Psalms 73:3 - Bible Ni Thothup

³ ni bochan e awan’ug ngak e pi’in yad ba tolngan’ nap’an ni gguy ni pi’in kireb e bo’or ban’en rorad.

Psalms 73:3 Referans Kwoze

BABYOR NI JOB 21:7

Mang nma tay Got e girdi’ ni kireb ni dab rmad’, ngu’ur pilibthirgad ma be fel’ rogorad?

Jeremiah 12:1

“SOMOL, fa’an gu ra tugthinnag e re pa’ i oloboch rog ney ngom, mra m’ug ni gur e ba sorom. Chiney e thingar gu fith ngom murung’agen e tin nib mat’aw. Mangfan ni pi’in kireb e ba yo’or ban’en rorad? Mangfan ni pi’in nde yul’yul’ e yad ba fla’ab?

Proverbs 23:17

Dabi awan’um ko girdi’ ni tadenen; nge par ni madgun SOMOL e ngam lik’eg u lan e yafos rom.

Psalms 37:7

Mu gum’an ngam sonnag SOMOL ni ir e nge maruwel; dabi awan’um ngak e pi’in ke yo’or ban’en rorad, ara pi’in kefel’ rograd ni bochan e sasalap.

Psalms 37:1

Kireb ni be ngongliy e girdi’ ni kireb e dab mpag nge wagageynag lanin’um; dabi awan’um ngak e pi’in yad be ngongliy e kireb;

Proverbs 24:1

Dabi awan’um ngak e girdi’ ni kireb, ma dab mu guy rogon ni ngam mang tafger rorad.

James 4:5

Dab mfineyed ndariyfan e re bugithin ni ba’aray ni bay u lan e babyor nib thothup ni be ga’ar, “Fare Kan Nthothup ni pi’ Got ni nge par u fithik’dad e be yim’ ni bochan e ngad yul’yul’gad ngak.”

Proverbs 3:31

Dabi awan’um ko girdi’ nma’ngach ara mu leamnag ni ngam ngongol ni bod yad,

BABYOR NI JOB 12:6

Pi’in ma moro’ro’ u fithik’ e yargal nge pi’in dar nanged Got e yad be par u fithik’ e gapas, ni yug aram rogon ni gelingrad e kemang got rorad.

BABYOR NI JOB 17:8

Pi’in yad be yog ni yad ba yul’yul’ e ka ra ngatgad, ma go’ ka ra turguyed ni gag e dagnang Got.

BABYOR NI JOB 24:23

Mang e ra pag Got facha’ nge par ni dabi buch ban’en rok, machane ma yip’ owchen ngak ni gubin ngiyal’.

Psalms 10:5

Pi’in kireb e ma fel’ rograd ko tin yad ma ngongliy. Ya dar nanged fan rogon e pufthin rok Got; ma mad ma girig ko pi to’ogor rorad.

Eklesiastes 7:15

Yafos rog e bm’ayfan, machane gguy riy gubin ban’en. Rayag ni yim’ be’ nib manigil me par be’ nib fos, ni yug aram rogon ni be’ nib kireb.

Malaki 3:15

Ya gadad be guy ni pi’in yad ba tolngan’ e yad ba felfelan’. Ma pi’in yad be ngongliy e kireb e gathi kemus ni be yo’or ban’en rorad, machane ku yad be sikengnag e gumaen’ rok Got ko kireb ni yad be ngongliy ma der buch ban’en rorad.’”