang ni ga be thinthin’an ko fare burey nike mel’eg Got ni nge par riy ndariy n’umngin nap’an.

Psalms 33:12

Ba felan’ e re nam ni SOMOL e Got rorad; ba felan’ e girdi’ nike mel’egrad ni ngar manged girdi’en!

Psalms 9:11

Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!

Deuteronomy 9:29

Ya pi girdi’ ney e irera’ fapi girdi’ ni gur e mturguyrad ni ngar manged girdi’em me gur e mu fekrad nga wuru’ yu Egypt u gelngim nib ga’ nge gelngim nib gel.

Deuteronomy 9:26

Mu gu meybil ni lungug, ‘SOMOL nib Th’abi Tolang, dab mu thang owchen e girdi’ rom, ni fapi girdi’ ni gur e mu chuwegrad u Egypt nga gelngim nib gel nge feni sorom.

Psalms 9:12

I Got e der ma pagtalin e pi’in gafgow, der ma pagtalin e meyor rorad; mma gechignag e pi’in yad ma rin’ e kireb ngorad.

Psalms 94:14

I SOMOL e dabi n’ag e girdi’ rok; ma dabi fek owchen ko pi’in nib milfarad ngak.

Isaiah 62:6

Jerusalem, daken e pi rungrung rom e kug tay e pi matanag riy; ndab ra th’abed gulungurad nnep’ nge rran. Thingar ra puged wuran ngak SOMOL e tin i micheg dab ra paged nge pag talin.